قصه قصيره بعنوان (الئ اين يا بلدي)
للكاتبه دانه احمد
في عا 2014انتشرت ضاهره (داعش) ومن حظي السيئ داعش قد احتلوا الموصل محافظتي قبل ان يحاصروننا ذهبنا مهاجرين الئ اربيل استقريت انا واسرتي في خيمه صغيره وبقينا علئ هذا الحال الئ 2015 يوجد الكثير مثلنا ايضا لديهم فقط الخيم نصف منهم توفو من البرد او الحر والبعض توفو من الجوع اما نحن فنكسن في دهوك علئ الشارع العام اليوم هو اول ايام رمضان ونحن صائمين ....
_ام محمد هسه شنسوي
_والله ماعرف الجهال جوعانين ومادري شسوي
_زين تعالي نوكف ع شارع العام بلكي تجي سياره
_يلا امشي
مسكت ثيابي ابنتي ماريا
_ماما ماما جوعانه
قبلت رأسها وقلت
_حبيبتي انتي مو تريدين اجر من ربي
_اي ماما اني احب ربي
_عفيه بالشاطره يلاا لعد خلي اشوف بنوتي الحلوة صايمه
_ماما بس اني شربت مي
_ميخالف حياتي صومي والله يتقبلها منج
_ماشي ماما اني راح اصوم
_عفيه حياتي
ذهبت ماريا لتنام تعرفون كم عمرها 5سنين اجل هذا حال الطفل في بلدي يرئ الحزن في اول عمره
_ام محمد شبيج صافنه
_بعد ساعتين للفطور ومادري منين اجيب اكل
_الله كريم بلكي يجون مساعدات
_ابني محمد بالي يمه ديقاتل بتكريت
_لتخافين ابنه بطل وحلف ميرجع اله تنتهي هل ازمه
_الله كريم الله يحمي كل جندي بالحشد والله ابطال ورفعو راسنه
_امييييين يارب
اتئ وقت الفطار وعبر اصبحت الان الساعه 10 مسائا استيقظت ابنتي ماريا وهي تفرك في عيونها
_ماما ماما
اغمضت عيوني وكأني نائمه
_ماما كومي يلا صار الفطور كل العالم فطرت
هي تتكلم ولم اجيبها
_ماما راح يصير السحور كومي كومي ماما
فضحتني عيني حين دمعت الئ اين يابلدي الئ اين قمت وخرجت الئ الشارع بكيت بألم صادفني سائق شاحنه توقف وهو مرعوب
_خيتي صاير شي
_اااه اهئ اهئ ياربي ارحمنه راح نموت
_خيتي شصار
مسحت دموعي وقلت
_اليوم اول يوم برمضان جذبت علئ بنتي وكتلها صومي حتئ اسويلج اكل طيب
_اي
_واحنه حتئ الخبز باقين بحسرته
_ولا يهمج اختي اني عندي بالتريله مالتي اكل هواي ومعلبات عندي حتئ لحم هذا كوله راح انطيكميا
_لا اخي تسلم ماريد
_شنو ماريد انتظري هنا هسه اجي
انتظرته اتئ محمل بصندوق وفيه فواكه وايضا غذاء ولحم اخذت الصندوق نزلت اردت ان اقبل قدمه
_استغفر الله شدتسوين ماقبل هيج الله يخليج بس ادعيلي الله يحميني من هل طريق الخطر
_الله يحميك ويستر عليك
_يلا يلا روحي وكلي جهالج ورجلج
_الله رحمه علئ والديك
ذهبت واني ابكي من شده الفرح فتحت كيس الارز والمرق طبختهم اخذت خياره وطماطم اعددت الطعام وذهبت لايقظ ابو محمد وابنتي ماريا
_كووووووم ابو محمد شوف شنو جبت
كان ينظر بتعجب ثم قال
_هاي منيلج
_رجال اجه وانطاني
_شلون انطاج
_حبيبي شبيك هسه وكت اسأله افطر وجهك اصفر
فطرنا وشبعنا في هذا اليوم بقيت مستيقضه طوال اليل ادعي ربي ان يحمي ذلك الرجل نمت ونامت ماريا استيقظت صباحا ذهبت الئ الشط كي اغسل ثيابنا
_ماما ماما اجي وياج
_ماشي تعالي حبيبتي
ذهبنا انا وابنتي ماريا الئ الشط واذا بثنين رجال قالو
_انتن شتسون هنا
_اخي نريد نغسل ملابسنه
كانت لهجه كلامه غريبه عربي غير واضح
رما طلقه في بطني وانتهئ......
_ماما ماما كومي لتموتين
ماريا
عدت الئ خيمتنا قلت لأبي
_بابا ماما طلع من بطنها معجون
_شنووووو وين وين امج
_بابا رحنه اني وياها عل شط وعمو خله علئ بطنها معجون
_لا ياربي
ذهبت مع ابنتي ماريا رأيت زوجتي قد ماتت ااااه يا بلدي الئ اين !!!!
لاحقونا مسلحين ركضنا انا وماريا ثم ضربوني وسقطت
_بابا بابا كوم بابا
ماريا
ركضت وركضت توقفت سياره صغيره وفيها امرأة ورجل
_حبيبتي انتي شسمج
_خاله تلفونج يخابر
_اي حبيبتي عليمن تردين اخابرلج
_علئ الجنه
_الجنه!
_اي خاله بابا كال ماما راحت للجنه
_وين ابوج
_ابويه نايم يم الشط يمكن نام تعبان هوة احاجي ميجاوب
تبنيت الطفله ماريا واخذتها الئ منزلي في بغداد انا احلم في ان يكون لي طفل لاني عقيم لم انجب
النهايه بقلم... دانه احمد
