10:00ص~
طلعت من جناحها تنزل تحت تناظر راجح وعساف جالسين:صباح الخير
التفتوا عليها تلين ملامح عساف يعقد حجاجه من وجهها الشاحب و الواضح أن المرض لاعب فيها لعب
ناظرها راجح ينطق بابتسامه:يا هلا صباح النور بحَرم عساف
ابتسمت وريد بخفة ما تركز بكلامه من وجعها جلست قدامهم وتقدمت لهم نجلاء:يا صباح الخير والله! جلست بجانب وريد وعقدت حجاجها من شكلها تمد يدها تقيس حرارتها:يا أمي حرارتك مرتفعة!
ناظرتها وريد بتنطق ولكن وقف عساف بعصبية يمسكها من يدها:قومي قدامي على السيارة
ناظرته وريد توقف تتمسك بيده بتعب تمشي معه ابتسم راجح بخفة وهو يدعي لهم،
فتح باب السيارة يركبها بهدوء ومشى لمقعده يفتحه ويركب غمضت عيونها بوجع وخلاص ما بتقدر تتحمل اكثر من كذا تحس بطنها تتقطع كأن في حد يضرب بها بقوة صرخت بخفة تتمسك بيده يلتفت لها بخوف:يبنت الحلال وش يوجعك انطقيي
بكت وريد بوجع وهي تصرخ بخفة زاد من سرعته عساف لاقرب مستشفى بخوف عليها،بكت وريد برعب وهي تغطي وجهها تخاف من العملية ذي دائماً وابداً لكنها تقوي نفسها لجلها،التفت عليها يناظرها مغطية وجهها وتبكي زفر بغضب وخوف يوقف السيارة عند المستشفى ينزل بسرعه يترك بابه مفتوح يتوجه لبابها مسكت يده تنزل بصعوبة وركضت لهم الممرضة بكرسي متحرك:وش فيها؟
رفع اكتافه عساف بقهر من نفسه ومنها لأنها ما حكت له نزل نظره لوريد من أغمى عليها
يمسك يدها يشد عليها بخوف وهو يسمي عليها دخلت الممرضة الغرفة وتقدم عساف يشيل وريد يحطها على السرير وركضت الممرضة تنادي دكتور و وقف عساف يناظرها يتنهد بخفة التفت من دخل الدكتور:وش فيها؟
ناظره عساف يعقد حجاجه بقهر وغيرة من مسك الدكتور وجهها يضوي بعيونها ويتفحصها التفتت على عساف ينطق:مريضة كلى!
جمد وجهه عساف تلين ملامحه بصدمة من كلامه "مريضة كلى"لا ياربي ناظر وريد اللي مغمى عليها يتذكر وجعها ومحاوطتها لبطنها
كمل الدكتور:لها شهرين ما غسلت كلى وسبب لها ألم قوي مب عارف شلون استحملته
ناظره عساف شهرين ما غسلت كلى يعني من وقت رجعت لهم كمل الدكتور وهو يأشر للممرضة تجيب سرير متحرك:بنعمل لها العملية الحين ضروري لو تتأخر زيادة يمكن تتضاعف الأمور ونخسرها لا سمح الله،طلع الدكتور والممرضة يجهزون غرفة العمليات والتفت عساف بصدمة يناظرها مب قادر يستوعب شي تقدم لها يحاوط وجهها بخوف عليها وسرعان ما ضمها بقوة يهمس لها بكلام حتى هو مب فاهمه بعد عنها يحاوط وجهها وانحنى يقبل فكها بهدوء وهو يناظر ملامحها يخاف عليها وكثير شلون بيخليها تدخل العملية لوحدها زفر بغضب من تقدمت الممرضة تنطق بهدوء:بجهزها للعملية!
ناظرها عساف يهز راسه يبعد عنهم يطلع من الغرفة يوقف على الباب ودخل من طلعت الممرضة تدخل مع الدكتور تقدم الدكتور وكان بيمسكها لكن عساف ناظره بحدة يحمل وريد يحطها على السرير المتحرك يمشي معهم وهو ماسك يدها وقف عند باب غرفة العمليات تدخل وريد لوحدها
جلس على الكرسي قدام الباب ليه ما أصر عليها تحكي شلون تركها تتحمل وجعها ليه هي ما حكت له انها مريضة كلى ولازم تغسل كلى كل فترا او اسبوع زفر بغضب يشد شعره يرجع راسه للخلف مد يده يطلع جواله بيتصل على راجح يحكي له~
