بسم الله الرحمن الرحيم
اعوذ بالله من الشيطان الرجيم
الحمد الله
سبحان الله
الله اكبر
استغفر الله
لا اله الا الله.
꧁꧁꧁꧁꧁꧁꧁꧂꧂꧂꧂
انستازيا العراقيه.....
مِثل فُطّـر الشِـفايَـف بكُـل ضِـحكه تِـلچمـني....
꧁꧁꧁꧁꧁꧁꧁꧂꧂꧂꧂
بشرى.........
گمت الصبح على وقت كل شى ما لكيت بالبيت ما اندل ومااعرف اماكن الاشياء وكل شى مااعرف اسوي متعلمه امي تطبخلي ولاخوي محسن وابوي المجرم وهيه تنظف وكل شى طلعت دله من الكاونتر وي ماي وشوي چاي حتى مااعرف شكد اخلي خليته على الطباخ بعد معاناه يله گدرت اشغل عين من العيون وكلي خوف و رعشه.
ستوه الچاي صبيته بكوب طلعتلي خبزه مالگيت گيمر او جبن فارغه الثلاجه مجرد خبز و معلبات شكد حاولت افتحها بس ما گدرت لزمت علبه گزاز واحاول افتحها زلگت من اديه وبالگاع تكسرت وطفرت وصخت الگاع والكاونتر كله صار المطبخ فوضى عارمه اخذتلي صفحه گعدت اشرب چايي وجان ثخينن ومرر بحيث زعته بالگاع كله المطبخ لو داخله فار هم ما سوه سوايتي كمت طلعت لا اسويي كارثه جديده...
بقيت گاعده بمكاني صافنه على زمانيي افكر شكول وشلون اطمطم فضيحتي وشلون اتحمل كارثتي واجابه عاريي..
بالساعتين او اكثر مااعرف شكد جزه من الوقت وانا صافنه بالحايط بدون صوت راسيي يريد ينفجر من الافكارر والهمووم الشايلتهن بگلبي نفتح الباب ودخل عادل سحبت چرچف من الگاع وتغطيت بيه سلم وضحك.
عادل: هههه تره بعدج صغيره بكد بزريي.
بشرى: ميخالف.
بيده كلاليگ توجه للمطبخ يضحك واول مافتح باب المطبخ صرخ بيه.
عادل: يمااا ولج شمسويه؟؟؟؟؟
بشرى: بس خل افهمك.
عادل: وسمم گالبه المطبخ گلاب زعطوطه انتيي؟؟؟؟.
بشرى: ردت اسويلي چاي.
عادل: لو رايده سويين ذبيحه شسويين.
بشرى: اسفه.
عادل: تريگتيي؟؟؟
بشرى: شتريك هوه وين الاكل.
فتح علاگه وطلع منها موزه وانطانيها ويه بسكت.
عادل: مشيي روحج بهايي.
خله ودخل للمطبخ يرتبه وهوه يدردم اكلت البسكت كله والموز يمكن كيلو كامل من گد الجوع البيه بطني توجعني تلويي بيه شويه ورج بيده صينيه بيض و خبز و چايي.
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...