صباح جديد على الابطال
الساعه ٩:٣٠ ص
الكل تجهز وراح دوامه والي راح لمدرسته وجامعته
بالمستشفى ..
جالسه بسرير تتنظر موعد العمليه الساعه ٩:٥٠
نزلت جوالها بعد ماتطمنت على سعود وناظرت بمنار : نايم لهلحين وجالسه عنده ميار بنفس الغرفه
منار : ياعمري ميار الله يسعدها
ام صقر : اي من امس مزعجتني بالليل تبي تغيب عشان تقعد مع سعود وماتشيلين هم
منار : اخخ يامياري
ام صقر وقفت وقربت لمنار حطت كفها على يد منار: يابنيتي سمي بالله وتوكلي على الله وان شاءلله تخلصين العمليه ونطلع للبيت وترتاحين
رفعت يدها منار تمسك يد امها: ان شاءلله يامي
لفو لدخول الممررضه نزلت لبس العمليه فوق الطاوله : يلا البسي هذا ٥ دقايق واجيك
وقفت منار اخذته ودخلت دورة المياه تلبسه وطلعت بعد ٣ دقايق وقفت تناظر بامها الي تتنتظرها
لفت لدخول الممرضات ومعاهم كرسي : اذا خلصتي اجلسي
اخذت طرحتها ولفتها وغطت وجهها وجلست ناظرت بامها: يمه لاتنسين جوالي خوذيه
وطلعت برا الغرفه متوجهها للعمليات
بعد مرور ١٠ دقايق
—-
بالمكتب
دخلت الممرضه بالمكتب معها ملف مدته لمشعل : هذا اسماء الي اليوم عندهم عمليات
اخذه مشعل وبدا يقرا الاسماء: عواطف من متى داخله ؟
الممرضه : تقريباً من ساعه لانها ولاده
مشعل : طيب وسعاد ؟
الممرضه : توها داخله
مشعل: ومنار سعد ؟
الممرضه : بعد توها داخله تقريباً من ١٥ دقيقه
وقف مشعل : سعاد ومنار حوليهم عند الدكتور سلمان
هزت راسها الممرضه وطلعت
-
طلعت من العمليه للغرفه ناظرت بامها موجوده
تقدمت ام صقر : الحمدلله على سلامتك يامي
منار بصوت مبحوح : الله يسلمك
لفو لدخول الدكتور: السلام عليكم ردو السلام
الدكتور : الحمدلله على سلامتك ماتشوفين شر يارب
منار : الله يسلمك
الدكتور : توك طالعه ؟
منار : اي
الدكتور : معك ساعه اذا حسيتي باي الالم بلغي الممرضات برا
هزت راسها منار وطلع الدكتور
صادف مشعل بالممر
سلمان : دكتور مشعل
لف مشعل له : سم
تقدم سلمان : انا مشغول اليوم جداً اذا تقدر تمر المريضه سعاد
مشعل ناظر بساعته : ابشر بس مو توها ؟
سلمان : هي عمليتها قصيره مثل منار
مشعل : ابشر
—
بغرفه منار
جالسه على سجادتها تصلي الظهر وتمسع ونين منار من الالم رفعت يدها لسماء تدعي بقلبها: يارب ارزق بنيتي الراحه والطمأنينه يارب انا احس ببنيتي واعرف يارب اذا كان عندها هم يسره لها وان كانت متضايقه من شي ابعد الضيق عنها وارزقها يارب السعاده وحقق امنياتها واكتب لها الخيره في كل شي بحياتها ويسر لها ماتبغاه مسحت يدها على وجهها سلمت وقفت تناظر بمنار الي نايمه
———
الجامعه
بعد ماخلصت من المحاضرات نزلت لمكتب مشرفه التدريب طقت المكتب سمحت لها بالدخول : السلام عليكم
تماضر : وعليكم السلام اهلاً اثمار
ابتسمت وقربت للمكتب : اذا تذكرين جيت عطيتك رقم مدرسه وبلغتك اني ابيها
تماضر : اي اتذكر ليه ؟
اثمار: الصراحه استاذه ماعرف ليش مو مرتاحه لها ابي اغيرها
تماضر : ابشري بسهوله ان شاءلله نغيرها لك بس في مكان بالك ولا ندور لك ؟
اثمار: الصراحه ماعندي حتى مابلغت اهلي جيتك مباشره
تماضر : ان شاءلله تتيسر ودك بعنيزه؟
اثمار: لا ابي بريده
تماضر : تمام ابي ٥ دقايق اشوف الاماكن الي يحتاجون
اثمار: تمام
-
بعد مرور ١٥ دقيقه..
توترت كثير خايفه من هالخطوه والي بتدخله اتصلت من جديد ورد : هلا ابوي
عقاب : هلا اثمار
اثمار: يبه ابي اقولك شي فاضي ؟
عقاب : والله مشغول بس قولي وش تبين
اثمار: يبه انا غيرت تدريبي ..
قاطعها عقاب : ليش ؟
اثمار: يبه ماني مرتاحه لهم ماعرف ليش
عقاب : خلاص عادي بس وش عطوك؟
اثمار : مستشفى يحتاجون مدربات
عقاب : وينه بعيد ؟
اثمار: لا ابداً قريب شوي وحتى امي بتوديني يعني
عقاب : خلاص كويس اختاريه والله يكتب الخيره
اثمار : امين
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
