وعد بالانتقام / بقلمي : حبيبة محمد ✨

انا و جوزي و الافلام

اهلين وسهلين اوعوا تكونوا نسيتوني لا
ازعل ..... المهم ..... انا زهقت من المذاكره
و كنت عايزه حاجه كوميديه و كده .....
فضلت افكر قولت ..... تعملي ايه يا بت
يا بيبه تعملي اي يا بت يا بيبه ..... لحد
ما جت في دماغي فكره ..... ف قولت فيها
اي لو كتبت موقف مضحك كل البنات
نفسها تعمله فا قولت و ماله ..... المهم
كتبت ده

~~~~~~~~~~~~~~~~~~~~~~~~~

انا ساره و جوزي عمر هحكيلكم تجربتي
مع جوزي اللي اتجوزته عن حب " الحنون " الطيب " المتفاهم "
ها خلو بالكم من الكلمات دي ... هقولكم
تجربتي معاه
في حركه رومانسيه كل البنات بتحلم بيها

~~~~~~~~~~~~

دايما بنشوف فى الأفلام
البطلة تروح ترخم علي البطل بعدها تهرب تستخبى من البطل ورا الباب الاوضه
ولما يدخل الاوضة
تطلعله من ورا الباب ع أساس تهزر معاه و تخضه 
يروح هو يزغزغها و يشيلها و يفضل يلف بيها
ويفضلوا يضحكوا و التصوير بطئ و
مبسوطين و طايربن من الفرحه
وبعدين يرميها عالسرير
ومن كتر ما سريرهم ريش و ناعم هى تغطس جواه
وتختفى بين المخدات ..

جيت انا اتفزلكت و قولت "لازم أقلدهم"
عندى عموري جوزي حبيبي يبقي البطل
وأنا هأعمل دور البطلة
هي احسن مني في اي يعنى؟
رحت أول حاجة طلعت  قميصه الأبيض من الدولاب اللي لسه جاي من عند المكوجي ولبسته
عشان آل إيه أبقى كيوت و انى لابسة حاجة  واسعة و كدا
ورحت رفعت شعرى كعكة و بليته مية لحد ما مسكت الكعكة عشان من زمان مسرحتش
شعري فماسك ف بعضه زي مكانس القش
المهم ...
كان عمر نايم علي الكنبه في
الصالون ، رحت انا  الكيوته الناعمة ، الرقيقه
جيت من بعيد و نطيت ع طرف الكنبه
الي هو نايم عليها
كان كل قصدى بس اخليه يتخض وكدا
بس بالغلط لما نطيت أخطأت التصويب و
وقعت على راسه
و بعدين اتقلبت هو ع الأرض بين الكنبه و الترابيزة
ربنا سترها ورقبته متكسرتش
طبعا هو من الضربة الي خدها قام زي المجنون
أنا بقيت أستجمع قوتي زي الي بيطلع من حفرة
وجريت ع الأوضة
هو قام و جري ورايا، أنا كل تفكيري إن احنا
حاليا قاعدين بنعمل زي الأفلام ، و هو بيجري ورايا  يكمل الهزار معايا ..
و أنا بطير زي العاهة علي لأوضه صباع رجلي الصغير إتخبط  ف بوز ترابيزة السفرة
رحت من الوجع اتشقلبت ع الأرض و فضلت أرقص زومبا ع الشقلوب

جه هو إتكعبل فيا و وقع برضه و جه صابعه ف زاوية الباب

أنا قال اي لسه مفكرة نفسي كيوته و حلوه و قمت أكمل جري و بضحك زي الهبله

المهم خلاص  وصلت اوضه النوم و مفيش مجال اهرب

جه عموري حبيبي المتفاهم زي الطور الهايج و عنيه حمرا و بيجز على سنانه

شالني و رماني عالسرير  من شدة  الرميه
اتخبط راسي في خشبة السرير  فضلت
اولول

و من كتر ما المرتبة وخشب السرير واحد ،
جاني تهتك المفاصل ، و ملامح
جسمي كلها بقت في الضياع

بعدين نزل فيا شلاليط وإقلام عالتصوير
السريع

هنا استوعبت إن دى خناقة مش هزار
بعدين الله يحميه خد باله اني لابسة قميصه
اتجنن بزيادة لأنه لسه جايبه من المكوجى
عشان يلبسه ف اجتماعه بكره ف الشغل
راح نزل فيا بوكسات و مسكني من كعكتي و مسح بيا الاوضة
بعدين هدي شويه و راح يحضر الاخبار و متكلمش معايا  إلا بعد ما بدءت رقبته
تتحسن و ابتدا  يقدر يحركها بعد كام شهر ..

و الحمد لله اتصالحنا و الحمدلله ربنا هداني
و معملتش حركه رومانسيه تاني

" متفكريش تعملي زي  الافلام بعد كده
عشان قرة عينك هيمسكك من كعكتك
و يمسح بيكي الشقه  "✋😄😂

~~~~~~~~~~~~~~~~~~~~~~~~~