သက်တန့်ကိုခေါ်သွားခဲ့သောနေရာက နယ်မြို့လေးတစ်ခုရှိ နန်းဆက်ပိုင်ဆိုင်သောခြံဝင်းကျယ်ကြီးတစ်ခုသို့ဖြစ်သည်။ထိုနေရာက လူသွားလာမှုသိပ်မရှိသဖြင့်သီးသန့်ဆန်သည်။
ခြံဝန်း၏အလယ်တွင်အဆောက်အဦးတစ်ခုရှိနေသည်။ထိုအဆောက်အဦးကခမ်းနားထည်ဝါသည်။သီးသန့်ဆန်သော နယ်မြို့လေးနှင့်မလိုက်ဖက်အောင် အတွင်းပိုင်းအပြင်အဆင်က ခေတ်မှီပြည့်စုံလွန်းနေခဲ့သည်။
"မင်းရဲ့ပန်းချီကားတွေအတွက် ဒီနေရာမှာအာရုံစိုက်နိုင်လိမ့်မယ်”
"ထင်တာပဲ နန်းဆက်”
သက်တန့်၏မသေချာမရေရာသောစကားကို နန်းဆက်က စိတ်ပျက်ဟန်ဖြင့် ခေါင်းခါလိုက်သည်။အရာရာတွင်ပျော့ညံ့လွန်းသောသက်တန့်ကိုကြည့်ရတာ နန်းဆက်အတွက် အဆင်မပြေပါ။သူမရဲ့ဒီလိုပုံစံကြောင့် နန်းဆက်မလုပ်ချင်သည့်အရာကိုလုပ်ခဲ့ရတာလေ။
သူမကို အိမ်မက်မြို့ဟောင်းသို့ မခေါ်ချင်ပဲခေါ်လာခဲ့ရတာ သူမညံ့ဖျင်းလို့.....။စဉ်းစားရင်း နန်းဆက် ဒေါသထွက်လာမိပြန်သည်။အဲ့ဒီဒေါသတွေအားလုံးကို သက်တန့်ပေါ်သို့ ပုံချလိုက်ဖို့ကြိုးစားမိသောအခါ သက်တန့်အတွက် ရက်စက်ခြင်းများဖြစ်ပေါ်လာခဲ့၏။
သက်တန့်ကို ကောင်းကောင်းကြီး သင်ခန်းစာပေးပစ်လိုက်မည်ဟု နန်းဆက်တွေးထားလိုက်သည်။သက်တန့်အတွက် နန်းဆက်ယူဆောင်လာသော သင်ခန်းစာတစ်ချို့က ဤသို့ဖြစ်လေသည်။
"မရေကူးတတ်လား ကလေးမ"
"မကူးတတ်ဘူး။သက်တန့်က ရေတွေကိုကြောက်တယ်။မွန်းကျပ်လွန်းလို့....."
သက်တန့်၏အဖြေကို နန်းဆက်က သဘောကျသွားဟန်ရှိ၏။သူမ၏မျက်နှာပေါ်တွင်ကျေနပ်နေသောခံစားချက်တစ်ချို့ကို သက်တန့်တွေ့လိုက်ရသည်။
"အဲ့ဒါက ကိုယ့်အတွက် တော်တော်လေး အဆင်ပြေတဲ့အချက်ဖြစ်လာလိမ့်မယ်။ကိုယ်နဲ့လိုက်ခဲ့"
နန်းဆက်က သက်တန့်ကို ရေကူးကန်ဆီသို့ ခေါ်ဆောင်သွားခဲ့သည်။
"ကိုယ်တို့ ဒီရေအောက်မှာမွန်းကျပ်ခြင်းတွေကို ရှာဖွေကြရအောင်"
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
