بقلمي : فاطمة حسين
هلو هلو مشتاقين اني كلش اسفه على التأخير
بس طالبه جامعه وشوفو المعاناةان شاءالله اعوضكم ببارت طويله.
وراح يدخلون ناس جدد للقصه✨
التصويت + تعاليق + متابعه+ شاركو القصه
.................................................
سمانة :: اجه اتصال الـ خالي طلع سريع من
البيت واني ضليت خايفه اخسره ليش ما ادري
كلشي بيه متخربط ما جاي احس بشي ضليت
انتضر و خالتي لسه ما تدري يخافون على سكرها صعدت تمددت نمردت روحي تعبانه جريت
نفس مختنگه رجليه منملات بل گوه احركهن
تحسرت واني روحي مايعه گوه علي نزلت اطمئن
لگيت خالتي متخربطه و ماخذينها للمستشفى
دخل هشام يركض للبيت رحتله اركض بدون
وعي من نفسي باوعلي متنهد ذب حسره
هشام : بدلي سريع يردوج علمود ارشد
سمانة : منو يريدني... هشام شبيه ارشد ما تحچي؟؟!!
هشام : يابه ارشد مسوي حادث او هوه بعده تحت
تأثير البنگ و ايريدچ.
ما لحگت انصدم او انطي اي ردة فعل جابتلي
فاطمة صايه وشال ما بيه حيل اجادل خذتهن
منها لبستهن وطلعت وي هشام اشهگ النفس
هشام : يابه بس على كيفچ والله ارشد كلشي
ما بيه هسه اخذچ اله شربي ماي بس هسه
احنه محتاجيچ.
سمانة : شنو؟.. شگاعد تحچي انت؟!
هشام : يابه ارشد بل سجن متورط بسالفه او
انتِ تگدرين تشهدين الكلام غلط
سمانة : هيه السالفه شنو لا تخليني انزل من السياره
الطم!.
هشام : عرفت ليش چان رافض نگلچ ثاري راسچ
يابس كلش ما منه فايده مو صالي ساعه اريد
احچي و افهمچ ماكو!.
سمانة : لا تطلعني من طوري احچي
هشام : شوفي ابن عمچ سجاد متعارك وي واحد وهاذا الواحد هوه ارشد لا تسألين ليش و أشلون
لأني اني هم مثلچ كلشي ما ادري غير الحچيته
مسحت على عيوني من وجع راسي او هشام
تنهد باوعلي وكمل طريقه للسجن، انصدمت من نزلني يم مطعم شسالفته هاذه ما يعرف يحچي
شي صحيح نزلت وراه متنهده اباوع للناس بعيون
ضايعه وين جايه اني شراح اسوي بنفسي؟ فززني
من ضياعي هشام نگعد بطاوله بيها اياد او بنيه
هشام : گعدي سمانة وين شارده
تقدمت گعدت و احس بطني گامت توجعني.
أياد چان گاعد او عاگد حاجبه بعصبيه من شافني
ابتسم بتصنع مزيف و اردف
اياد : خويه نريد مساعتچ حتى اطلعين ارشد
و انتِ لا تعبين رُسل تساعدچ بكلشي ترديه.
هشام : واني طبعاً
رُسل : اهدي حبيبتي ماكو شي يدعي للخوف
سمانة : ماني خايفه!
أنت تقرأ
"المتمرد"
ChickLitرواية عراقيه شاب عراقي أصول بصراويه عاش في بغداد بقصر وخدم مع فتاه عاشت في بيت صغير دون ولاديها مع عمها الذي قام ببيعها للشاب مقابل سوكته عن شيء....
