بعدني مصدوم واحس بكلشي يخنكني ما اعرف شنو اكول بعد ما سمعت عيسى يكول هالكلام كله!
كل الي كدرت اسوي انو انام وبس اريد انسى كل الي صار
نمت و حسيت ساعة ١:٣٠ بالليل بس نفسي مقطوع و قلبي يرجف
و جسمي نارر حاولت اكوم ع حيلي بس ما كدرت ولا اكدر اسوي شي .
جبرت نفسي جبر اروح للطبابة
وصلت بس ما لكيت احد بيها
اتصلت ب وسام ما رد عليه
بس بعدها ما اعرف شنو الي صار وياية
——————
نور
وصلت للطبابة بعد ما جنت رايحة اجيب شغلات من المخزن
بس الي شفته خلاني اركض عليه
رشاد فاقد الوعي بالطبابة وحدة والي خلاني اتوتر اكثر ان اني وحدي اليوم
حاولت اخلي ع السيدية حتى اسيطر ع الوضع و بصعوبة كلش خليته
لزمت ايده ناررر تشعل ما اعرف شنو فلم هالمرض الي مو ناوي يعوفه
بس اني متأكدة هو الي ديوصل نفسه لهاي المراحل
سويت الاجراءات ع السريع و ضليت يمه كاعدة
بس حرارته بعدها مرتفعة
رحت جبت مي و شاش حتى اسويله كمادات
بللت الشاش و خليته ع كصته بس هو حس و فتح عينه
اول شي كاله
-نور!
بعيونه حجي هوايه و كل الي كدر يكوله
-اني محتاجج يمي.
ما انكر ان اني قلبي رف اله
طبطبت على ايده وكلت
-اني يمك موجودة.
-نور اني مسحيل اخلي احد يتقرب منج بعد من هاي اللحظة انتِ الي وبس.
رجف قلبي من كلامه و حسيت بغصه بس ما اكدر احجي شي
ساكته و ما ادري و كأن السكوت ديحجي عني كلشي
ما اكدر اكله ان اني محتاجتك مثل ما انت محتاجني واني اني احبك مثل ما انت تحبني وان شاءت الاقدار و افترقنا عن بعض
كلشي مكتوم بقلبي
بس هو خلاني اضعف كدامه
-نور اني مستحيل افرط بيج مرة ثانية.
كال هالجملة واني فقدت السيطرة على كل مشاعري
ابحي ابجي مثل طفلة
احاول اهدي نفسي بس ما اكدر غصة بقلبي خنكتني خنك
اني الي طول عمري متحكمة بمشاعري انهار كدامه!
بعد عنه الكانيولا و المغذي و لزم ايدي حيل واني متأكد جان يتمنى ان يحضني و يبجي مثلي ...
خلصت دموعي و رجعت لوعي رجعته ع المغدي و فحصت حرارته و جانت منخفضة
- رشاد نام شوية اني موجودة اذا تحتاج شي.
سديت البردة كبل بدون ما يرد حتى
حاولت اكمل شغلي بهدوء ورا نص ساعة رحت اشوفه لكيته نايم
سلمت واجبي و طلعت من الطبابة
رجعت واني بالطريق حسيت اكو شخص يمشي وراية
اني الخوف موتني
حاولت اندار بس ما شفت منو مشيت بأعلى سرعة و طب
مدري منين يطلع عيسى كدامي
تصادمت ويا وهو لزمني قبل لا اوكع
وخرت بسرعة وكتله
-انت جنت تمشي ورايه؟
باوع بنظرة استغراب و جاوب
- لا بس اني لازم واجب و شفتج خايفة كلت اوصلج للدار اكو شي صار؟
سألني واني اقسم ان قلبي راح ينفجر من الخوف بس كل الي كلته
-شكراً وصلت بس الضابط رشاد بالطبابة اذا تكدر ترجعه لوحدته يكون افضل هو نايم هسه.
باوعلي بنظرة و ضحك
-قصدج حبيبج السابق؟
استغربت
-شنو قصدك؟
اقترب مني اكثر وكال
-نور يبدو انج ناسية منو اني؟ وهذا الشي ديزعلني هواية منج.
ابتعدت و بصوت خايف كلت
-شتقصد؟ اني اعرفك؟
أنت تقرأ
تحت سيادة القانون
Misterio / Suspensoعندما يعود الماضي ليدخل في حياة الحاضر تكون النتيجة مبهرة رواية ماضيها حقيقي رشاد /ضابط عسكري مجنون نور/ ممرضة تخوض الصعوبات
