گـذبك حلو
حزين_عاطفي_درامي
_________________________
علا: دكووووومي عاد دثوة مال نوم كل يوم مكعدج
هدى: اييي شبيج اول ماماتت امي انتي بس هيج شبيج ويايه علا والله البارحه ردت انتحر اروح يم امي لان كلش دتضوجوني بعد لتكعديني روحي روحــي هاهية..
انقهرت كثيرا على اختي الصغيره فعلا اعاملها بقسوه بعد وفاة والدتي..جلست بجانب هدى وحضنتها وبكيت..
علا: والله العظيم هدى صايره كلش اكره نفسي من اسوي وياج هيج تره والله احبج بس وره ماماتت ماما صارت الدنيه بوجهي سوده مااعرف
هدى: علا مشتاقه لماما كلش البارحه منمت كلش مشتاقتلهة
علا: دكافي لتبجين مو كطعتي لكلبي والله(مسحت دموعي) يله يله امشي بدلي حته اوديج للمدرسه ويادوب الحك ع الكليه
هدى: اي ماشي يلا
تركت هدى في غرفتها لتغير ثيابها وذهبت لغرفتي غيرت ثيابي (تنوره طويله بلون الاسود وقميص اسود وستره سوداء وحذاء فلات اسود وحقيبه سوداء وفيها ورده بلون القوس قزح) وذهبت لغرفة هدى كانت متجهزه ....انتظرنا الباص واتى ذهبنا لمدرسة اختي وذهبت ثم ذهبت للكلية....
دخلت الكليه ورأيت صديقتي جمانه اعز صديقه لي كانت منذ الابتدائيه الى السنه الرابعه والاخيره من الكليه الفنون (تصميم) ...ذهبت باتجاها وجلست بجانبها...
علا: صباح الخير
جمانه: ليش اتأخرتي مو كلتلج تعالي من بطيخ من وكت حته تفهميني الشيسمونه
علا: اشدعووووه اشصااار بس لان تأخرت مو اول شي رحنه ودينه هداوي وبعدين اجيت وازدحام يعني عبالج احنه عايشين ب امريكيا حته ماكو ازدحام
جمانه: والله ياالله قزمه ولسانهة اطول من عدهة
علا: لااا لج اني مو قزمه طولي 155
جمانه: لااا ابد مو قزمه اني طولي 160
علا: والمطلوب
جمانه: انروح للمحاضره لان رح ترسبينه
علا: يلا امشينه
ذهبنا للمحاضره وبعد ساعه انتهت خرجنا ذهبنا للكافتريا...
جمانه: اكلج شوفي ذوله الكبل
علا: ....بخت
جمانه: ديلا عيني ام البخت
علا:ها دكولي مكبله اني كولي كولي
جمانه: لاا بس ماشالله من اول كليه لحد هسة 10 ولد جايين مصارحيج
علا: طبعاااا يصارحوني يشوفون العيون الخضر والشعر الناعم والبياض والرشاقه والاناقه وميصارحوني لااا غصبا ما ع خشومهم يصارحوني هههه
جمانه: رفعت خشمج زايد تعالي صدك مااسألج هذا السؤال ابد خلي اسألج يا
علا: اطربي
جمانه: انتي ليش متقبليهم متبطره ع نعمتج
علا: باعي اني اول كليه بعدني صغيره كلت لاا عيب ثاني كليه كلت الحك خلي ادرس وطلعت اولى ماشالله عليه وثالث كليه حبيت علي وليهسة احبهة وهو ميحس رح نتخرج وليهسة محاس
جمانه: اكلج متصارحي انتي
علا: عيب اتفل عليج الطلاب كاعدين
جمانه:ههههه كبر لا صدك ليش متصارحي
علا:اني اعيب ع البنات الي يصارحن الولد اسوي مثلهن من امدااايه
جمانه: لعد رح يطير
علا: لاااا عفيه صارلي سنتين احبه وهو كلش حلوو
جمانه: اي ماكو غير حل واحد انو تصارحي
علا: وووف منج اكلج اني مالي خلك اطب هاي المحاظره رح اروح للبيت
جمانه: اوك اني اجيبلج المحاضره
علا: سلام
جمانه: باي
