اسد: اه و انتي العروسة يا حرمي المصون
فايا: يا اخي حرمت عليك عيشتك فرح مين على مين
غادة: هو انتو بتقولو ايه
حسن: اسد هيتجوز فايا
فايا: هي بالسهولة دي اتجوزه
اسد: انتي تحمدي ربنا اني قبلت اتجوزك
فايا: ليه يا اخويا فاكر نفسك مين روبرت باتينسون و لا جورج كالونيا
اسامة: كالونيا ايييه اسمه جورج كلوني
فايا: ملكش دعوة انا اقول اللي انا عايزاه
اسد: هو انتي يا بت مفيش حد يلمك
فايا: لمتك حية في حضنها انت فاكرها سايبة و لا وكالة من غير بواب بص يا روح خالتك لم الفيلة الهندية اللي على باب و خد اهلك و اخرج من هنا معندناش بنات للجواز يا عنيا شطبنا خلاص يالا بقى من غير مطرود ورينا عرض كتافك
اسد صوب مسدسه ناحيتها و قال: شكلك الهداوة مش جايبة معاك نتيجة اعرفك بنفسي يا حلوة انا اسد الافعى اكبر زعيم مافيا في مصر و برا مصر يعني ممكن اققتلك هنا و ادفنك مكانك و لا حد هيتكلم معايا مش هيعرفو خبرك من الاساس
فايا: شوف سبحان الله مش مكفيك اسم حيوان واحد اتنين اسد و افعى
اسد: بصي بقى يا حيلة امك و ابوك المأذون هيكتب كتابنا و لو سمعت كلمة منك بس هفجر المسدس ده في نفوخك و انتي اختاري
فايا: اتكلمي يا اما ساكتة ليه
غادة: اتكلم اقول ايه ده بيقولك زعيم مافيا هو في اكتر من كده
اسد: عقلي بنت يا مرات عمي يالا لمو هدومك و لو اتاخرتو ثانية واحدة هفرغ المسدس ده فيكم
قعدو يبصولو و متحركوش
اسد بزعيق: يالااااااااا
و في ظرف ثواني كانت غادة و فايا داخل الاوضة بيلمو هدومهم
اسد لليان: و انت مدخلتيش معاهم ليه
ليان: دي مشاكل عائلية انا مليش دعوة بكل ده انا هاخد شنطتي و اخرج
و اول ما جات تخطي عتبة الباب وقفها صوت اسد
اسد: عنننندك
ليان سابت شنطتها و رفعت ايديها لفوق و قالت: و ربنا ما عملت حاجة يا باشا انا بريئة
اسد: ادخلي معاهم و لمي هدومك انتي كمان
ليان: بس يا باشا انا
اسد: مبحبش اعيد كلامي مرتين
ليان: اهو يا باشا متعصبش نفسك
فايا: احيه يا اما انتي هتجوزيني دراكولا ده ممكن ياكلني ده و هو يتكلم كنت هعملها على نفسي من كتر الخوف كله كوم و السلاح اللي في ايده كوم تاني
غادة: لو مش موافقة ممكن تخرجي و تقوليلو بنفسك
فايا: هو انا هخاف منه و لا ايه انا طالعة اقوله
ليان: ما بلاش يا فايا ده ممكن يبلعك انتي مش شايفاه عامل ازاي
فايا: اوعي بس يا بت من قدامي هتشوفو هعمل معاه ايه ابن اللزينة ده
خرجت و لقت المأذون قاعد و قدامه اسد
المأذون: اين العروووس
اسد: اهي جات
المأذون: و دلوقتي بحضور العروسة هبدا في الاجراءات
اسد: تعالي اقعدي
فايا: مش هقعد و مش هتجوزك افهم بقى
اسد بغضب: اقعدي بالزوق بدل ما اقعدك بطريقتي
فايا بعند: مش قاعدة و اللي عندك اعمله
اسد شاور لاحد الحراس و في ثانية الا ثانية كان الحارس مخرج سيف و اداه لاسد اللي حطه على رقبة فايا و قال: و كده هتقعدي و لا لا
فايا: قعد عليك فيل فشفشلك عظمك
اسد ضغط على رقبتها اكتر و قال: لسانك ميطولش عليا
فايا بوجع: حاضر حاضر
المأذون: ده جواز بالاكراه و لا يجوز
فايا: حصل يا شيخنا
اسد بص على حراسه اللي قربو من المأذون و وقفو وراه و حطو المسدس على دماغه
اسد: و كده؟؟؟؟ ابدا الاجراءات و متلعبش معايا عشان انا مبهزرش
المأذون: حاضر
فايا: مأذون عرة على فكرة الجواز ده باطل انا متجوزة
الكل بصدمة: متجوزة
فايا: ايوة متجوزة
اسد بغضب: متجوزة ازاي يعني
فايا: متجوزة زي الناس
حسن: و يطلع مين جوزك ده
فايا: عادل ابن خالي
اسد باستهزاء: ااااه عادل قولتيلي
فايا: ايوة يالا يا بابا منك ليه برا بيتي عشان بنام بدري
اسد: طب يا ست المتجوزة جوزك عادل ازاي و هو في السجن بقاله 9 سنين ليه كان مجوزك و انتي بالحفاظة
فايا بصدمة: و انت عرفت ازاي
اسد: انا عارف كل حاجة عنك من يوم ما اتولدتي لحد اللحظة دي
فايا: انت من اللهم احفظنا و لا ايه
اسد: اعتبريها كده يالا يا شيخنا ابدأ
و بعد ربع ساعة تقريبا المأذون قال: بارك الله لكما و بارك عليكما و جمع بينكما في خير
حسن: مبروك ليكم انا عايزك يا اسد تحط بنت عمك في عينك
اسد بمكر: طبعا يا حسن باشا دي مراتي لازم اهننها و استتها
فايا: من نبرة صوتك باين الهناء اللي هعيش فيه
باسم: احنا هنروح و ابقو انتو اسبقونا على البيت
حسن: ماشي
اسد جاله تيليفون فخرج من الشقة عشان يرد
حسن: لميتو حاجتكم و لا لسه يا غادة
غادة باحترام: انا حاجتي كلها جاهزة و ليان كمان فاضل بس فايا
ليان: طنط غادة انا هروح لبيت جدو
حسن: لا انتي هتيجي معانا
ليان: انا مليش اي صلة قرابة تجمعني بيكم من فضلك يا عمي سيبني اروح
حسن: انتي اخت فايا في الرضاعة فيعني حفيدتي و غادة بتعتبرك بنتها فانا مستحيل افرق بين ام و بنتها
فايا: مستحيل تفرق ام و بنتها بس تجوزني غصب مش مستحيل حسبنااا الله
حسن: بتقولي حاجة يا فايا
فايا: بدعيلك يا جدو
اسد دخل و هو بيبتسم و انس قاله: شكل الخبر وصلك
اسد: ايوة مخازن شاهين كلها اتحرقت
انس: اي حاجة يا باشا بس خلي بالك ده مش هيسكت
اسد: يعمل اللي يعمله انا مش فاضيله
انيس: فعلا انت عريس جديد و هتشرفنا شوية في البيت
اسد: اشرفكم فين معلش انت مش شايف القنبلة الذرية اللي اتجوزتها مش شايف لسانها
انس: شايفه و سامعه يا اخويا ربنا يعينك
حسن: انا هاخد غادة و ليان معايا و الباقي هيركب مع انس و انت يا اسد اقعد مع مراتك لسه مجهزتش شنطها
فايا: انتو هتسيبوني مع هالك ده لوحدنا
اسد: متخافيش انا ما باكلش البني ادمين
فايا دخلت اوضتها بعد ما الكل نزل اما اسد قعد على الكنبة و قاعد بيقلب في تيلفونه بملل
عدت نص ساعة ساعة اتنين و لسه فايا مخلصتش
اسد دخلها الاوضة و قال: مش هنخلص و لا ايه
فايا و هي على وشك العياط: انا مش لاقية شبشبي
اسد: كل ده عشان شبشب يا ستي يالا نروح و انا هجيبلك 100 شبشب
فايا: شبشبي مفيش منه اتنين و الله لو ملقيتهوش ما هاجي معاك
اسد: هاجي ادور معاك
و عدت نص ساعة تانية و لسه ملقوش الشبشب
اسد قعد على السرير بتعب اما فايا فكانت بتدور تحت الدولاب
اسد: فايا شبشبك لونه ايه
فايا: ازرق غامق
اسد و هو على وشك الانفجار: بصي كده على رجلك
بصت فايا و كانت لابسة الشبشب اللي بدور عليه
فايا: ايه ده ايه اللي جابه لرجلي
اسد: جاي مشي يالا ربنا يهديكي
ركبو العربية بعد ما فايا قفلت الشقة و راحو للقصر
VOUS LISEZ
متاهة الحب في عالم الظلال
Детектив / Триллерفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
