رد اعتبار شيوخ لا ترحم

بارت 1

تمنى تنال رضاكم قساوة الناس،،،، وضلم الدنيا قد تحاربنا الدنيا بقساوتها والناس الذين لا رحمة عندهم بقلوبهم المتصلبه وعقولهم المتحجره على غلطا لم نقترفه وليس لنا ذنبا به انما قدره الله لنا فا اصبح امراً محتوماً علينا فنكون بجبروت الاغنياء وضعف الفقراء لا نملك لنفسنا نفعاً ولا حتى دفاعاً عنه لكن نملك لنفسنا رباً لن ينسانا فكما ابتلانا فهو من سيخرجنا من ما نحن فيه نرجع بیکم زمن بعيد الى هوه زمن جدتي صبريه الي فقدت امها او ابوها وهي بعمر الاربع سنوات وما عدها اي اخوه ربتها خالتها وي بناتها او اولادها جانو عدها ثنين بنات متزوجات وثنين بعدهم وحده عمرها ١٥ وحده عمرها ٩ سنوات و الاولاد واحد عمره ١٠ والثاني سنتين بهذاك الوكت جان عمر صبريه ١٤ سنه جانت علاقتها قويه وي خالتها وخالتها اتحبها وتفضلها ع بناتها عانت صبريه بسبب هذا الحب من بنات خالتها الي يحسن دائما بالغيره من عدها ويأذنها جانت صبريه اتكوم ابكل شغل البيت من تنضيف وترتيب وطبخ وغسل ماتخلي خالتها ابد تلمس شي جانت حالتهم كلش ضعيفه وابيوم من الايام زوج خالتها ادين افلوس من الناس حتا يفتحله دكان محل او اسواق صغيره جداً) جان ابطريقه للبيت اترصدوله جماعه و اخذو كل افلوسه وضربو و عافو بالشارع انتكس واتأذه وبمرور الايام ضل يشرب ويسكر وتعبت حالتهم الماديه اكثر ف اكثر ضلو ياكلون وجبه وحده باليوم وضلت خالتها تشتغل بالبيوت وبيوم من الايام حلت الكارثه

الساعة ٦:٠٠ الصبح
الخاله: يمه صبريه انه رايحه ع الشغل يمه شري الملابس ولاتنسين الخبز اعجني وخبزي
صبريه: خالتي انتي روحي واني هسه راح اكوم اشر
الملابس وبعدها اعجن واخبز
الخاله اي عفيه عليج ابنيتي ها او هذا ( تقصد زوجها)

لا تكعدينه خلي نايم شرب اهواي امس

صبريه: صار خاله

الخاله: ها ونسيت اكلج الجهال. راحو عند اختهم اني وديتهم لان ماعدنه غده اليوم بس طاسة فاصوليه نتغده بيها اني وانتي

صبريه: على خير خاله
طلعت خالتها وكامت صبريه ع شغل البيت اتنظف و تغسل وبينما هي جاي تشر الملابس سمعت صوت زوج خالتها و هو بالكوه يحجي زوج الخاله ص،،،، ص،، صبريه وين خا ، لتج صبريه راحت ع شغلها اتريد شي عمو
صبريه حست ابرعب و خوف لمن شافت زوج خالتها يتباوع عليها وكأنما ايريد يفترسها ضلت

ترتجف ابمكانهة
زوج الخاله: اي اريد تعاي
صبريه: ها. بس وين اجي
زوج الخاله: شيلي افراشي طلعي بالحوش (صحن الدار)

صبريه صار
وراحت صبريه اتشيل لفراش اتفاجأة لمن رادت تطلع وزوج خالتها منعها بجت ع طول وحست نفسها ابخطر

خد صبريه عم،، عمو ش،ش شترید

زوج الخاله: اريدج انت من زمان وعيني عليج وهجم عليها مثل الثور الهايج وجانت صبريه مثل الطفل الصغير ماكدرت ادافع عن نفسها و اغتصبها و عافها مثل الكلب اجلكم الله تبجي وتندب حضها الى ان اجت خالتها شافتها صبريه اورتمت بحضنها او شكتلها و هي تبجي وخالتها تبجي وياها بس ماجان بيد خالتها شي اتسوي غير ان تسكت وتسكتها وضلت الشغله سر بين صبريه وخالتها وبعد مرور شكم شهر اكتشفت الخاله ان صبريه حامل احتارت شتسوي اذا ضلت حامل اكيد مو الصالحها و الناس ماراح تسكت واذا راحت للقابله وسقطت

اكيد الخبر راح ينتشر لان هي قريه اصغيره و بريف

فضلت ضامه الخبر

حتا عن بناتها وجانت دائما تحاول تخفي صبريه عن الوجود يعني اذا يجيهم احد اتكول

بالمطبخ او نايمه او تسبح و هواي الي تقدمو
الى ان اجه اليوم المنتظر او كعدت صبريه من نومتها تصرخ بطنييييي خاله لحكيني خاله بطني عرفت خالتها ان اجاها الطلك و ماجانت حاسبه احساب الهذا اليوم كلل الي بالبيت درو و عرفو بالموضوع ضلت خالتها اتباوع على حالتها ومابيدها شي اتسوي اتشوفها اشلون تتلوه من الوجع و تصرخ وهي طفله وتسمع صوتها و هي تكول خاله دخیلج والله راح اموت انتفضت خالتها و کالت شلي ايريد ايصير ايصير لبنيه راح اتموت وكله من وراه هذا الكلب الحيوان ( تقصد زوجهه ) راحت جابت القابله وجيبتها صارت عدها ابنیه و سولفت للقابله على كلشي وكالتلها لا تحجي الاحد عن شي وتاخذ لبنيه وتنطيها الناس ماعدهم خلفه ( ذريه ) اخذت القابله الطفله بس الحدث الي صار بظلام الليل انتشر وي ضوه الصبح والكل دره بصبريه وماكو ورا يومين اجو خوال صبريه وعمامها اوبيدهم اسلاح ويريدون ايغسلون عارهم حاولت خالتها تمنعهم ابشتى الطرق بس كسرو الباب ودخلو جانت صبريه بنت ال ١٤ سنه تبجي من الخوف وتكول والله مالي ذنب بس العقول المتحجره مستحيل اتلين ضربوها طلقتين ابراسها اوكتلوها و هي نفسه و کتلو زوج خالتها

يتبع ،،،،،، #رد_اعتبار (شيوخ لا ترحم)