«ضلمات بنات الاشتر»
بقلمي مـۧࢪيم ال علي 🕊
..................................
جيسكا... اباوع من الشباك والجو بارد ضليت منتضره دكت الساعه تعلن يوم جديد 12:00 ليلاً
لبست بنطرون اسود وهودي اسود حجم كبير لبست حذاء رياضي اسود لميت الفلوس ضميتهن بجنط واخذت كم لبسه اخذت روز شلته ودفيته زين
جيسكا:: ها بنات خلصتن
مريم:: اني خلصت
ماري:: واني هم
جيسكا:: جبتن المستمسكات
ماري:: اي هاي اتفضلي
جيسكا:: طلعنا بهدوء نمشي على طرف اصابيعنا طلعت للحوش اخذت نفط ورشيت الطابق الثاني من البيت جبت وصله خليت بيه نفط وشعلته بالجداحه وشمرته واشتعل البيت بسرعه البرق طلعنا برا البيت نركص باقصى سرعه
جيسكا:: اخذت سياره عمي شغلته وانطلقنه نمشي والشوارع تخوف لان احنى بمنطقه مقطوعه ضلينه نمشي هواي لحد ماشفته سيطره وكفتنه اشرلي اوكف
جيسكا:: السلام عليكم
... وعليكم السلام ليش طالعات بهل وكت
جيسكا:: بكيفي..
... اطيني اوراق السياره والرخصه
جيسكا:: طلعتهن اله وشافهن
... اطيني جنسيتج
جيسكا:: تفضل ضل يباوع ويدقق
... السياره مال منو
جيسكا:: مال عمي
..... تمام..
جيسكا:: داشغل السياره واشوف الشرطي فاتح حلكه ويباوع ورا داخل السياره باوعت باستغراب وحجيت
.... شكوو
.... هاي شنو جني لو انحولت
جيسكا:: لا هاي ولا هاي عادي احنى تؤم 3
... اول مره اسوف هيج
جيسكا:: ابتسمت وعفته انطلقنه لبيت المزرعه الي عافه النه ابوي ومحد يدري بيهه مريت على اسواق نزلت جبت حلويات واجبان وجاي وخبز واشياء نحتاجهه
وصلنه للمكان الساعه ب 7ونص الصبح شفت بي مزرعه كبيره وبيهه نخلات وتفتح النفس واخر شي بي بيت دخلت نومت روز وبدينه نضف البيت خلصنه تنضيف الساعه ب9 سويت ريوك وتريكنه ونمنه
..................................................................
كاعدين دنتعشى واندك الباب بقى كمت فتحته وانصدمت من شفت الشرطه هنا
ابراهيم:: السلام عليكم
ماري:: وعليكم السلام
ابراهيم:: بنات الاشتر صح؟
ماري:: اي نعم
ابراهيم:: تفضلو وياي للمركز
جيسكا:: شكو شصاير
ابراهيم:: تجن وياي وتعرفن يلا بسرعه
ماري:: بدلت ل روز واخذته بسرعه وطلعنه وياهم بسياره الشرطه بعد نص ساعه تقريبا وصلنه للمركز دخلنه
جيسكا:: نعم تفضلو ليش جبتونه هنا
ارسلان:: انتو الي حركتن بيت عمج كاراس ال....
جيسكا:: اي، نعم احنى... بس حجيت هيج دخلت مرت عمي ميلان شفت وجهه كله مورم حصرتني الضحكه
ميلان:: انت وحده وقحه ليشششش سويتي هيج بينا
جيسكا:: اسس اسس يلا اسكتي تستاهلين مره ثانيه توبين من سوالفج الحيه
كاراس:: اخوي ماعرف يربي مسافر وعايف بناته يلعبن بكيفهن
جيسكا:: اووو كافي لدوخوني.. وخليه ابالج الايد الي تنمد على اخواتي اكسره..وكسرت ايدج وانتي حركتي ايد روز وحركت بيتج هههه.....
لجج هي طفله متفتهم يا ضالم وتجين تحركيه.. اتحمل نتيجه افعالج
جيسكا:: شوكت نطلع؟؟
ارسلان:: لازم توقعين تعهد متوصليلهم
جيسكا:: والله اذا ضوجتني احركه وهي عايشه
..................................................................
لاتنسون التصويت بين الفقرات 🤍🕊
