قصة زواج متقـــف الفصــــل الثاني(التتمة)

bart 263(ترتيب الاجزاء غادية في ترتيب)

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  263

فالتحت كان واقف واضع يدو فجيبو خارج من دارو و ولادو و ولد خوه تابعينو..مخليين العيالات للداخل مانع عليهم يخرجو...

الجوقة مجموعة تماك و الروينة..شي يغوت و شي يبكي و شي يبرݣݣ..و لكن كان صوت داك الدري لي هاز السيف أعلى منهم...

دراغون:[بنظرة صارمة قايل]كاينة عندي السيبة هنا و لا شنو؟...

الدري:[بزز باش واقف باين على حالو سكران]سمح ليا أ سي دراغون [شار بصبعو جيهة خدوج]و لكن هاد القح•بة السباب...خانتني بلا حشمة و لا حيا...

دراغون:[شد من عندو السيف و دفعو حتى طاح]مشاكيلكم حلوها بعيد على وكري أ ولد الكلبة..[ركلو]هزوه عليا من هنا و علموه مرة خرى قوانين لي واضعها...

قربو شي رجال واقفين حارسين الدار هزوه من تماك و هو كايغوت...

دراغون:[دور عينيه على ديك الجوقة]أش كاتسناو كل واحد يتقو•د لخربتو...

الناس تفرقو دغيا خوفانين كل واحد تخشى فدارو...خلاوه حاط يدو على خصرو مخنزر فيهم...حتى بلا ما يشعر طاحت عينيه عليها و هي واقفة مراقباه من الفوق...

بقات عينيه عليها ثابتة حتى توترات من نظراتو ليها و رجعات براسها للداخل..كاتمنى ما يكونش عارفها ورى هادشي..

من جيهة ثانية كانت فاتي خارجة من الدار هازة صاكها...باقا شاداها الخلعة من داكشي لي شافت...خلات بصوتها يدورو عندها الدراري بلا ما يدور دراغون...

فاتي:نخليكم دبا..خاصني نمشي و شكرا بزاف على ضيافتكم الله يخلف...

صلاح:صبري نوصلك حتال الشانطي..

فتاح:بصح..الحال صعيب عليك و نتي بوحدك خليه يوصلك...

فاتي:لا ماشي مشكيل..بلا ما نعذبكم..غانمشي بوحدي...

دراغون:نزار غايوصلها[تقدم لعندها حتى وقف مقابل معاها و هي حنات عينيها دغيا]ما كاين لي يقرب ليك بخطوة مادام نتي فوكري..

فاتي:[ما قادراش تقول لا و هي بالاساس خوفانة منو كونو بزناز]و..واخا أ سي دراغون..

دراغون حرك راسو ليها و تخطاها داخل..مخليها شافت فنزار لي كان طول الوقت عينو عليها...

بلا ما يهضر معاها شدها من دراعها و جرها و هي كاتنتر مستغربة من حالو لي تغير...غافلة على تأثير كلام ساريتا عليه..

خلاو فتاح و صلاح متبعيهم حتى غبرو على الأنظار...

فتاح:وا تا شوف ليك العشير كيف جارها..تا راه الحݣرة هادي على البنت...

صلاح:تا باغي غانعرف مال هادا تقلب على غفلة غا من الغدا..

فتاح:و راه باينة بمسبة ديك اللفعة..ما سمعتيهاش اش قالت على البنت...راني حاس باللفعة ما تصرطاتش ليها بلي نزار ولا منا و دارتها بلعاني تعصبو...

صلاح:[شاف فيه بنظرة قاصحة]صاحبي برب الى عيقتي...البنت فالأصل معتابرة نزار بحال خوها و باغي غامنين دوز..بربي و نلقاك جابدها حتى هاد الهضور غايوصلو الواليد و هو يتفاهم معاك...[ضرب فيه و زاد مخليه مخرج عينيه]

فتاح:تا شوف ليك هاد ولد الكلبة تا هو و لا يدافع عليها...أيهاي على اللفعة ما تهنات حتى تلوات عليهم و جراتهم لعندها...