Royal Omega Become My Mate [Completed]

Royal Omega - 16

           Royal Omega Become My Mate
        __________________________________

" ဒီနေ့အတွက် ဒီလောက်ဆိုလုံလောက်ပြီ.. Min .."

" ကျေးဇူးတင်ပါတယ် အိမ်ရှေ့စံကင်မ်.."

ချွေးစတို့ကပ်ငြိနေတဲ့မျက်နှာနုနု၊ ထုံးဖွဲ့စည်းနှောင်ထားတဲ့ဆံနွယ်တွေက လှုပ်ရှားမှုကြောင့် ဖရိုဖရဲဖြစ်နေပုံက Min အလှကိုပို၍ပင်ပန့်ပိုးပေးနေသည်။ ထိုအလှတရားလေးကို ကြည့်နေမိရင်းကနေ စိတ်မထိန်းနိုင်စွာပဲ ပါးပြင်ကဆံနွယ်တစ်ချို့ကို နားနောက်သို့သပ်တင်ပေးလိုက်မိသည်။ အံ့အံ့သြသြကြည့်လာတဲ့မျက်လုံးလေးတွေကြောင့် ထယ်ယောင်းအသိစိတ်လွတ်သွားရပြန်သည်။

ဆံနွယ်ကိုနားနောက်သို့ သပ်တင်ပေးပြီး ပါးပြင်နုနုကိုကိုင်တွယ်လိုက်မိတော့..

" အိမ်..အိမ်ရှေ့စံကင်မ်... "

တဖက်မှ ထစ်ထစ်အအစကားသံတစ်ချို့ကိုကြားလိုက်တော့မှ အသိပြန်ဝင်တော့သည်။

"Min ကိုယ်တောင်းပန်ပါတယ်..မင်းကိုမလေးစားသလိုပြုမူမိသွားတယ်.."

" Min ..ရ..ရပါတယ် "

" ကိုယ်..တကယ်... မင်းရဲ့အလှမှာ နစ်မြောသွားလို့ပါ.."

" ဟင်! ဟို..Min... "

ပန်းနုရောင်သန်းနေတဲ့မျက်နှာနုနုကို ထယ်ယောင်းဆက်မကြည့်ရဲတော့သဖြင့် အကြည့်လွှဲလိုက်ရသည်။ Min က ရုန်းထွက်ဖို့ခက်တဲ့ နွံလှလှလေး...။

" ကိုယ်သွားတော့မယ်..မနက်ဖြန်အစမ်းလေ့ကျင့်ရေးမှာ အဆင်ပြေပါစေ.."

" ဂရု..ဂရုစိုက်သွားပါ အိမ်ရှေ့စံကင်မ်..."

ခပ်မြန်မြန်ပင်ထွက်သွားတဲ့ အိမ်ရှေ့စံကင်မ်ကြောင့် ကျန်ခဲ့ရသူ Min မှာ မျက်နှာပူမိရင်း။ အိမ်ရှေ့စံကင်မ်ထွက်သွားပြီဖြစ်ပေမယ့် Min ဆက်လေ့ကျင့်ဖို့စိတ်ကူးမိ၏။ မနက်ဖြန်အစမ်းလေ့ကျင့်ရေးမှာ Min အောင်အောင်မြင်မြင်ကျော်လွှားနိုင်စေဖို့..။

" Min!! မင်းကိုယ့်ကိုသစ္စာဖောက်ဖို့စိတ်ကူးနေတာလား!! "

နောက်ပါးမှခပ်မာမာအသံထွက်ပေါ်လာတော့ Min ကိုယ်လေးတောင့်ခနဲ။ ပြီးနောက် ဟိုတစ်နေ့ကအဖြစ်အပျက်တွေကို အစီအရီသတိရမိသွားတော့ သူနဲ့မျက်နှာချင်းမဆိုင်ချင်။ ဘာကြောင့်များ လွယ်လွယ်ပါသွားမိရတာလဲ။ Mate ဖြစ်ပြီးသားတွေဆိုသည့်အချက်ကလဲရှိနေတော့ ရုန်းမထွက်နိုင်တာကအဆန်းတော့မဟုတ်ပါ။