ام صقر تذكرت ولفت لمنار: عبدالرحمن يدري يامي؟
اكتفت تهز راسها منار
ميار رفعت راسها تناظر بمنار : ماراح يجي؟
منار : لا عنده مشروع مهم بس عارف انكم مابتخلوني
الجادل : اكيد احنا اهلك
هزت راسها ببتسامه
وقفت ام صقر : بسوي عشاء لي انا وبناتي وبسوي الذ سلطه لمناري
ابتسمت منار
الجادل : بناتي؟ صقير وابوي وينه
ام صقر : روحو لعزيمه فيصل خويه
طلعت ام صقر للمطبخ
————
بسياره
احلام : سهم ابي امر البقاله
سهم : ابشري وقف لاقرب بقاله بعد ٥ دقايق لف لاحلام : وشتبين؟
احلام : امي مرسله لك الاغراض
سهم: اي صح نسيت فتح الباب ونزل
———
بالبقاله بين الرفوف
اثمار : ياختي ضايعه انتتي تبين تاخذين للبنت زبادي ساده
روان : اي ياخي والله لو تجربينه لذيذ مع الشبسات وخاصه الي مبهره اووف يالذاذه اشتهيته الان
اثمار : الله يشفيك صدق ماينبلع
روان : انتي الحين شتبين ذي صديقتي واعرف وش تاكل وماتاكل روحي اشري اغراض اذا تبين ولا اركبي السياره
اثمار لفت بتروح لرف الكيكات : مالت عليك بس
وقفت عند الكيك وتشوف ايش نكهاته
لفت لكيكه ساده باقي بس حبه وحده اخذتها وحطتها عند الكاشير بتحاسب تذكرت ناقصتهم شوكلت عشان التززين ولفت لثلاجه تاخذ
سهم وقف عند الكاشير وحاسب اخذ الكيس بيطلع ووقف يشوف اذا باقي اغراض ناقصه نساها من رساله امه
اثمار تقدمت للكاشير وحطت الشوكلت ولفت تدور الكيك ماشافته ناظرت بالكاشير : لو سمحت الكيك كان هنا تو وين رجعته؟
الكاشير لف حوله وماشافه : مدري يمكن اخذتيه
اثمار : ماخذته باقي حبه وحده منه بس !!!
الكاشير :ايش النكهه ؟
اثمار : ساده
ناظر فيه عامل ثاني وقرب للكاشير : انت تو حطيته بكيس الرجال
الكاشير لف له: اي واحد ؟
العامل : هذا الي وافق عند بوابه
لفت اثمار للي للعامل : روح جيبه منه
العامل : انا مالي دخل والله مو شغلتي
الكاشير ناظر فيها: هي كيتك الله يعافيك
تأففت منهم و تقدمت للي واقف عند الباب : لو سمحت
لف سهم لها وناظر فيها : سمي ؟
اثمار بتوتر من نظراته : الكاشير بلغلط حط مع اغراضك كيكه لي
سهم ناظر بكيسه ورجع ناظر بجوال يشوف اذا امه طالبه كيكه
اثمار : لو سمحت مايحتاج ترا تطول كذا طلعها وبس
سهم : عارف بس اتاكد اذا كانت مكتوبه بجوالي ناظر بالكيسه وطلعها الكيكه ومده لها
ركب سهم السياره وحرك
رجعت اثمار للمحاسب ونزلت الكيك تحاسب
الكاشير : الكيك حاسبه الرجال
ضربت بيدها على جبهتها : نسيتت الدددفع
تقدمت روان: شفيك
اثمار : اخخ سالفه طويله حاسبي واركبي ولفت تركب
—————
نياف : شعنده الدكتور سهم يمشينا؟
سهم : جاء من داخلي امشيكم
احلام : الله لايحرمنا منك ليت الي جنبك يطلع من داخله نتفه منك
لف نياف لها بالخلف: هاانفعي نفسك والله ماجيبك من الجامعه
عضت شفتها احلام بقهر : ياخي تاخذ بكلامي
رفيف : ترا احياناً تتكلم بدون تحس هزت راسها احلام بتأييد
وقف سهم عند كوفي
نياف ناظر بسهم : عشان اوري احلام ان فيني نتفه رحمه منك حسابكم علي
لف سهم يبتسم
احلام : عاش عاش نياف
رفيف : حتى العشاء بيصير عليك؟
نياف : تعقبون ليتني بمشروباتكم
لفت رفيف لاحلام وغمزت فهمت احلام
وناظرو بنياف الي فك بابه وسالهم وش يبون مشروب
احلام : ابي ايس دريب وفرنش توست
رفيف : ابي قهوة اليوم وفيه حلا صغير بكراميل يجنن عندهم وابي ايس مكياتو واب..قاطعها نياف: بس بس بس انتي شايفتني على بنكك!!
ضحك سهم ولف له : انا بنزل معك
ابتسم نياف : حياك اخوي حياك والله لايهينك اخذ صرافتك معك
سهم : ليش اخذها وانت بتدفع
نياف : على هالطلبات ماظنتي بقدر ادفعها كلها
نزلو للكوفي يطلبون وبيرجعون لسياره يتمشون
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
