هز راسه فيصل : اسمائهم ؟
رفيف: ريفان*** سميره***
فيصل: اي صف؟
رفيف: اول ثانوي ب
هز راسه عقاب : طيب تحسين عليهم اي اعراض ادمان
لفت رفيف لسهم استغربت سؤاله سهم: قصده يعني حسيتي انهم مدمنين
رفيف ناظرت تحت : ماعرف والله ولا اعرف ايش اعراض الادمان
هز راسه عقاب ووقف لف لفيصل: خلاص اخذنا الاجوبه
فيصل ناظر بالي يكتب التحقيق واشر له يجيب الورقه
ناظر بسهم: ابي توقع اختك هنا ووقع انت كولي امر على التحقيق
لف سهم لرفيف ووقعو
وقف فيصل ووقف سهم والباقي: خلاص الى هنا انتهى التحقيق باذن الله باقي التحليل و اذا احتجنا معلومات او شي بنقولكم
هز راسه سهم وصافحه وطلعو
ماسك الورقه معه نياف : نروح الحين سهم؟
هز راسه سهم : اي اشر على الورقه : عطونا موعد بعد شوي لازم نروح له
هز راسه نياف وطلعو للمستشفى
——
العصر
وصلت طلبيتها وتوريهم بصاله
نجلاء ماسكه الفستان تشوف قماشه : هذا قماشه يجنن وناظرت بروان : خليه للعزايم الكبيره شوي
روان هزت راسها بأيه وماسكه شبصات صغيره ولفت لاثمار: بالله شرايك بالوانها قسم تجنن
اثمار: تجنننن بس صغيرره
روان :عادي نمسك شعورنا من جنب يعني نسوي حركات وهيك
لفت اثمار لروان واخذت شباصه صغيره وبدت ترفع الخصل الي قدام ومسكتها بها: شرايك بس
روان : تجننن بشعرك
النجلاء رفعت بتيشيرت وكانت فيها فتحه من عند الصدر : روان يابنتت ووش ذي !!
روان ناظرت بالي ماسكته امها: اووه وش ذا الفتحه
نجلاء : بالله مسويا متفاجاءه
روان: يمه قسم توقعت الفتحه صغيره اثمار ناظرت بروان ولفت لامها
نجلاء : ويوم شفتي فيها فتحه ليه تطلبينها!
روان : اعجبتني تجنن
نجلاء : والله ماتلبسينها ولفت تنادي رانوو : رانوو تعاللي يارررانووو
وقفت روان ونطت عند امها من الاغراض ومسكت التيشيرت : امي ارجوك والله مالبسها الا عند الحريم
بعدتها نجلاء : عند الحريم ياربي حطت يدها على راسها وش تبينهم يقولون هذي مفصخه وجايه
ضحكت اثمار من كلمه مفصخه امها تشوف الفتحه وكانها كبيره
دخلت رانو وتقدمت لنجلاء : اخذي هذي وروحي ارميها بالزباله يكرم القارىء
هزت راسها رانو واخذت البلوزه وطلعت للمطبخ
روان : امي حرامم ياخي
نجلاء: الحرام والله اسمح لك تلبسينها اي والله واثاريك مخططه تلبسينها عند الحريم اجل
لفت روان لاثمار بقهر
-
صقر يصب له القهوه ولف لابوه : تقهو
ابو صقر : فيه
ميار جالسه وجنبها سعود تلعبه ناظر ابو صقر بسعود وناظر بميار: وينها ام سعود
ميار : موجوده فوق مع الجادل
هز راسه ابو صقر
جت ام صقر ومعها صينيه فطائر وقف صقر بقوه واخذ الصينيه : ايباااهه ياامييي واخذ وحده وبدا ياكلها لف لابوه يمد الصينيه واخذ حبه ابو صقر
ام صقر : بالعافيه عليكم وطلعت
لف لميار الي تتنتظرر يمد لها صقر : لاتعبين نفسك بالانتظار
وقفت ميار وتقدمت له وبعد الصينيه عنها : اذلفيي والله ماتاخذين الين اشبع
ميار : انت مشفوح خايف ماتشبعع !!جببببببب
صقرر : والله المشفوح انتي اخاف تخلصينه
ميار : تعقب المشفوح انت جبهه
صقر : تعقبين انتي يالحيواننه
كان لاهي صقر بميار يهاوشوها خطف بهلحظه الصينيه ابو صقر لف صقر بصدمه لابوه يستوعب ميار ناظرت بابوها وقربت له تاكل
صقر والقمه بيده : ماتوقعت
ابو صقر وهو يمد لميار من يده : ماتوقعت وشو؟
صقر : تاخذ من يد ولدك الوحيد وتعطي بنتك التافهه ذي
ميار وهي تاكل ناظظرت بابوها : ترا يقصدني لاتبخل عليه بالكلام عطه اقوى ماعندك
لف ابو صقر لها وهمس : شسوي بس
ميار: تبي صدق تقهره ؟
ابو صقر.: اي كيف ؟
ميار : امسح على ظهري وشوفه
مد يده ابو صقر ومسح على ظهرها : بنيتي ربي لايحرمن..قاطعه نقزت صقر له ضحك بقوه ابو صقر من غيرة صقر
صقر بخفيف جلس على رجل ابوه: ابوي تراا انا الوحيد ولا ذي في منها ثنتين وبدا يبعدها عن ابوه : ابعدي بس عنه
ضحك ابو صقر منه
ميار تناظر مفهيه فيه : صقر منجدك تغارر مني
لفو لدخول الجادل ومنار
منار جلست : وش فيه صقر يغار من وش
لفت ميار لها: ناظري بس كيف جالس
الجادل بضحكه : اخخ استغفرك ربي
صقر : وش شايفه
الجادل : ياخي تضحكني وانت تحاول تبين لنا دلع ابوي لك
منار بهمس لها : وابوي ماسح الارض به
وضحكو عليه
صقر الي سمع همس منار ناظر بابوه : ابوي مو قلت لك اذا هاوشتني يكون بينا؟
هز راسه ابو صقر : مدري كيف شافوني اهاوشك
صقر : بالله؟
ابو صقر :اقول عطيتك وجه جالس على رجلي وقف صقر وناظر بابوه بس ابي اقولك تراني ولدك الوح... قاطعته ميار
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
