මහී.... මහී.... නැගිටින්න...
මම උදේ පාන්දර පහට විතර මහීෂ ගෙ කාමරේට ගියේ මහීෂ ව නැගිට්ටවන්න. ඇඟට හරි නෑ කියල මහීෂ නිදා ගත්ත රෑ වෙනකම් පාඩම් කරන්නේ නැතිව. ඉතින් මම ගියෙ චුට්ටක් හොයල බලන්න..
නැගිටලද නැද්ද කියල. ඊයෙ තෙමුණු හැටියට ලෙඩ වෙන්නත් බැරි නෑ..
ම්හූ....
රෙද්ද ත් පොරවගෙන අනිත් පැත්තට හැරිල ගුලි වුණ මහීෂ ගෙ නළලට මං අත තිබ්බෙ එයාට යන්තමට වත් උණ ගැනිලද කියල තිබ්බ සැකේට.
ඔය ඉතිං... මං හරිනෙ...
යන්තමට නෙවෙයි හොඳට ම උණ මේ ළමයට. කොහොම නම් ඉස්කෝලෙ යන්නද අද...
බෙහෙත් ටිකක් ගන්න එක්කගෙන යන්න වෙයි. මම එයා පොරවගෙන ඉන්න රෙද්ද ඇදල පැත්තකට දැම්මා.
රෙදි පෙරවගෙන ඉන්නකොට අමාරු වැඩියි. ගුලි වෙලා ඉන්නමයි හිතෙන්නෙ. කොහොමහරි මම මෙයාව රෙද්ද පොරවගෙන ඉන්නෙ නැතිව තියාගන්න ඕන..
මම රෙද්ද අයින් කරල එයා ගාවින් වාඩි වුණහම එයා මං හිටපු පැත්තට හැරිලා මාව තදට බදා ගත්තා. ගිනි කබල වගේ රස්නෙ... මෙහෙම බලන් ඉඳල හරියන්නෙ නෑ...
ඒත් මේ ළමය නැගිටින්නෙත් නැහැ...
අමාරු ඇති ඇඟට හොඳටම.
මම ඔය වගේ බෙල්ලන්විල පන්සල අයිනෙ මල් විකුණපු දවස්වල වැස්සට අහුවෙලා ලෙඩ වුණහම අපේ ගෙදර මගේ නළලෙ තියන්න ඕඩි කොලොන් තිබ්බෙ නෑ..
ඒ වෙනුවට විනාකිරි වතුර චුට්ටකට දාලා පොඟවල හදාගත්ත තිරයක් තමයි නළලට තිබ්බෙ..
සමන්මලී මට නිතරම කොත්තමල්ලි වෙනිවැල්ගැට තම්බල දීල තමයි සනීප කර ගත්තෙ.
මම සමන්මලී ගෙන් ගොඩක් දේවල් ඉගෙනගෙන තියෙනව. මහීෂ එක්ක බලනකොට සමන්මලී යි මහීෂ යි අතර කියන්න තරම් ලොකු වෙනසක් නැහැ.
මහීෂ ට වඩා වැඩිපුර හයියට සමන්මලී ඉන්නව. සමන්මලී මෙහෙන් මං එවන සල්ලි වලින් ගෙදර පිරිමහගෙන,
තමන්ගෙ හදිස්සි වියදම් කරගන්න පුළුවන් වෙන්න මල් විකුණනවා.
බෙල්ලන්විල පන්සලේ මල් විකුණන සමන්මලීට විල්බට් මුදලාලිගෙ නසරාණි එකා බැල්ම දාන්න පටන් අරගෙන තියෙන්නෙ මං ගමේ නැති කාලෙ.
ඊට පස්සෙ තමයි නැන්ද සමන්මලී ව එයාලගෙ ගෙදර නවත්තගෙන එයාගෙම දුවෙක්ට වගේ සලකන්න ගත්තේ.
මට ගෙදර ඉදලා බලාගන්න බැරි උනාට රිද්ම මල්ලි මං වෙනුවෙන් හොඳට මගේ නංගිව බලා ගන්නවා.
රිද්ම දැන් ඉගෙනගෙන ඉවරයි. බෙල්ලන්විල පන්සල වදින්න රට හතර වටෙන් එන මිනිස්සු අරන් යන අරුමෝසම් බඩු පිරුණු කඩයක් රිද්ම කරගෙන යනවා.
ඒක හින්ද රිද්ම ට පුළුවන් සමන්මලීට මොකක් හරි අනතුරක්ද කියලා නිතරම ඇහැ ගහගෙන ඉන්න.
සමන්මලී ගෙන් ආපහු මොකවත්ම බලාපොරොත්තු නොවී රිද්ම සමන්මලි ට ආදරය කරන හන්දා ඒ ආදරේ බය නැතිව පිළිගන්න මට පුළුවන්.
රිද්ම මල්ලි ඉස්කෝලෙ යන කාලෙ ඉඳලම සමන්මලී ට බැල්ම දාන හැටි මම අනන්තවත් දැකල තියෙනවා.
ඒත් ඒ බැල්මෙ තිබුණෙ සමන්මලී ව අයිති කරගන්න ඕන කියන එකකට වඩා සමන්මලී ට හරි ජීවිතයක් දෙන්න ඕන වගේ බැල්මක්.
සමන්මලී වෙනුවෙන් ඕනම කරදරයකට මුහුණ දීලා, එයාව තමන්ගෙ ලඟ පරිස්සම් කරනව වගේ ආදරයක් රිද්මගෙ හිතේ තියෙන්නෙ.
YOU ARE READING
මැණික ඇහෙනවද මේ.. ( JIKOOK) 🍁✔️
Non-Fictionමේ පේන්නෙ නැති වෙලා ගිය ඇස් දෙකත් එක්කම ඒකි යන්න ගියා බුදු මහත්තයො.... මගෙ පොඩි එකී.... ඒකි මගෙ කිරි කැටියා දෙයියනේ... මගෙ පැටික්කි... ඒ වේදනාව කොහොම මගෙ කෙලි පැටික්කි දරා ගන්න ඇත්ද මහත්තයෝ.... අවුරුද්දක් ඇති ඒකිට උපරිම... මට අන්තිමට ඇස් තියෙනකොට දැ...
