بستان الضلمات

بارت 10

#بستان الضلمات للكاتبه زهراء

كُلشي يلچمني مِن أريدَك
الرِسَايل والشوارِع والغنىٰ
وعُيون غيرَك
حَتىٰ بيبان المَدينه
الباقيه بحَسرة بريدَك
"" "" "" "" "" "" "" "" "" "" "" "" "" "" "" "" "" "

عابدين:: نصدمت ضليت اكعد بيها وهي لاحس ولانفس خفت كلش ياربي شسوي اختي محد حاجي وياهه ليش شسوت هيج بـ نفسها. اتصلت على الولد ما يردون اخر شي رد زيد..

الو دنعل ابو الي يشغلكم وينكم صارلي ساعه اتصل وماكو

زيد:: شبيك عصبي شدعوه عليك.؟

عابدين:: عوف الحجي وتعال بسرعه اختي لكيتهه منتحره وانا سياره ماعندي لو عندي ما احتاجكم..

زيد:: ولله مصلحجي..

سد التليفون وانا كلبي يوجعني على اختي حبيبتي ياروح اخوج بس كولي منو وياج لو شاهر يمج وشايفج بـ هاي الوضعيه ولله يموتنه باوعت على ايدها وانا ميت خوف عليها..

شوي واجه زيد..

وينك وينك ليش اتاخرت....

اعذرني بس ازدحامات هاي شبيهه اختك خطيه ليش شسوت بنفسها هيج استغفرلله هسه تموت وهي ما مصليه..

خزرته وانِت شمدريك بـ اختي ما تصلي؟؟

مبينه السالفه اذا اخوانها ما يصلون.

ضربته دمشي افتحلي باب السياره اختي راح تموت.

شلتهه ورحت للسياره.. وطريق ازدحامات ونرجس بحضني والدم ترسني وماعندي شي حتى اوكف النزيف من ايدها ياربي اختي راح تموت..

بعد ساعه و وصلنه المستشفى.. الدكتور شاف وضع اختي وكال بسرعه على غرفه العمليات..

عابدين:: شنووو غرفه العمليات ترا بس ايدها مجروحه دكتور احجي اختي بيها شي؟

دكتور:: شاكين بيها عدها نزيف بالدماغ..

باوعت بصدمه شنووو بجيت بشهكه يارب بعدني ما متخطي حادث شاهر ولله بعد مابيه حيل.

................................................................

شاهر:: الف الحمدلله صحتي تمام وتعديت مرحله الخطر اجه الدكتور كال تكدر تطلع بس ديربالك على نفسك ولاتتعصب لان مو زين على صحتك.

ان شاء الله دكتور تعبناك ويانه مشكور.

العفو شيخ هذا واجبي واتنمى الك صحه جيده..

طلعت من الغرفه لمحت عابدين يبجي رحت يمه وهو نصدم من شافني..

شيخ ليش طلعت بعد وكت انا اجي واطلعك..

شاهر:: شسالفه ولك بعد وحدي كدرت مو شيخ شاهر الي يسند نفسه على واحد..

عابدين:: بس انا اخوك