« ត្រៀមខ្លួនទៅ ផាក សុងហ៊ុន ខ្ញុំកំពុងតែទៅយកលោកហើយ »
_________ ស្អែកឡើង ________
___ នៅលីវុនគ្រុប
ស្រីស្រស់រលួយ រែលក្នុងរ៉ូបខ្មៅយ៉ាងសុិចសុី ពាក់វែនតាខ្មៅមួយយ៉ាងហាយសូ ជាមួយនិងស្បែកជើងកែងចោទ ចុះពីឡានទំនើបអស់ស្ទះដែលប៉ានាងទើបតែទិញឱ្យកាលពីម្សិល ដើរខ្ទើតៗចូលទៅក្នុងក្រុមហ៊ុន ហើយបុគ្គលិកឱនគំនាប់នាងគ្រប់គ្នា តែនាងធ្វើឬកលើសស្តេចមន្ត្រីដើរងើយក្បាលពើងទ្រូងគ្មានខ្វល់អ្នកគោរពនាងបន្តិចទេ ដើរទៅដល់កន្លែងលេខាស្រីអង្គុយធ្វើការ លេខាស្រីក៏ក្រោកឈរគោរពនាង ហើយនាងដោះវែនតាចេញឆ្វាច់បោះវាចារសួរឆ្វោក
« លោកប៉ានៅទេ? »
« ចាស លោកអគ្គនាយកនៅខាងក្នុងអ្នកនាង »
ឮហើយនាងរែលក៏ញញឹមយ៉ាងសប្បាយចិត្តបែបមានពិសជាងពស់
« ល្អណាស់ »
នាងបោះជំហានវែងៗដើរសំដៅទៅបន្ទប់លោកលី ទៅដល់មុខបន្ទប់នាងបើកកាបូបយកថ្នាំបន្តក់ភ្នែកមកបន្តក់ចូលភ្នែកឱ្យហូរហៀរទឹករហាមដូចមនុស្សយំ រួចបើកទ្វារចូលទៅជាមួយទឹកមុខសោកសៅក្រៀមក្រំកើតទុក្ខដូចមនុស្សជិតងាប់
« លោកប៉ា ហុឹក ហុឺៗ~ »
ឃើញកូនស្រីចូលមកទ្រង់ដូចយំសោកបោកខ្លួនជាពន់ពេកបែបនេះលោកលីបើកភ្នែកធំៗស្ទុះងើបហើបគូទពីកៅអីដើរចូលទៅរកកូនស្រីសំណព្វតែមួយដូចត្រួយបណ្តូល
« រែល! មានរឿងអីហ្នឹងកូន ?»
« កូនមានរឿងអីឆាប់ប្រាប់ប៉ាភ្លាមមក » លោកលីសួរស្លន់ចង់បានចម្លើយពីកូនស្រីថាមានរឿងអី កូនស្រីគាត់មានតែមួយគាត់ស្រឡាញ់ស្មើជីវិត ហើយដល់មកឃើញកូនស្រីយំសោកចឹងអាណាមិនស្លន់
បានឃើញលោកលីស្លន់បែបនេះហើយនាងរែលក៏ចូលតួសម្តែងភ្លាមៗនិយាយយ៉ាងក្តុកក្តួលអណ្តឺតអណ្តក
« លោកប៉ា ប៉ាត្រូវតែជួយកូនណា ពេលនេះកូន កូន ហុឹក កូនគ្មានសល់អ្វីទេ ហុឺ~ »
« រែល កូនធ្វើចិត្តឱ្យត្រជាក់ណាកូន តាំងចិត្តឱ្យស្ងប់ ហើយនិយាយគ្រប់យ៉ាងឱ្យប៉ាបានដឹងមក តើវាមានរឿងអីកើតឡើង អ្នកណាធ្វើអីកូនស្រីប៉ា ហេតុអីបានជាកូនយំបែបនេះ »
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
