مدللة ابوها والضابط

بارت ٥

هادئهة، مثل طريق يدل الجميع، ولا يعرف نهايته.

دعاء: حييل ضجت وانقهرت من يلي كاله حسيت نفسي لعبه بين ايدي وضليت افكر كله جذب حتى ابتسامته جذب ماكان اكو شي حقيقي فقط اسمه كان حقيقي تعبت من التفكير والقهر وكعدت ادرس درست شويه وصاحوني على الاكل رحت كعدت شفت بابا كال

الاب: والله اليوم احس البيت هدوء عبالك وحدة كاعده عاقله

الام: اي والله اني هم حسيت هيج

احمد: اول مرى نكعد ناكل وهيج هدوء الله شكد طيبه حلو هاذا الشعور

دعاء: يعني انتو ليش ما تخلون واحد منجب وساكت الا تخلوني اغلط واحجي

الاب: اي هسه صار صوت بلبيت

احمد: عادت حليمه لعادتها القديمه مو كنتي ساكته

دعاء: انجب يول انتا حليمه

الاب: اي ماكلتي شبيج ضايجه وساكته وكان لسانج فايت لي جوه شكو بس لا مسويه مصيبه

دعاء: يمعود ما مسويه مصيبه هوه مجرد عندي متحانات وضايجه وتعبانة ومن هاي المدرسات التافهات ما بيه شي

الاب: مادام هيج تعبانة وضايجه خلصي الامتحانات واخذج على اربيل تغيرين جو وتتونسين خوش

دعاء: 🙂🙂خوش

احمد: ها خير شو ابتسمتي هسه كنتي ضايجه وساكته شو كبل اتبد مزاجج

دعاء: انتا ليش ما تعبي بطنك بعيد عني ليش تضل تحجي عليه ها

احمد: يمه هاي كلام الخ وتطلع جعفر لبداخلها وتاكلني بلا ملح

الام: دعاوي كافي يمه اتورطنا كلنا شو ساكته

دعاء: هاي شنو ماما حتى انتي عليه بس ميخالف خلي اخلص الامتحانات وشوف شسوي بيكم

الاب: ها ارتاحيتو بعد شيخلصكم منها

دعاء: عندي١٥يوم عطله شراح اسوي بيكم جاي اخطط
:-كملنا العشه ضحك وسوالف ويا اهلي نسوني هذاك شسوى بيه رحت عزلت البيت وغسلت المواعين وفتت على غرفتي وكعدت ادرس وطلعته من راسي بس اتحلفتله برزاله تخبل حتى ارتاح لين اذا ما اتكاون ويا ما ارتاح واضل الوم نفسي ليش ما كتله هيج وليش ما حجيت هيج لي حد يوم الامتحان بدلت وطلعت اني وايه على الدوام وكل عادة شفته واكف باب المركز سويت نفسي ما شايفته وفتت على المدرسه كملت الامتحان وطلعته شفته بعده واكف اتجاهلته ومشيت شفت واحد صاحني كال ممكن دقيقه كتله تفضل كال تعالي لهذاك الفرع ونحجي كتله اني ما افوت ويا احد على هيج فروع و ما مجبورة شفت ايه اجت وكفت ويانا كال خوش ما دام اجت الخ وطلع صورنا اني وايه وكال اذا ما اجيتي تعرفين شراح يصير تعالي نتفاهم اني راح اروح وانتي شوي وتعالي ولا تخلين احد يشك