يا غلطة ظلم باكت لذة العشرين

بارت١٨

السلام عليكم
*********

# بقلم/ الكاتبه - سانسا
****************

ضحى: وسد التليفون وزينب
سكرت من الضحك كتلها اشبيج

زينب - والله بعد اني ما اتابع افلام
انتم خوش فلم والله يسلي وتشويق
وأيثاري

ضحى: ديله كافي كافي

زينب- ولج ضحى عمو همام امبين عليه
ناويلج نيه كشره مايرحمج والله

ضحى: صدك تحجين خوفتيني

زينب - على شنو اتخافين عبالك نكشت ابره

ضحى: ولج صايره فد نوب ماتستحين
والله اله اكول الأمج عليج

زينب- غير نسوان اخواني يسولفن
هيج اويلي ويمته اني يجيني المصخم
والملطم ويحبني وينك يا زوجي المستقبلي
تعال مو راح اشيب اني وانته ماكو

ضحى: ولج فصعونه عمرج بس ١٥ وينج
وين الشيب

زينب -  يمكن هسه زوجي المستقبلي يخوني
ويه عشر بنات بس اني اله
والله اخرب حياته هذا الخاين ابو النسوان

ضحى: ضحكتني وكتلها ولج انتي
شمعرفج ابو النسوان

زينب- اي امبين متشوفي اتئخر عليه
بس والله اني أعلمه يخوني سهله

ضحى : والله خبله الله يساعد الياخذج
يبتلي على عمره
-وكضيناها سوالف واشويه واجه مصطفى
واخذ زينب وشفت جهازي عموهمام دزلي
صور الغرف وعجبتني غرفه ابيض بلون
رصاصي كولش حلو تركيه ودزيتله
رساله كتله هاي عجبتني وانته ابكيفك
دزلي رسالة

همام- هم اني عجبتني انشالله راح اشتريها
باي

ضحى : وسديت الجهاز ونمت
وكعدتني
ماما - يله بنتي لانتئخر
ضحى: وكعدت ورحت سبحت وبدلت ولبست شالي ولبست عبايه وطلعنه اني وماما للسوك واشترينه
اهواي حاجات وكملنه شغلاتنه ورجعنه للبيت
ميتين تعب وكلت الماما بعد مااروح للسوك
التوبه تعبت شنو هاي وصلنه للبيت واتغدينه
والعصر اجه بابا من الدوام سلمنه عليه وراح الغرفته وماما راحت وراى وسوينه عشه اني وماما وكعد
ويانه بابا منشوفه اهواي حته مو دائمآ ياكل ويانه
يطلع ويه اصدقائه وخلصنه عشه وصبيت البابا جاي

بابا - شنو كملتي تحضيرات العرس

ضحى: اني ماجاوبت جاوبته ماما

ماما - اي كملنه مابقه شي انشالله

بابا - اي مو خابرني همام كال الخميس العرس

ضحى:واني من سمعت طاري عمو همام والعرس
احس جسمي رجف يعني بعد ثلاث ايام وكال بابا

بابا - شنو نقص كوليلي اني انطيج الفلوس وجيبيلها لاتخلين بنفسها شي

ضحى: وكلت ابكلبي اوف يا بابا لو جنت
اشويه حنين علينه جان ماصار هذا كوله
وبعد تحضيرات كملنه كولشي والبدلات
اختاريت للحنه بدله لون بنفسجي منفوشه
والعرس معروف لونها بدله كولش حلو
ومرت يومين واجت زينب وفاطمه كملن
جسمي
بين سوالف زينب المنحرفه وفاطمه
وخلصت كولشي وسبحت ولبست أتراك اسود
وبدن يعلمني عن الحياه الزوجيه اشلون
ابتلميحات وباجر الحنه مالتي وكتلني التفكير
ماريد اعوف اهلي واروح وراحن البنات وماضلن
يمي لان اهلهن ماقبلو
وكمت صليت ونمت من بعد تفكير وكعدت
الصبح على راحتي لان الحنه العصر وهمام
مايجي للحنه لان طريق بعيد وهو هم يسوي
حنه ابيتهم واتريكت اني وزينب وفاطمه
وكملت
حضرت نفسي ورحت للصالون وزينب ويايا هيه
وعمتي لان ماما بقت لان عدنه خطار بل بيت
وبين ماوصلنه الصالون استلمتني احفافه
وصبغت شعري لون عسلي فاتح مقارب الون
شعري وحطتلي مكياج خفيف
وشغلت زينب الأغاني وزينب تركص بس أحس
شي ناقصني ما كامله فرحتي بس شكول لازم
أرضه
بل امر الواقع وكملت مكياج وتسريحه ولبست البدله اباوع بل امرايه صدك طلعت حلوه وعمتي صلي على محمد وزينب الخبله بس تركص عبالك عرس اخوها واشويه واجه عمي اخذنه من الصالون وكلي