كسر التراَئب

الكـسـر الـسـابــع

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

     
رزان::-

ضربته كف وگلتله: رح تشوف شي يخلي عقلك يوگف وانت طول عمرك ما گدرت تسوي.

بقة ساكت مجاوبني، واجة رضا كعد يمه وگال: بنت القاتل شنو علي مو حلوة منك هاي جاي نكولك رح نساعدك وبعدين احنة شنو ذنبنه اذا اهلنه مجرمين.

كمت من مكاني انهضمت من گال بنت القاتل و رحت جوة المطر امشي وحدي، افكر بضياع شنو اسوي ياربي ليش هيج، فكرت اذا تعاونة وي علي رح تتفلش عائلتنة الحلوة ولمتنه، بس يستاهلون الي رح يصير من عدنه.

اجة علي يمشي سريع باتجاهي، لزمني من زندي ونترتة:  لا تلزم ايدي حرام عليك.

علي: اعتذر رزان والله مو قصدي الكلمة طلعت مني لا ارادياً، والله العظيم انت ورضا وعاصم وولد عمكم كلشي ما عندي وياكم اني عندي ثأر وي الكبار ورح اخذ حقي وحق اختي من عيونهم.

حچاهه بنبرة مخنوگة، واجة رضا جايب النه عصاير وكال: يلا خل نسولف بلسيارة تنگعنة بلمطر.

علي يباوع بوجهي يريدني بس احچي، ووي ما جنت دا اكوم صرت قريبه عليه وهمستله: كلنه وياك علي.

ابتسم واخذ العصاير من رضا وراح للسيارة قبلنه، وگف رضا يمي يحچي وياي: روز اعذري علي مو قصدة يحچي هيچ والله حقه اني لو منه وعمامي وابوي كاتلين اختي احرگ الدنيا كلهه عليهم.

رزان: زين ليش كل هاي السنوات مسوة شي وما اشتكة عليهم.

رضا: مو كلتلج عمج احمد عندة ضهر قوي وهو اساساً عندة ملفات فساد كلشش هواي بس عندة احد يطمطملة مصايبه، بس والله يا احمد ع حرگة كلب هلولد و قتلك لبنيه بريئة ما تروح هدر، رزان لازم نفكر عدل ونخطط زين لان عمج احمد صعب كلش.

مشيت بتمايل كدامه وكلتله: بس ما يصعب علينه اله نوديه ورة الشمس، ونخليه يتندم ع الساعه الي اجة بيهه للدنيا كلهه. وخليهه ببالك رضا مهما سوة و عبالة ما ينكشف ترة الله يشوفه وهم الدم ميصير مي.

رضا: ديلا امشي تنگعتي اليوم امچ رح ترعد علينه والبيت متخلينه ندخلهه امشيي بسرعه.

صعدنه جان علي يگلب بتلفونه  وبحلگة جگارة.

مدري ليش واني صافنه تذكرت اغنيه. اخ يل چنك چكارة شكد مضر ومشتهيك. ناسيتهه الاغنيه بس هذا المقطع تذكرته وحچيته بصوت عالي.

زفر نفس من الجگارة علي وضحك، ورضا ضل مصدوم كال: شنوووو؟؟!

رزان: هاا شكو شنو شحچيت.