رد اعتبار شيوخ لا ترحم

بارت 3

مساء سعاده مساء الورد شونكم ان شاء الله بخير اذا تفاعلتم راح اصير كريمة وياكم وانزل الكم بارتات اكثر ولا تشوفون هاي البارتات قصيره ترى البارتات الجايه اطول

انخطف كلبه وصرخ بصوت عالي يااااابه.
تلكوه الناس يهدون بي بس سمع الصوت القاسي الي تعود يسمعه
اترکوه اكيد مجاي للعزه اكيد عنده حاجه وجاي بيها رفع عيونه لفوك وشاف ابوه الحجي منصور

كرار بويه م، منو منو مات

حجي منصور ايهمك منو مات كول بسرعه شعندك

كرار دخيلك بويه كلي منو مات

حجي منصور كتلك كول اشعندك واطلع بعد محاولات كرار لكثيره بان يعرف من الي مات ماعرف

فکال كرار يا به دخيلك انت الي يدك بابك محتاج وماترده اني

محتاج مساعتك زوجتي مريضه

عدها مرض خبيث وانه امكانيه ماعندي

حجي منصور حجه با استهزاء وخله العوجيه على صدره

ودفعه مو كلتلكم ماجاي للعزه اي صح

ياكرير اني مارد الناس كلهم بس انت اردك وفلوسي جا حلال ما يصير اصرفهن على بنت الحرام كوم واطلع
کرار جان متوقع يسمع هل حجي من ابوه لان محد يعرف قساوته مثله

کام دار ضهرها ومشه بخطوات بطيئه يمليها اليأس والاحباط بس اجاه الصوت من ورا نفس الصوت القاسي بس هلمره بي دمعه وانكسار

حجي منصور. تمنيتك انت الي تموت وما يموت اخيك

کرار انصعقت من كلمة اخيك

فكد اخوه الي ما شافه من وضلت حسره ابکلبه شوفته

نزلن ادموعه ع خده بس ما
التفت على ابو كمل طريقه وبمجرد ماطلع من المنطقه

ارتمه بالكاع وضل يصرخ يا خوووويه

وياخذ من التراب ويحط ع راسه شكد قاسيه هالدنيه الي مرمرت كررار

وبعد مرور اشكم شهر وكرار يشوف زوجته يوم عن يوم

حالتها اتسوئ اكثر فاكثر بس اجاله

بصيص امل اجه ابو هيثم و وياه مبلغ من المال الي

جمعه من الناس الخيره وانطاه الكرار

کرار عمي ما اعرف اشلون اشكرك لولا الله ثم انت

ماجنت اعرف اشراح اسوي وي هاي

الدنيه الضالمه

ابو هيثم. لا بويه لا تشكرني انت حسبت هيثم اوليدي و اي شي تحتاجه تعال ولا يردك اله اللسانك کرار. تسلم ياغالي جميلك هذا دين ابركبتي

وعالج كرار فرحه وضلت تاخذ العلاج الكيمياوي لكن
حالتها مثل ما هي وضلت يوم عن يوم
اتسوئ حالتها و کرار حالته الاسوئ وهو يشوف حب
حياته يتعذب وهو مايكدر ايسوي شي و مرتضی جان دائمن يختلي ابنفسه مثل ما اتعود يكعد با الشارع با الضلمه و يبجي
اما اني جنت بعدني صغيره
وبعد مرور 7 سنوات اني كبرت وسجلت با المدرسه وصرت بصف الثاني ومرتضى صار عمره ۱۹ الي يحبني ومدللني اما امي فتعبت وغيرها المرض وكع كل شعرها وصارت هزيله جلد ع عضم وطريحة افراش بس ابوي ابد ما عافها رغم بشاعت المرض وسواته وياها جان عنده فرحه اجمل ما خلق ربه وبيوم من
الايام رجعت من المدرسه و اني ابجي دخلت ع امي

الغرفتها وهي جانت متمدده با الفراش

وتردد آيات من القرآن الكريم ولما شافتني ابجي صدقت وفتحتلي  إيديها وكالت صدق الله
العضيم تعالي نور يا ضوه عيوني ياحلوه شبيج نور واني ابجي واشهگ وحده اتعاركت وياي بالمدرسه

وتكلي امج بنت حرام ماما ليش هيج ايكولون اني ماعرف شنو يعني بت حرام بس ادري

بيهم جاي يغلطون عليج واني احبج

وما اريد احد يحجي عليج شفت امي بمنظر مستحيل ان انساه طاحت دمعه من عينها.
وابتسمت وكالت

ماما . نور لا تصيرين ضعيفه ولا تبجين من كلشي ترا هاي الدنيه صعبه ولي حجه علي
اليوم باجر يحجي عليج ومثل ما ورثتني امي المضلوميه اني راح اورثج ايها بس انتي لازم تصيرين قويه وما لازم تضعفين لان الله وحده يعلم بينه ويدري احنه ما اخطأنا وطبعت بوسات
ع اجفوف اديه وغمضت اعيونها ونامت اني هذا الي جنت متصورته بس الحقيقه هي ماتت
طلعت اني من غرفتها واني امسح دموعي شافني مرتضى وسولفتله وهو كالي مسحي ادموعج ولا تبجين وهاي الي حجت على امي باجر اروح المدرسه

واشتكي عليها شبكته وهو باسني
على راسي

مرتضى امي وين

نور امي نامت

عافني مرتضى ودخل ع امي بس اشوي وطلع يصرخ و يبجي لااااا يمااااااا اخذني من ايدي

وراح يركض لابوي ع شغله بابا مجرد ماشافنه من بعيد شاف مرتضى وهو حافي ودموعه تارسه

وجها طاح الي جان ابيده وطاح على اركباته كأنما عرف

الي جاي اخوي يخبره بي

تعبت حياتنه بعد امي
ابوي اخ يا ابوي ما اسولف الي صار بي بعد وفاة امي فكد الدنيه كلها ابفكدها
واخوي ما فارك الدمعه وصل مثل ماجان يختلي بروحه بالضلمه ويبجي ماجان يحب احد يشوفه وهو يبجي اما اني لهسه اذكر لمن جنت اكعد من النوم واصرخ اريد امي واصيح با أسمها بس ماجانت اتجاوب اصلاً اشلون اتجاوب وهي تركت النه بس صورتها بالبيت ضل ابوي يرعانه وصارولي هو واخوي بدل الام يدرسوني ويأكلوني ويبدلولي ملابس المدرسه ولمن يجي اليل ينوموني

يتبع ،،،، #رد_اعتبار شيوخ لا ترحم)