اسكريبتات روان أحمد ♥️

اسكريبت 55

مش اللى بيطلع من الفانوس دا بيبقى راجل نزل ابديت جديد وبقا ست ولا هو على حظى  .

ـ حطت ايديها فى وسطها وقالت : ولا انا نايمه بقا متين سنه وانت جت صحتنى فمتصدعنيش وقول عايز اى علطول .

ـ ما هو انا بكره صنفكوا كله و يوم ما اعمل حاجه مضمونه انه يطلعى منها راجل يطلعى ست بردوا .

ـ ما انت اللى مسحت على الفانوس مره واحده لكن لو كنت مسحت تلات مرات كان طلعلك دحدوح .

ـ  اشمعنا يعنى تلات مرات مش من مره واحده ؟
ـ علشان انا نايمه بقالى متين سنه يعنى من ماسحه واحد صحيت علشان نومى خفيف لكن دحدوح بقاله خمسميت سنه نايم لازم تلات مرات علشان نومه تقيل اصلا .

ـ بسخريه : هو حظى منيل انا عارفك .
ـ هو انت كنت  تطول ان انا اللى اطلعلك  وان اتكلم معاك كمان  دا المفروض تحمد ربنا يجدع .
ـ ضحك بسخرية : يعنى يوم ما حد يعبرك تتغرى كدا .
ـ بغرور : اصل كل اللى طلعتلهم قالولى انى حلوه لحد ما اتغريت كدا .

ـ بتساؤل : طب وهو انتى طلعتى لكام واحد ؟
ـ بتفكير : اممم الحقيقه مش فاكره ممكن كانوا عشرين ولا اكتر .
ـ قولى الحقيقه و متحوريش عليا .
ـ بزهق : الحقيقه كانوا تلات مرات بس .
ـ ضحك بسخريه : ما انا قولت لو تلاته اتعموا وقالولك انك حلوه الباقى مش هيبقوا عُمى هما كمان .
ـ بحزن : هو انا بجد وحشه زى ما دحدوح علطول يقولى .
ـ باستغراب : و هو دحدوح قالك انك وحشه امتى وهو بقاله خمسميت سنه نايم .
ـ بحزن : ما هو قالى كدا قبل ما ينام .
ـ دا انتوا ستات نكديه اوى فاكره كلمه الراجل من خمسيت سنه .
ـ بحزن : طب هو انا بجد وحشه .
ـ هى مناخيرك كبيره حبه وبقك واسع حبتين وشعرك اكرت سيكا بس يستى حلوه متزعليش .
بفرحه : بجد يعنى انت شايف انى حلوه .
ـ ابتسم بهدوء : اه حلوه بس متتغريش عليا بقا .
ـ ابتسمت بفرحه : طب وعلشان كلامك الحلو دا هخليك تتمنى أربع امنيات.
ـ ابتسم وقال : اول امنيه بقا " عايز اقابل حب حياتى اللى هتشقلبلى حياتى واحبها " .
ـ وأدت ابتسامتها وقالت : استغفر الله العظيم هنكفر بقا دا نصيب يا عم وانا مقدرش اعمل حاجه زى كدا قول حاجه غيرها .

ـ انمحت ابتسامته وقال : يستى حد قالك ان انا مش مؤمن بالنصيب بس قولت ممكن تكونى عارفاها يعنى وتعجلى الامور بس خلاص هقول امنيه غيرها  " نفسى فى عربيه فيراري " .

ـ طب هو انت هتكون معاك فلوس كل مره تجدد رخصتها فى المرور ومعاك فلوس بنزين انت عارف البنزين دلوقت بقا بكام وغير لوحاجه باظت فيها عارف اقل قطعه غيار زى الاصليه هتبقا بكام .

ـ عندك حق وانا على باب الله مش هعرف اعمل كل دا ، بس خلاص هقول امنيه غيرها  "نفسى ابقى مشهور والناس كلها تعرفنى ".

ـ طب انت محددتش ان انا اخليك مشهور فى اى ما ممكن اشهرك واخليك مجـ،ـرم عالمى مطلوب من الانتربول ، او مهـ،ـرب مخد،رات ، او قا،تل مأجور او مثلا

ـ قاطعها بفزع : بس يا شيخه اى خلاص مش عايز اقول اللى بعده  "نفسى اكون فى وظيفه كويسه ".

ـ صلى على النبى فى قلبك بس هو فى دلوقت وظايف دا المهندس بقا بـيبيع طماطم يجدع انت امانيك صعبه ليه كدا .

ـ نظر لها بغضب : تعرفى يخربيت اليوم اللى طلعتيلى فيه وياريت دحدوح اللى كان طلعلى اكيد كان هيكون احسن منك انتى خلتينى مش بس طايق صنفكوا انا بقا مش طايق المحكوا حتى .

ـ نظرت له بغضب سرعان ما تحولت لشهقه عندما سمعت تكمله حديثه عندما قال : واقولك على الكبيره بقا انا كنت بجاملك وانتى وحشه ، والله يكون فى عون دحدوح ان طايق يبص فى وشك واتلاقيه مضطر ينام علشان ما يصحاش يبص فى وشك يشيخه ورمى الفانوس بغضب ورحل بعيداً.

اما هبهوب قالت بغضب : حقودى اكمنى احلى منه ياله اما ادخل اكمل نوم يقطعه صحانى من احلى شويه نوم .

حاجه على السريع كدا 😂♥️.
ـ روان احمد .
ـ تمت .
ـ رأيكم يا احباب.