[၂၀၈] မိစ္ဆာနတ်ဘုရား၏ရည်းစားဟောင်း။

2.3K 446 7

by Boss_want_to_eat_you

by Boss_want_to_eat_you

Arc(9) မိစ္ဆာနတ်ဘုရား၏ရည်းစားဟောင်း(၂၃)။

လင်ခုံးလုမှာမြက်ခြောက်ပေါ်တွန်းဖိခံလိုက်ရပြီး ဒီအချိန်မှာရွှီယန့်သူ့ကိုနမ်းလာမည်ဟုမထင်ထားသည့်အလား သူ့မျက်လုံးများရုတ်ခြည်းပြူးကျယ်သွားရလေသည်။

သူအလိုလိုလက်ဆန့်ကာတွန်းဖယ်ဖို့လုပ်လိုက်ပေမဲ့အလွယ်လေးအချုပ်ခံလိုက်ရသည်။

ရွှီယန့်ကသူ့လက်ကောက်ဝတ်ကိုလှမ်းကိုင်ကာသူ့ကိုပြင်းရှရှနမ်းလာပုံမှာ သူ့ကိုဝါးမျိုချင်သည့်အလား။ လင်ခုံးလုပါးညောင်းလာပြီး သူ့လျှာထုံကျင်လာကာ အသက်ရှူရခက်လာသည်။ ခဏကြာတော့သူ၏လှပသောမျက်ဝန်းတစ်စုံမှာရီဝေလာတော့သည်။

ထိုစဥ်စုန့်လင်၏အသံကထပ်ထွက်လာသည်။ "ရှောင်လု မင်းလား။"

ယန်ဖုန်းမှာအနောက်လှည့်ပြီး ဒီလူ့ကိုသိလားဟုလင်ခုံးလုကိုမေးလိုက်ချင်ပေမဲ့ သူအနောက်လှည့်လိုက်သည်နှင့် သခင်လေးမှာရွှီယန်ထံမှမြက်ပေါ်ဖိချကာအနမ်းခံနေရတာကိုမြင်လိုက်ရသည်။ သူ့မျက်ဝန်းများမှာမျက်ရည်နှင့်ပြည့်နေပြီး သူ့မျက်ဝန်းထောင့်စွန်းမှာနီစွေးလို့နေကာ အတင်းဖွင့်ဟခံထားရသည့်ပါးစပ်မှာပိတ်မရသလိုမျိုးဖြစ်နေပုံပင်။ သူရုတ်ခြည်းမျက်စိကျိန်းသွားကာအလျင်စလိုတိတ်တိတ်လေးအရှေ့ကိုပြန်လှည့်လိုက်မိသည်။

ယွမ်ရှီးချွမ်းမှာသူစကားတစ်ခွန်းမှမမေးဘဲအရှေ့ကိုပြန်လှည့်လာတာမြင်တော့အနည်းငယ်အံ့သြသွားမိသည်။ သူအလိုလိုအနောက်ကိုတစ်ချက်လှည့်ကြည့်မိတော့ရုတ်တရက်ရင်ထဲမှာ"ဖာ့ခ်"ဟုဆိုမိကာတိတ်တခိုးတွေးလိုက်မိသည်: စိတ်လှုပ်ရှားစရာပဲ။

အချိန်နှင့်နေရာကတော်တော်လေးမှန်မနေရုံသာ။

ယန်ဖုန်းသေနတ်ကိုင်လျက်ထရပ်ကာစုန့်လင်ကိုကြည့်ပြီးပြောလိုက်သည်။
"လူကြီးမင်း....မစ္စတာစုန့်လင်လား။"

ဒီနာမည်ကခုနကသခင်လေးခေါ်လိုက်တဲ့ဟာဖြစ်ပုံပဲ။

စုန့်လင်ကသူဖြစ်နေမှန်းမြင်တော့တစ်အောင့်ကြာကြောင်အမ်းသွားပြီးတုံ့ဆိုင်းစွာဆိုလာသည်။
"ကျွန်တော်ကစုန့်လင်ပါ၊ မင်းက...."

ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-2 ]

[၂၀၈] မိစ္ဆာနတ်ဘုရား၏ရည်းစားဟောင်း။

Promoted stories

You'll also like