البـاربت 1
مساء الخير
**********************************************
هنياله الغبي مرتاح
مايسأل ولا يحتار ويعاني
احسد حايط الجيران
يدري العُمر شجرة وباب ميتاني
احسد كِل بشر عنده بشر ثاني
احسد گلب كِل دفان
عنده الدنيا صُم تراب
مايصفن اعله الحيطان
يفرح لو دفن عريس
لو شاف الجنايز
عبي من النسوان
يتخيل صوت كِل صرخة
اثر طگات فتحة جرة الجزدان
متعلم يطم الناس
ميتاني ويحط عيونه بالبيبان
أتمنى بنعاوي الموت لو دمعة
أتمنى اصير ب إي عرس شمعة
اتمنى ولو بسمار بالتابوت
لو اندفن شيبة براس المفرعه
*************************************************
كعدت على صوت الصلاة الصبح شفت الساعه بـ ٤:٥٣ص
كمت من فراشي نزلت جوه شغلت الاضويه البيت هدوء رحت للمغسله اتوضيت وفرشت سجادتي بالصاله وكعدت اصلي صلاة الفجر وصلاة اهديها الى الامام المهدي (عجل الله فرجه )كملت صلاة وكعدت اسبح واقره ادعيه وادعي الي والاهلي كملت بست التربه ومسحت وجهي بيها
كمت لميت السجاده ورجعته المكانها جاي ارجع لغرفتي شفت نبـع الحنان كعدت للصلاة رحت صبحت عليها وبست راسها
ريان:صباح الخير امي حبيبتي
ميسون:صباح النور حبيبت امها تقبل الله صلاتج بنيتي
ريان :منا ومنكم يروحي.راح اكعد البنات للصلاة وهم يكعدن يراجعن للامتحان
ميسون:ماشي بنيتي اخلص صلاة واسويلكم ريوك
ريان:ماشي حبيبتي.عفت امي وصعدت لاخواتي اكعدهن
صعدت شفتهن غاطات بالنوم كلت خلي اخبث عليهن شوي
توجهت للكنتور طلعت السماعه الصغيره وربطتها على جهازي وطلعت صوت چلب يعوي وخليته يم راسهن خليت طشارهن ماله والي كعدت بالكاع متتت ضحك عليهن عيوني من دمع مااشوف بيهن من كد مااضحكت
مااحس اله دفره بطني من اختي هجمت عليه دفرات
رؤيا :چلبه حقيره الله يطيح حضج ليش هيج خرعتينه اكو واحد يكعد هيج
ريان:بس اوكفي خلي نتفاهم عليج الله ههههههه ولج الكوريه اوكفيي كافييي
وكعدتلي دفرات خلتني اندم لان هيج كعدتهن
رؤى: الحمدلله والشكر عود هاي انتي الجبيره شخليتي للزعاطيط
ريان:ههههه مو ادري بيجن مااتكعدن
رؤيا:غمتني ونزلت
ريان:يلا انتن روحن غسلن وصلن وكعدن راجعن مبقه شي للامتحان
نزلن اخواتي واني كمت عزلت الغرفه لان الكوريه هوستها
خليت جهازي على شحن حتى اخذه للجامعه مشحون
طلعتلي ملابس وحظرت ملابس اخواتي ونزلت شفت الوجهه مكلبه حصرتني الضحكه ع شكلهن خطيهه
ميسون:بنيتي ريام روحي جيبي القوري هدر الجاي
ريان:حاضر يمه رحت جبت الجاي وجيت كعدت التمينه ع صينيه نتريك طبعا مااتحلى الكعده بين شقه ومناكر رؤيا وسمر
ريان:اكلج يمه ليوم اتأخر اروح لـ صديقتي نرجس اشوفها مريضه
ميسون :روحي يمه بس ديري بالج على نفسج نضر عيني
ريام :حاضر يمه خلصت ريوك صعدت اجهز نفسي عسريع حيجي ابو الخط مالي اخواتي بـ ٩ يرحن فـ ع كيفهن يجهزن نفسهن بعدني دالف الربطه ودك هورن السياره ابو الخط نزلت عسريع بوست امي
ريان:رايحه يمه محتاجه شي اجيب وياي
ميسون:اريدج سالمه بنيتي
ريان :طلعت صبحت على ابو الخط يصير رجال كبير بالعمر
صباح الخير عمو شلونك
ابو كرم:ببـتسامه صباح النور بنيتي
ريان:صعدت وفتحت الملزمه وكعدت اراجع
وصلت الجامعه دخلت توجهت للقاعه كعدت
احس نفسي ضايجه نرجس ممداومه صار الها ٣ ايام
واني معندي صديقات بس نرجس واحس نفسي كلش ضايجه
كلت خلي اخلص واروح اشوفها شبيها
جان عدنه اول محاضره لـ استاذ عمار وهذا فد واحد غثه
كوه خلصنه محاضرات ليوم ممل كلش
وبعدها خلص الدوام توجهت لبيت نرجس
ريان:هلاو عمو شلونك
ابو كرم:بضحكه هه هلا بيج بنيتي
ريان:عمو فدوه وديني لصديقتي نرجس بيتهم بـ منطقه ال****انطيته العنوان
خطيه مكال شي وصلني
نزلت وكتله انتظرني اشوفه وراجع مأتخر
دكيت لباب مرتين وجان ينفتح طلع طفل صغير
الطفل:ها خاله محتاجه شي
ريان :لا حبيبي اني صديقه نرجس أريد آشوفها
الطفل:صديقه عمه نرجس اوكفي هسه اكلها
راح يركض الطفل يصيحه
دقائق ونفتحت لباب وطلعت ام وجهه الحلو
نرجس: هاي شنو منو جاينه يابة
ريان:بذات اخابر متردين ومتجين للجامعه كلت اجي اسويلها سبرايز
بوستها وحضنتني
نرجس:احلا سبرايز وربي ههه فوتي
ريان :دخلت لبيتهم شفت البيت نضيف وريحه طبخ يرد روح وبوكتها جوعانه بس استحيت شفت خاله ام نرجس ومرت اخوها سلمت عليهن كعدت بالاستقبال راحت نرجس تجيب مي
خاله ام نرجس:شلونج يمه شلون صحتج
ريان:الحمدلله بخير اجيت اشوف نرجس والله ضل بالي يمها مداومت واتصل عليها مترد
قبل لترد امها ردت عليه نرجس وهيه شايله صينيه بيها مي وعصير
نرجس:والله ريانه مريضه اسم الله عليج وجهازي شامرته
ريان:يروحي مبيج غير العافيه شلون صرتي هسه
نرجس :الحمدلله زينه فلاونزه وفكتني وهسه صرت زينه
ريان:يعمري المرض العدوج متستاهلين
بعد سوالف وشقه نسيت عمو ابو كرم بشارع ههه خطيه
كمت سلمت عليهن ونرجس جلبت اله انغده بس كتلها ابو الخط ينتظرني غير مره
سلمت عليهم وطلعت شفت عمر ابو كرم
ريان:عمو اسفه اتأخرت عليك خذتنه سوالف ونسيتك
ابو كرم:مصار شي بنيتي عادي
توجهنه للبيتنه وعم سكوت بسياره
دخلنه بفرع بيتنه واشوف هوسه عالم وصريخ نخمش كلبي
ريان:عمو شصاير شكو هنا واني حاطه ايدي على كلبي
ابو كرم:بنيتي مادري شصاير هدي
ريان:اشوف هوسه كبال بيتنه والبيت واج نارو وكفت سياره كبال بيتنه واشوف اخواتي.........
يتـبع....
.روايه جديده وصدمات جديده
.شنو توقعاتكم 🔥👀
.لاتنسون نشر الروايه بكل مكان
*
*
*
*
نَلتقى في المُلتقى القـادم 🤍
YOU ARE READING
عكس عقارب الساعه
Teen Fictionفي وسط المدينه هناك فتاة تورث جمال أمها لكنها لا تعرف ما الذي يحدث في هذه الفتاة التي كانت تعاني في طفولتها بسبب هذا الأمر * * * * * الكـاتبه ريحان الـ مصطفى
