قصة زواج متقـــف الفصــــل الثاني(التتمة)

بارت 264

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  264

_________

فاتي:[كاتنتر منو معصبة]واش حماقيتي..طلق من يدي راه الناس كايشوفو هاويلي..

نزار:خايفة على حبيب القلب يشوفك معايا هااا؟...هضري...

فاتي:[دورات عينيها فهاد الحصلة و الكذبة لي كذبات ساريتا]و من بعد..ما سوقش و ما تسنانيش نوضح ليك شي حاجة...

كريم:[وصلو للشانطي و زاد زير عليها]سوقي و بزز منك كاتسمعي...و هاد خونا لي باغيك للزواج غير نسايه قبل ما نمحيه من هاد الدنيا...

فاتي:بأي حق؟..شكون نتا لي تدخل فحياتي شكون؟...هذا  ضد فيك غانقبل نتزوج بيه و نطح راسك مع أقرب حيط ليك..

نزار:[غوت فوجهها حتى دارو الناس كايتلفتو]فأحلامك...نتي ملكي أنااااا...و أنا لي عندي الحق نملكك...بربي لي خلقني و تفكري تدخلي شي حد لحياتك غانقطع عصب رجليك....

فاتي خبات إعجابها من لي قال و بين ليها بلي بلي عندو أحاسيس جيهتها...عاد فهمات علاش قالت ساريتا ديك الكذبة...اصطنعات العصبية و شارت لطاكسي يوقف..

حتى جرها من يدها لجيهة طاكسي خاوي بلايصو خلص عليها و ركبها اللور...و قبل ما يبعد عليها كان سمع كلامها لي زاد من عصبيتو كثر من اللول...

فاتي:ها حنا غانشوفو واش غاندخل راجل لحياتي و نخليه راجلي و لا لا...

سدات عليه باب الطاكسي خلاتو يضرب فيه بجهالة باغي غا يشدها و يوريها معنى هاد الهضرة لي قالت...و لكن كان الطاكسي زاد و خلا عروقاتو بارزين معصب غير لوحدو...

                   ------------------

طاح الليل..و على نجوم فالسما كانت ساهية فيهم ببريق حزن فعينيها...قلبات عينيها للشعر لي بين يدها و زيرات...قلبها ضارها على شعرها الطايح و ضعفها لي بدا يبان...

ماشي عندها عادي تكون بهاد الضعف فأيام قليلة...شعرها كايطيح بشكل غير طبيعي..و هي ما قادرة دير والو...

لمحاتو للتحت من البالكون جاي...بعد غيبة عليها و بعد ما سحبات بلي مل منها و لقى البديل...رجع ببساطة لعندها...

نزلات راسها دغيا لشعرها الطايح و وسعات عينيها...يستحيل تخليه يشوفها بهاد الحالة و هاد الضعف...ما غاترضاش لراسها أنها تكون بهاد المنظر قدامو...

رماتو دغيا فالزبل و طارت للمراية تقابلات معاها كاتقاد فداك الشوميز لي لابسة...جمعات شعرها على شكل كعكة مهملة و لكن كانت مناسبة ليها...

يالاه غاتبعد كان تفتح الباب و دخل ريحتو سابقاه و وصلات لعندها...طاحت عينو عليها و استقرات فيها كادقق فيها طلوعا و نزولا...ماشي من الشوق ليها بل من حالتها غير طبيعية...

نظراتو خلاتها تبلع ريقها كاتحاول تشغل راسها بشي حاجة باش ما تخليه مركز معاها...

نجلاء:أهلا بيك عندي..[قربات لعندو حاوطاتو من عنقو]غبورك عليا طول...

صلاح:[بادلها بشدة على خصرها]ما سخيتش بحلاوتك و رجعت نذوقها...

نجلاء:[جراتو من الكول مدخلاه و يد سدات بيها الباب كاتشوف فيه بغنج]توحشتك ممارستك العنيفة...ما تزيدش طول فالغيبة حتى نتوحشوك...

صلاح:ما كاين لي غايشدني عليك هاد الليلة و باقي الليام الجايين...

انقض على حمرة شفتيها ببوسة طويلة رومانسية..خلاها تجاوب معاه بالخاطر و يدها للتحت تحسس رجولتو..زادت جعراتو عليها و و قبلهم وصلاتهم للفراش متعانقين جسديا...