مادريت أن اللي يحبني يبي حزني

رسالة حب

طلع للدرج بشويش وقال بصوت لطيف
-سند تجي معي
سند الي كان يرتب حلوياته قال بتملل
-فين؟
-بنروح لبيت عمي حمد
ابتسم سند وشال بسرعه حلويات وحده حطها في كيسه والثانيه في كيسه ثانيه وقال بصوت عالي
-يلا بحلقك
-طيب بنتظرك بالصاله لا تطول
فتح الدرج وخرج ورقه صغيره وجاب قلم اسود جلس عالكرسي والورقه عالطاولة ابتسم وهو يطالع القلم حط القلم على الورقه وبداء يكتب بعد ماجمع افكاره
(جبتلك كل الحلويات)
الي تحبيها واتمنى تكون كافيه )
عشان تنسيك الألم الي فيك)
بس ارجوك لا تموتين مثل امي )
احب...من سند)
شخبط على الاف والحاء الي كان بيكتب فيها احبك خاف بس مايعرف ليش حط الورقه بين الحلويات الي في كيسة جود  وقف وقال
-مدام مسحت احبك ليش مابدلها بقصيده
رجع جلس عالكرسي وفتح الورقه الي كان فيه فراغ كبير يقدر يكتب فيها كتب
(هذي قصيده من خالد الفيصل)
اخترك من الناس,للقلب خلاّ
ياحيثك مرادي,وكيفي وذوقي

مارحت ادور,كل زول تحلى
لولاك تسوى,ماعطيتك خفوقي

...................................

حطاها في الكيس
ونزل وفي يده كيستيين قال فيصل بضحكه
-لمن هذي الكيستين؟
-موقلت بنروح لبيت عمي حمد جبت حلويات بهاج وجود
قام وقال بمزح
-لا تغدر فيهم هم بعد
-لا معليك ماني مثلك
ابتسم وقام خرج معه يمشون في الحاره الي ورد بستانهم محليه ريحة الحاره شمها فيصل وقال
-يالله كيف هذي الريحه ترد روحي
طالع في سند وقال
-سند وش الريحه الي تحسها ترد روحك؟
نزل راسه شوي بعدين طالع فيه وقال ببتسامه
-ريحة شال امي
وقف وقال بستغراب
-شوي كيف؟
-يوم كنا عند خوالي خالتي لطيفه اعطتني شال امي ووقتها كل ماشمه ارتاح
ابتسم وحط يده على راسه سند وصار يلعب بشعره ماج يده سند بأنزعاج
-خلاص ياخي ماني بزر عندك
-الا بزر
دخلو الحوش لقو بهاج وابوه وإياد على كراسي في الحوش حقهم رحب فيهم حمد وسند وقف عند بهاج وهو يعطي بهاج الكيس قال بهاج ببتسامه
-الله شكرًا ياسند
-عفوًا
جلس وهو ماسك الكيسه الثانيه بيده كان فيصل يبي يتودد لإياد عشان خطته قال فيصل
-سند عط الكيس الثاني لإياد
قمط سند وحرك راسه بلاء انصدم فيصل وقال بعصبيه
-ورع بجيبلك بداله
بتوتر
-هذا حق جود
-جود مهي هنا معليك بشتريلها عط إياد
طالع سند في حمد بنظرة ترجي ابتسم حمد وقال
-خلاص عطني الكيسه
خذ حمد الكيسه وقال وهو يفتح الكيسه
-خلاص بقسمها بين جود وإياد
وقتها حمر وجه سند وبدت اطرافه تبرد وحس بمغص في بطنه وعرق وهو يطالع في يد حمد وهي تفتح الكيسه دخل يده ومسك بسكوت رفعه وشاف الرساله طالع في سند وقال
-ايش هذا؟
والكل كان يطالعه بتقرف كان كل هذا سناريو في عقل سند وتأكد ان حمد لسه حط يده على البسكوت الا يسمع صوت عالي يقول بترجي
-بابا تكفى نروح البقاله؟
كانت جود خرجت لهم طالع فيها سند وهو معرق ووجهه محمر فقال حمد بضحك
-يوهه عاد سند جايبلك كل الحلويات الي تحبيها
قربت وقال بسعاده
-من جد
اخذت الكيسه وهي فرحانه لفت على سند وقالت بفرح
-شكرًا كيف عرفت الأشياء الي احبها؟
بتوتر وتلعثم
-احساس
قال إياد
-خلاص ياخالو فرحت جود مره فرحتني وكدا انا شبعت مابي اي حلويات ولا ابي حاجه
طالع بهاج في وجهه فيصل الي يطالع في إياد بتقرف ضحك بهاج وقتها حس فيصل وجلس على كرسي وقال
-الا إياد تخاوينا اليوم؟
-الله في بنروح؟ ومع مين؟
-مع اخواني
-بتروحو البر؟
-تبي البر؟
-لا ايوو تبي اتوسخ بالتراب نواي
وهو مرتفع ضغطه بس ابتسم
-فين تبي تروح؟
-نروح المول
-ازعاج وزحمه لا
-الحديقه
-حقت عوايل
-في الحاره
-نبي نطلع وانت تقول الحاره
-طيب فين نروح؟! خلاص فكرو انتا واخواتك..قاطعه فيصل وقال
-اخواتي؟ يعني ماشفت الشنب حتى في ذا الورع سند شنب وانت تقول أخواتك!
-خلاص ياخي شفيك لا تشدها ياهوه فكها شويه
بصوت خفيف
-فكو لحيك
جلس معهم سند بعد ماراحت جود وشالت الكيس وسوالف بينهم وحمد يحكيلهم سوالف عن زمانهم

الساعه 5 العصر
دق جوال فيصل
-الو فينك وفين سند؟
-حنا يبه في بيت عمي
-خلاص تعالو البيت
-فيه شيء
-يعني اذا بدعيك لازم يكون فيه شيء؟
-لا بس... بلا بس وتعال
قام فيصل وقال
-عاد انا استأذن والوعد في الليل يا إياد
-تمام مروني الساعه 9 لأن ابي اخذ دوش واشوف وش البس وكيف راح تكون نفسيتي وقتها
شمقلها فيصل لا إراديًا ومسك يد سند وخرج قال إياد بصدمه
-وي اشبو دا كدا يشمق
طالع حمد في بهاج وقال
-وعاده يسأل
كان بهاج ماسك الضحكه وهو يشوف كيف ابوه يطالع إياد وإياد مطلع جواله ويقول
-احس شعري اليوم مره مو مرتب تقول بهاج اطوله؟
قام حمد وقال
-عاد انا بوضي وبروح المسجد
-يبه توها عالصلاه
-ياولدي مقابلة ابو صالح ولا المايع
قال إياد بستغراب
-خالو انا سمعت هذي الكلمه قبل كدا بس هي كلمه وحشه؟
-لا يعني انك كفو
-الله صدق عاد انت ياخالو اميع واحد في الحاره
خرج الشاهي من خشم بهاج من الضحك وحمد منصدم ويقول
-ياهيف عالرجال بس
راح وهو معصب وبهاج يضحك قال إياد بستغراب
-اشبو ابوك مره عصب وانتَ كمان تضحك انتو بتتريقو عليا؟
قام وهو يعرج وقال
-تكفى ساعدني ابي ادخل البيت
قام إياد وساعده وحطه في الصاله دقت تهاني على إياد وقال
-خلاص عاد انا بروح ماما جات
-الله يستر عليك
راح إياد وبهاج بس يضحك عالموقف وعلى وجه ابوه

في عالم الثاني في البيت لكن القلب بداء يدق لما فتحت جود الرساله وقرتها وقتها حست بشعور غريب قلبها يدق بسرعه ترجع تقراء الرساله اكثر من مره ولا ملت انسدحت عالسرير وغمضت عينها وهي تقول
-رسالتك ناقصه مسحت كلمه احبك وعوضتها بقصيده هه نشوف بعدين وش بتسوي
جلست وهي تقراها وقالت
-لو انك كاتب الكلمه كان حبيتك بس ماراح ابادلك الشعور لين تعترف
حطت الورقه في درج صغير في صندوق ابيض عليه ورد فتحته وكان فاضي حطت الرساله فيه وقالت في نفسها
-اعرفه هذي مهي اول رسايله.

(اكتبو توقعاتكم هل راح يصير زي ماخطط له فيصل)؟