ဝေဒနာမှသက်သာသွားသောအခါ နန်းဆက်က သူမလုပ်နေကျဖြစ်သော နှိပ်စက်ခြင်းလုပ်ငန်းစဉ်များကိုပြန်လည်စတင်ခဲ့ပြန်သည်။
"ဒီနေ့တော့ မင်းကိုအမှောင်ထုနဲ့တွေ့ပေးမယ်"
နန်းဆက်က ထိုသို့ပြော၍ သက်တန့်ကို အခန်းတစ်ခုဆီသို့ခေါ်ဆောင်သွားခဲ့သည်။နန်းဆက်ခေါ်သွားခဲ့သောအခန်းကိုဝေ့ဝဲကြည့်၍ သက်တန့်က ဤသို့ မှတ်ချက်ပြုမိသည်။
"ဒီနေရာက မှောင်လွန်းတယ် နန်းဆက်"
"အဲ့ဒါက မင်းလိုအပ်နေတဲ့အရာပဲလေ"
"ဒီလောက်မှောင်မိုက်နေတာ ဘယ်လိုပုံဆွဲလို့ရမလဲ နန်းဆက်"
"မင်း မြင်နိုင်မယ့်အလင်းရောင်လေးတော့ရှိနေမှာပါ"
နန်းဆက်က ပြောရင်း မီးခလုတ်တစ်ခုကို ဖွင့်ပေးလိုက်သည်။သက်တန့်ပုံဆွဲမည့်နေရာတွင်အလုပ်လုပ်လို့ရရုံ အလင်းရောင်လေးပေါ်လာခဲ့၏။
"အလုပ်စလုပ်တော့ ကလေးမ။ဒီအမှောင်ထဲမှာ ကြာကြာနေချင်မယ်မထင်ဘူး"
နန်းဆက်မရှိတော့သောအခါ သက်တန့်တစ်ယောက်ထဲ အမှောင်ထုထဲတွင်အားတင်းရင်း ပုံဆွဲနိုင်ဖို့ကြိုးစားလိုက်သည်။သက်တန့်၏စိတ်ထဲတွင် နန်းဆက်၏နှိပ်စက်မှုများကို ငြင်းဆန်လိုစိတ်မရှိတော့ခြင်းက ထူးဆန်းနေခဲ့၏။
သူမနှင့်အတူရှိသောနေ့ရက်များကြာမြင့်လာသဖြင့် ၎င်းနှိပ်စက်မှုများကို သက်တန့်နေသားကျလာတာ ဖြစ်ကောင်းဖြစ်နိုင်သည်။ယခုလည်း သက်တန့်မနှစ်သက်သည့်အရာကိုစေခိုင်းနေခဲ့သော်လည်း သူမအပေါ်တွင်ဒေါသထွက်မလာခဲ့ပါ။နန်းဆက်၏အမိန့်များအတိုင်းဆောင်ရွက်ပေးဖို့ သက်တန့်ဆန္ဒရှိနေပါ၏။
အမှောင်ထုကို သက်တန့်မနှစ်သက်ပါ။သက်တန့်၏စိတ်ထဲတွင် တစ်ခုခုကို ကြောက်ရွံ့နေသလိုခံစားရသည်။ဒါပေမယ့် နန်းဆက်ထည်ဝါအကြောင်း တွေးမိသောအခါ ကြောက်ရွံမှုအားလုံးကို ရင်ဆိုင်ဖို့ သတ္တိတစ်ချို့ဖြစ်တည်လာခဲ့သည်။
နန်းဆက်က သက်တန့်အတွက်အင်အားတစ်ချို့ကို ဆောင်ယူလာပေးသူဖြစ်နေခဲ့သောအခါ သက်တန့်၏ကြိုးစားမှုများမြန်ဆန်လာခဲ့သည်။သက်တန့်၏ ပန်းချီကားများကိုကြည့်၍ နန်းဆက်က ချီးကျူးစကားဆိုသည်။
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
