يا غلطة ظلم باكت لذة العشرين

بارت ١٦

السلام عليكم
*********

# بقلم/ الكاتبه - سانسا
****************

ضحى : وأجه حصرني يم الباب وكتله

- عمو همام كافي اصحه عله نفسك حاوطني
بيده عل حايط واتلمس شفتي

همام- هاي الشفايف البارحه كولها اتباوع
عليها وآدم ابن خالج وياج ويباوعلج ابغير
نضره

ضحى: والله مابيناتنه شي هو ابن خالي وبس
لتقيم الناس على طبعك مجرد شاف تصرفك
غلط واتدخل ادم

همام - ها اي اي ابن خالج

ضحى: وأحسه عصر أيدي حيل وكتله تره
اذيتني

همام - عادي اتحملي مو انتي تطلعين
بدون ماتكولين ولاجنج مخطوبه وعندج
رجال اتشوري واتحطين مكياج ابراحتج
ممنوع اتكررين تصرف رغد بس من هل
لحضه ممنوع هذا المكياج وخل اسمع
بيج طالعه بدون ماتكوليلي اله اموتج
بيدي

ضحى: واني ساكته بس دموعي ابسرعه نزلن
وامسح دموعي بديه واجه اتقرب يمي وهوه
حاصرني بثنين اديه ودنك راسه راد يبوسني
ودفعته وماشوفه بس عصب وعصر وجهي
حيل وباسني ابقوه
وأيدي تدفع بي من صدره
اريد بس اتملص منه وعض شفتي ضليت
اضرب بيه اريده بس يوخر ماوخر لان كولش
ضخم مااكدرله واشويه وخر وضليت ابجي
وغطيت وجهي بكفوف أيدي لأول مره اتعرض
لهيج موقف

همام- علمود ثاني مره مدفعيني خوش

ضحى: واحس شفتي حاره تجري دم
ومسحته بيدي ومسحت دموعي ماحجيت
شي وهوه عافني وراح اتمدد على جربايته
وخله ايده على عيونه ولاكني موجوده
وكتله لتصور راح اسامحك على هذا تصرفك
مع الأسف جنت ماخذتك ابعين الجبيره
بس هسه نزلت من عيني كلش عيب عليك
هيج اتسوي بيه
- وما اهتم الكلامي ولفيت
شالي وعفته وطلعت ولاكتني اخت همام
كالت

- ها بعد وكت وين رايحه

ضحى:اتباوعلي على ملامحي ابقلق وكتلها
لااريد اروح

- ها ابراحتج

ضحى: وطلعت من الباب واني عيوني ماكدر
اشوف من البجي امشي سريع وامدنكه وماأحسلك
اله صدمت ابشخص

ادم- اسم الله اشبيج ضحى ليش تبجين

ضحى:وباوعتله واني دموعي بس تنزل
واتلمس وجناتي متبلله
-كتله مابيه شي

ادم - كل هذا البجي ومابيج شي وشبيها
شفتج كلها دم احجي

ضحى : لا بس انزلغت

ادم - ها انزلغت ولله اني أعلمه مو معناها
صرتي خطيبته هيج يعاملج والله العظيم
اموته بيدي هذا الحقير

ضحى: عفيه ادم عوفه لتروحله لاتدخل

ادم - اي يصير خير مسحي ادموعج لان
ادموعج جمر ينزلن على كلبي
غاليه ادموعج عليه ودخلي البيت
عمامج اجو الولد