❌ممنوع نقل دون إذن ❌
♨️بنت الكبران ♨️
✨الفصل الاول :
«لـيـس كـل ما يـلـمـع ذهـب»
بقلمي : Yasmine saoudi
#ياسو✒️
#الحلقة 14
وقفت قدامو مرسلين ومن نظراتها لجدية عرف عفسة كاينة
مرسلين: حضرات يعني ملحظتش انو كاين شي غريب
معتز : مثلا فواش
مرسلين : كيفاش فواش
مراكش تشوف هشام وحالتو عمبالو حاليا الجزائر وشمن تحقيقات راهي فيهم وفيمن راهي مركزة.. قاطع كلامها بحدة
معتز :مرسلين اختصار
مرسلين : بناتو واش خرجهم بلا حراس
كامل مخممتوش فيها بنات كولونيل بلا حراس وبرا وشفت دم لي مذبو/حة لقيناه شوية سخون
كيفاش هادي
وكيفاش حتى عيطولك نتا لول وماشي هو راهم بناتو لا
معتز : تشكي فيه؟!
طلعت حاجبها ماسحة نيفها
مرسلين: حاشا حضرات مي ...ايه شاكة فيه
معتز : شكك بعين الاعتبار وكيما قلت كاين حلقة ناقصة هنا مي متخميش نلقاها
جيبيلي ميلا ..مايا..نورا لعندي
مرسلين : حاضر
راحت تعيطلهم وهو راح لعند مجموعة من اشخاص لي كانو ملثمين وواقفين مستفين حدا بعضاهم ميبان والوا في وجوههم من غير عينيهم واجسامهم ضخمة
كل واحد فيهم شاد سلاح من نوعية خاصة بين يديه
جنود ملثمين لي اجباري عليهم وجوههم متكونش معروفة ويكونو خصيصا للجنرال ولي هو يخيرهم ويكونو مدربين على يديه وكي نقولو يخيرهم ماشي على معيار القوة او مهارة في القت/ال على عدة معاير منهم صدق والامانة بلضرورة تكون الامانة لانو راح يأمنو على بلد كاااملو
#رايكم
$$$$$$
❌ممنوع نقل دون إذن ❌
♨️بنت الكبران ♨️
✨الفصل الاول :
«لـيـس كـل ما يـلـمـع ذهـب»
بقلمي : Yasmine saoudi
#ياسو✒️
الفصل الاول: «ليس كل ما يلمع ذهب»
#الحلقة 15
على بعد 15 كلم من مكان تحقيق وبلضبط في مصنع مهجور
نصو مكسر ولحجر مرمين عشوائيا
من داخل كلو حديد مصدي تسمع كان صوت الحشرات لفيران
الصراصير الحاصول مناظر مقرفة وتجيب القشعريرة للجسم
وبلضبط في نص هذاك المكان
مرميةفي لارض شعرها الاشقر مغطي وجهها ثيابها كلهم لي مدودين (موسخين)
كان منظرها مثير لشفقة عنجد
بدات تتململ في بلاصتها وتأن من لوجع
حطت يدها على راسها كانت تنزف
دم وحدو خلعها ناضت قافزة في بلاصتها تعيط ودموع من عينيها يطيحو
وقفت منفوضة وقت جازت عليها فارة خرجت تجري خارجة من تم رغم كل لوجع لي تحس بيه
أنت تقرأ
♨️بــنــت الــكــبــران♨️
Romance_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
