ألمي وملاذ قلبي

بارت 27 (اضافي)

الكاتبه بنين احمد
«ألمي وملاذ قلبي»

...................
ولا تنطي روح ترا مو كل بشر اني ..
باجر اذا زعلك ما راح تلكاني ..
ما تلگه مثلي يهدلك الحيل ..
يعتذر منك وانت غلطان ..
ومن اليغثك دوم زعلان ..
.........................

شغف..
صعبه على الانسان انو يبقى عايش وهوة فاقد اعز احبابه واني مو شخص واحد ولا اثنين اني فقدت عائلة
شما الانسان يحاول يتعايش ويه الوضع بس آلذكريآت اداهمه وترجعه النقطه الصفر..

يصبح السقف في منتصف اليل مسرح الذكريات الحلوة والمرة..

ذكريات حسين حبيبي واخويه وعمري ما خذ نص حيلي ومن الغير المصايب الي اجت ورة مصيبته..

اكثر شي اذاني فقدان حسين اخوي الي ما كدرت اتخطى لهاي الحضه هوة ماات اي مات وعافني وعاف ذكرياته وضحكته وصوته ورا..

_غمضت عيني بتعب واني اذكر مواقفه..

شغف.. حسين هاي السالفه بطلها والله اضوج من هاي الحركه

حسين..ترقص حافيه القدمين.. يالله اختي العزيزة ارقصي

_انجب ولي عني

_يا جلوبة اني اخوج الجبير شلون تحجين هيج

_بعدك زغير من تتعدة ال 18 احترمك هسه كلك 16 سنه

اسولف مندمجه وياا نايمه على الجربايه وحسيت شي برجلي يمشي.. طفرت من الجربايه للكاع طحت على رجلي..

_حسين مو كتلك بطلها

_ههههه جنج كنغر

_مو جاي نحجي واهرمل مثل الجلب صار ساعة واكلك هاي الحركة بطلها تخاملني وتكركش رجلي واني نايمة

_اريد افتهم ليش من تنامين اطلعين رجليج من البطانية وتغطين راسج جنج حيه بتبن

_سوله

_جا مشكلتج كل ما الكاهن طالعات اكلهن

_حسسسين بطلها هاي العادة

شغف.. فزيت مختنكه بلكوة اتنفس رفعت راسي لكيت اباذر كبالي.. لزم ايدي ويحجي بخوف

اباذر.. شبيج حبيبتي

_باوعت بوجهه ونزلن دموعي.. حجيت واني مختنكه..

_اباذر اريد اخووي

تقرب عليه حضني ويمسح على راسي..
_لو بيدي والله اطيته روحي وجبته واني اموت بمكانه.. حاولي تنسين شغف لا تعذبيني ويااج من غير شي اني جااي اموت الف موته

باس راسي وهوة يحجي.. اذا مو الاحد تخافين علي خافي على هذا البطنج جاي يتعذب بسببج شنو ذنبه حرام عليج لا تفكرين هواي هوة هذا قدرنه الله يرحمهم