« បើកតាមយើងមក »
ពេលស៊ូអ៊ុនឱនគំនាប់រួចគេក៏បើកឡានចេញទៅវឺត ហើយស៊ូអ៊ុនក៏បើកទៅតាមដែរទាំងមានចម្ងល់ មិនដឹងចៅហ្វាយខ្លួនចង់ធ្វើអី
បើកឡានបានមួយសន្ទុះក្រោយមក Jakeក៏បានមកដល់ទីកន្លែងគោលដៅរបស់គេ គឺក្រុមហ៊ុន ភីអេកគ្រុប ដែលជាក្រុមហ៊ុនគោលធំជាងគេរបស់គ្រួសារត្រកូលផាក ពេលបើកទៅដល់ភ្លាមJakeជាន់ហ្រ្វាំងងឺត ដោយឡានគេទំនើបផុតលេខផង ធ្វើឱ្យផ្អើលមនុស្សក្នុងក្រុមហ៊ុនមកចោមមើលគេ ពេញហ្នឹង ដល់ឃើញម្ចាស់ឡានរូបសង្ហាកប់មេឃចុះមកទៀត ពួកស្រីៗនិយាយពីថាជ្រួលជ្រើមចង់ជាន់គ្នារត់មកមើល គេចុះពីឡានដើរសំដៅទៅច្រកទ្វារចូលក្រុមហ៊ុន ពេលដើរទៅដល់ ឃើញបុគ្គលិកស្រី5នាក់កំពុងឈរមើលមកគេ គេក៏ដើរចូលទៅរកពួកនាង គ្រាន់តែឃើញប្រុសស្អាតដើរចូលទៅពួកនាងអស់នោះឈរប្រឹងឡើងរឹងខ្លួនហើយ ដើរទៅដល់មុខពួកនាងគេក៏ដោះវែនតាចេញឆ្វោក ជះកែវភ្នែកមុតថ្លាហាក់បាញ់បេះដូងពួកនាងឱ្យខ្ទេចខ្ទាំគ្មានសល់
< សង្ហាណាស់ រលាយបេះដូងខ្ញុំអស់ហើយលោកអ៉ើយ >
< អូយ ស្ទាវកប់ ប្រុសអីក៏សង្ហាម្លឹងទៅ ចង់បាន ចង់បាន > ពួកនាងនៅភ្លាំងភ្លឹកលួចគិតក្នុងចិត្ត ជាមួយនិងកែវភ្នែកដែលសម្លឹងមើលគេពោរពេញដោយបេះដូងស្នេហ៍
« CEO ថ្មីរបស់ក្រុមហ៊ុននេះមកធ្វើការហើយឬនៅ ? »
« ចាស៎? អរ ចា៎ គឺ គឺ មិនទាន់មកទេលោក »ស្មានថាចូលមកញ៉ែឬមកសុំលេខ ខំតែរំជួលញ័រប្រាណចង់ធ្លាក់បេះដូង ដឹងអីគេមកសួររក CEO សោះ
Jakeជ្រួញចិញ្ចើមសួរបញ្ជាក់
« មិនទាន់មកទេហ្អេស៎? »
« ចា៎ នៅមិនទាន់មកទេ »
« មិនអីទេចឹង »និយាយហើយគេក៏ដើរចេញទៅក្រៅវិញ ហើយរអ៊ូង៉ូវៗបណ្តើរទាំងក្តៅក្រហាយ
« ធ្វើប្រធានគេម៉ាកអីម៉ោងនេះហើយនៅមិនទាន់មកដល់ក្រុមហ៊ុនទៀត ចំជា CEO ដ៏សែនចោលម្សៀតកណ្ដៀតចង្អេរមែន »
គេពាក់វែនតាវិញហើយឈរផ្អែកខាងមុខឡាននៅចាំមិត្តសម្លាញ់អាប់ មកដល់ពេលណាចូលទៅរកពេលហ្នឹងតែម្តង ចាំបានបន្តិចឡានរបស់សុងហ៊ុនក៏មកដល់ដែរ សុងហ៊ុនចុះពីលើឡានទាំងជ្រួញចិញ្ចើមឆ្ងល់
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
