يوم من الايام ونوره جالسه في غرفتها تتابع تدخل عليها امها تقول تجهزي الليله بيجون حريم بالبيت وبعد اخوك عازم اخوياه تجهزي بسرعه وانزلي تحت ساعديني نوره تقول يليل يا يما مالي خلق عادي اجلس بغرفتي الام:اقول من بيساعدني يابنتي غيرك تعالي ساعديني نوره الشكوى لله ابشري يايما وتبدء نوره تتجهز واللي بتتعب اكثر منه هو عزيمة اخوها لأن اخوها يعزم كثير ناس المهم تجهزت ونزلت تحت عند امها وراحت تسلم على الحريم ومن اللي موجودين ام احمد وشافت كشخت نوره وقامت تتمدح فيها وكل الحريم قامن يمدحونها المهم راحت تساعد مع امها ونجي مع الاحداث اللي صارت مع البطل.
.
.
احمد كان يلعب سوني ويدق عليه خويه رايد ويقول ترى عندي عزيمه بالبيت تعال حياك الله والعيال موجودين احمد قال ان شاء الله وراح للعزيمه بليل طبعًا وراح العزيمه وسولفو طلع رايد مدري وين راح له نص ساعه ومندري وينه وراح احمد يدور عليه بالحوش ونشوف وش صار مع البطله.
.
.
نوره يوم كانت تساعد امها امها ارسلتها تاخذ كرتون الماء وتعطيه اخوها رايد وقالت تمام وراحت حوش الرجال على اساس انه اخوها بس هو اللي موجود بالحوش والرجال بالمجلس وكان ثقيل كرتون المويه ماكانت تركز ابد بالي قدامها اصلًا مدري كيف شالته المهم راحت الحوش وشافت اخوها وراحت له يوم قربت لاحظت انه هذا مو ثوب اخوي بس تجاهلت ونزلته عند رجليه
عاد احمد شافها من يوم دخلت ومحس بنفسه الا وهو يطالعلها وصار اكثر من دقيقه وهو يطلعلها بعدها استوعب على نفسه انه مايجوز وكذا علطول نزل راسه وراح يبي يدخل المجلس وسمعها تقوله انتظر يا رايد خذ كرتون الماء ووزعه على العشاء ونوره ماكانت تدري انه خوي رايد احمد وعاد احمد تجاهلها ومشى ونوره شافت انه تجاهلها راحت وقربت منه ومسكت يده ولفته عليه وهي تقول رايد ليش تتجاهلني والا وتشوف انه مو اخوها وتناظرله بنظارات صدمه وهو بعد منصدم من جرأتها وقامو يناظرون بعض وبعدها حست نوره على نفسها وفكت يده تقول اسفه اسفه وتهج بغت تطيح من سرعتها وهو على طول حس على نفسه وراح مجلس الرجال وهو ميت ضحك وبنفس الوقت حس بذنب لأنه مارد عليها لأن لو رد عليها وقال يا اختي انا مو رايد كان مامسكت يده وبنفس الوقت قاعد يسرح ويفكر بجمالها اللي مو طبيعي وشيطان قام يوسوسله خذ سناب حقها وقال استغفر الله بس اذا انا ابيها خلوني اخطبها احلى على سنة الله ورسوله وبدون اسوي المحرمات وفكر انو اخوها مستحيل يرده لأنه خويه وفرح.
.
.
نوره كانت منحرجه مره وكانت خايفه مره انو شافها احد وكل ماتتذكر اللي صار تنحرج زياده وتقول يارب مايعلم اخوي يارب بعدها لاحظت ماشاء الله عليه انه اول ماشافها صد على طول مو نفس الرجال الباقين اللي مايستحون ويطالعون لا هو العكس على طول صد
بعدها نست انه خلت كرتون المويه بالحوش وراحت تاخذه بدون مايشوفها احد وراحت خذت كرتون المويه وجت تبي تدخل داخل الا و يد تسحبها وتلف الا وتلقى راكان طبعاً راكان هذا ناشبلها من يوم وهي صغيره تقدملها مليون مره لكن رفضت وزياده على ذلك اخوها بعد رافض لأنه يكرهه وقالت نوره: ولد انت ليه ماتتركني استحى على وجهك ماعندك كرامه انت
راكان: انتي اللي خليتيني كذا ليش رفضتيني
نوره: انا مابي اتزوج الحين وتكفى فك قبل لاحد يشوفنا
راكان: مارح افكك وشراح تسوين وبد يقربلها على شوي شوي ونوره تعطيه كف على وجهه وهو انصدم من حركتها وراحت نوره دخلت داخل وهي ترتجف كانت خايفه مره انه احد شافها وش راح يفكر لكن كانت تحس انه محد شافها وخلصت العزيمه وكلهم راحو بيوتهم
.
.
الصباح الثاني كان طبيعي زي اي يوم طبعًا نوره ماكان عندها اخ ولا اخت بس الوحيد اخوها رايد وكانت تحبه مرهه كان اخوي راح البقاله قال بيجيب سناكات وكذا وجلسنا بالصاله نوره و امها الا وامها يجيها مكالمه وترد وكان هذا احمد وكان شوي صوته مو بخير قال ياخاله بقولك شي الام ياولدي وش فيه صوتك كذا في شيء ونوره كانت خايفه شوي كانت تحس في شي صاير الا والام تصارخ تقول وش فيه ولدي فيه شي وتقول تكفى ياولدي تعال خذني الى المستشفى ماعندي وقت اطلب توصيل قال احمد ابشري ياخاله دقايق وانا جايك ونوره هنا خافت مرهه وقالت وش فيه اخوي في شي صاير تقول الام اخوك بالمستشفى مسوي حادث بروح له تقول نوره تكفين يما بروح معك وكانت تبكي وبحالة انهيار *وامها ماكانت معاها كانت تهوجس*
قالت طيب بسرعه البسي عباتك تقول طيب وجهزت و ركبت السيارة هي وامها وعلطول على المستشفى واحمد لاحظ انها نفس البنت اللي شافه امس لأن عرفها من عيونها طبعًا كانت متنقبه البنت وماكانت تهتم له ابد ونظرلها بعدين حس على نفسه بعده استغفر وبعدها قاعد يفكر بخويه لأن كان رايد مو خويه وبس كان يعتبره اخوه وكان يمسك نفسه عشان مايصيح ووصلو المستشفى وكانت نوره اسرع وحده فيهم وسحبت عليهم راحت تركض ووصلو كلهم على الدكتور سألو الدكتور
الدكتور: هو موجود الحين بالعنايه المركزة وضعه خطير ونشوف مع الوقت وتركهم ونوره قامت انهارت انهيار مو طبيعي واحمد ماكان مصدق اللي سمعه و ام نوره انهارت بعد بس اكثر وحده انهارت نوره لأن رايد مو اخوها وبس كانت تعتبره صديق و اب وكل شيء
وبعدها حست ان الدنيا تدور وصارت كل شيء تشوفه اسود وطاحت اغمي عليه وبعدها قام احمد و ام نوره بدو يصايحون واكثر واحد خاف على نوره احمد قام وشال نوره وقام ينادي الدكاتره ومافي احد يسمعه وقام يركض فيها بالمستشفى يدور دكتور الين اخيرًا لقى دكتور وخذوها ودخلوها بالغرفه وقال الدكتور مافيها شي بس عشان انها دخلت في صدمه واغمى عليها وقام احمد يسأل الدكتور اشياء تافه مره من كثر ماكان يهتم فيها وخايف عليها
وبعدها قالت الام الحمدلله مافيها شيء بنتي دخلت الام شوي على بنتها وشافتها وبعدها طلعت راحت المقصف حق المستشفى تبي تاخذ شاهي عشان تصحصح طبعًا هي دخلت غرفة نساء وفصخت عبايتها وكان شعرها مفكوك ولابسه لبس المستشفى واحمد دخل عليها يبي يتطمن عليها بعدها يروح يشوف خويه وماكان يدري انها كاشفه وجهها ودخل عليه وشافها وقرب وجلس جنبها بسرير وماكان يحس بنفسه ابد واحمد ابدًا مو من هالنوع وقام يتأملها لمدة مدري كم بس طول بعدها استوعب وعلى طول صد وطلع برا الغرفه وراح قاعد يشوف خويه رايد طبعًا كان يناظرله من الزجاجه وقاعد يدعي ربه يقوم بسلامه
بعدها قامت نوره وعلى طول شافت نفسها بالمستشفى وبكت زياده وشالت الاشياء اللي على يدها حقت المستشفى وقاعده تمشي باليالله بس كان همها تشوف اخوها وماكانت تحس بنفسها وطلعت من الغرفه وهي ماعليها شيء بعدها شافها احمد طالع برا الغرفة وراح ركض لها وقال يابنت الحلال استهدي بالله وادخلي داخل ترى ماعليك شيء تغطي وهو قاعد يناظر بالأرض وهي تقول انقلع بشوف اخوي ماهمني شيء وهي اصلًا باليالله تتكلم وصوتها مبحوح وهو يقول يابنت ادخلي داخل معليك شيء البسي عباتك بعدها تعالي شوفي اخوك وهو للحين يناظر بالارض ونوره مصمله الا وتشوف اخوها الا احمد ماقدر يمسك اعصابه ونظرلها وهو معصب وسحبها مع يدها وسحبه بالغصب ودخلها الغرفه وهي تقول اتركني ماتستحي على وجهك وهو يقول انتي اجبرتيني اسوي كذا وخلها وطلع من الغرفه عشان مايشوفها ويقول البسي عباتك بعدها اطلعي نوره اففف ولبست نوره عبايتها وعلى طول راحت ركض تشوف اخوها كانت ميته خوف وشافته وقامت تبكي بكاء على الصامت وجلست بالكراسي
تبي تسأل احمد وين الدكتور عشان تتطمن عليه تقول نوره:احمدوين الدكتور ابي اشوفه
احمد:( احمد ابتسم وهو يهوجس اول مره يحب احد يناديه بأسمه) ليه وشتبين فيه؟
نوره:ابي اسأله
احمد:وشتبين تسألين
نوره:انت وش دخلك انت تعرف انت وينه بس
احمد: لا مادري وينه
نوره: طيب وش اسم الدكتور؟
احمد:اسمه فلان بن فلان
نوره: (ايه زين جت نوره تبي تروح)
احمد:على وين
نوره: بروح ادوره
احمد: طيب وراحت نوره جت وسألت الدكتور تقول عادي اشوفه قال طيب بس لاتطولين
نوره:شكرًا يا دكتور وراحت ركض متحمسه تشوف اخوها وجت غرفته وتبي تدخل
احمد: وين تبين ممنوع تدخلين
نوره: الدكتور سمحلي ادخل
احمد: اجل انا بدخل معك
نوره: لا مافيه الدكتور يقول شخص واحد بس
احمد: طيب وحتى انا ابي اشوفه
نوره: تشوفه بعدين
ودخلت نوره وشافت اخوها وجت الممرضه تقول اطلعي قالت نوره طيب وطلعت وقالت الممرضه تقول بنحطه بغرفه عاديه الحمدلله تجاوز الخطر وهو بخير الحمدلله لازم يقعد بس بالمستشفى يومين بس ويطلع ان شاء الله
نوره بدون ماتحس على نفسها حضنت الممرضه
نوره: شكرًا ماقصرتو (وبعدت بخجل بعد ما استوعبت )وقالت اسفه الممرضه وهي تبتسم:عادي وراحت ونوره من اليوم قاعده تناقز مو مصدقه وتقول الحمدلله الحمدالله واحمد كان بعد مبسوط مره
واللي يسأل على ام نوره هي رجعت البيت بعد ما عرفت الخبر لأنها كبيره بسن وماتحب المستشفى وقالت نوره تجي معها رفضت نوره وقالت انا بجلس عند اخوي وام نوره ماعندها خيار ثاني ووافقت وراحت عند احمد وخذته على جنب وقالتله يا احمد اعرفك انك رجال ماشاء الله عليك عادي تنتبه لبنتي قال ابشري ياخاله
(رايد و ام نوره كانو يثقون بأحمد ويعرفون انه مو حق السوالف هذي)
وراحت ام نوره بالبيت ونوره بقت عند اخوها رايد
وجلست بجنبه طبعًا هو كان نايم وهي تقول ياربي لك الحمد وتدعي واحمد يطالعلها ويقول مع نفسه بصوت خفيف آمين نوره لاحظت ان احمد موجد وقالت بروح ازين شكلي اكيد شكلي يخوف بعد مابكيت قامت نوره تبي تروح دورة المياه وبعدها رجعت لكن قبل ماتدخل سمعت احمد وهو ماسك يد رايد ويقول رايد تدري انت مو بس خويي لا انت اخوي الحمدلله انك رجعت سالمًا معافًا ودخلت نوره وقامت تناظر رايد وبعدها تنظار احمد
نوره:لو سمحت احمد انا اسف على كل شي سويته ماكنت احس على نفسي
احمد:لا عادي مافي مشكله
بعدها نوره جلست وقاعده اناظر اخوي واحمد ربي وبعدها ناظرت احمد بنظرات يعني اطلع من الغرفه وهو فهم وطلع وقال اي شيء تبينه انا موجود برا نوره: لا مابي شيء شكرًا وطلع احمد
وبعدها مرت يومين وصحى رايد ورجعو البيت رايد شكر احمد لأنه اهتم في نوره وساعدنا ورجعنا البيت وبعد يومين.
.
.
كان زي اي يوم طبيعي نوره كانت جالسه بغرفتها ويدق جرس الباب على الساعه٨ بليل ويفتح رايد طلع احمد جايه وابوه وامه ودخلو وكانو جايبين معهم حلى وكذا وكانو متكشخين وجايين استغرب رايد وهمس رايد لأحمد وقال فيه حاجه او مناسبه شي قال لا مافي شيء بس راح تفهم بعد شوي اجلس عاد انت وجلس رايد وهو مستغرب شسالفه ونوره بعالم ثاني تلعب بسوني ولا تدري وش السالفه المهم
ابو احمد: ياولدي جايين نبي القرب منكم جاي اخطب لولدي احمد على سنة الله ورسوله من اختك نوره وبدو يتكلمون وكذا وقال رايد ابد ابد موافقين
المهم خطبو وخلصو وكل هذا صار نوره ماتدري وش السالفه المهم جاها رايد بغرفتها
رايد: نوره تعالي بقولك شيء
نوره: امر اخوي وش تبي
رايد: نوره تعرفين حنا مابنبقالك انا و امي طول العمر
نوره: بعيد الشر عنكم
رايد: يعني انا ماني موظف واخذ من تقاعدي وباليالله يكفيلي لي انا وامي وتعرفين امي خلاص كبرت وما عندها حيل تهتم لك
نوره: اخوي تدري اني ماحب اللف ودوران تكلم بشكل واضح
رايد: اسمعي يا اختي انا تو جاء ناس يبون يخطبونك وانا وافقت لمصلحتك و ماشاء الله الرجال ماعليه ويقول اعرفه زين وراعي دين وقام يمدح فيه
ونوره ماهي منتبهة له تفكر بالمصيبه اللي سمعتها تو
نوره: اخوي مافهمت وش قلت (بصدمه)
رايد: خويي احمد خطبك وانا وافقت
(و نوره ولأول مره تعصب زي كذا)
نوره: طيب ليه ماتتناقش معي تدري يا اخوي اني رفضت راكان عشاني مابي اتزوج الحين وانت الحين بتزوجني
رايد: انا ادرى بمصلحتك يا اختي.. وتقاطعه نوره
نوره: ليش طيب ماتقولي روح الحين كلمهم وقل البنت ماتبي بسرعه
رايد:اسمعي عاد لا تطولينها وهي قصيره خلاص انا وافقت ماقدر اردهم اقول بس اسمعي ترى بعد اسبوعين الملكه تجهزي وطلع
نوره بحاله انهيار ماتبي وراحت كلمت امها تقولها وامها نفس كلام رايد وماكان فيه حل ثاني وسكتت
(نوره انصدمت لأنها كانت تعتبر احمد زي اخوها ولا مره فكرت ولو لحظه انهم يكونون لبعض)
ونرجع مع البطل كان يحمد ربه انه خطبها وكان يحسب ان نوره وافقت هي عليه ماكان يدري انها مغصوبه عليه وبعد اسبوعين.
.
.
(دلعتكم البارت طويل 😂)
