نسمه الريان

الحلقه السادس

.
الفصل السادس
ريان : اي الي بيحصل هنا ده

اتجه ناحية  نسمه التي كانت على وشك لملمة الزجاج المشهم من الأكواب وامسك يديها واوقفها وقال : دي مش شغلتك

ناهد : هي الي وقعتهم يبقي هي الي تلميهم

ريان :ومراتى مش خدامه  ياامي متجوزتهاش عشان كده والي هيضايقها او يجي عليها زي مايكون زعلني وانا زعلي وحش  ثم نظر الي نرمين نظرة اتهام فخافت منه وعبثت في هاتفها كي تتفاده

نظرت ناهد الي ابنها بتهكم ولكن فتحت أعينها على وسعها وقالت: انت كمان هتلمهم

ريان : وفيها اي قام ريان بلم الزجاج المهشم ثم وضعه في القمامه وبعدها امسك يد نسمه وقال : عن اذنكم عايز مراتي شويه نورتونا  ثم تركهم وصعد لأعلى وهي لا تفهم اي شيئ بماذا يفكر هذا الشخص من اين يدافع عنها ويخاف على حزنها ويجرحها بعدها لم تعد تفهم مايفكر به بتاتا..

دلف للغرفه ثم تركها وذهب للخزانه ليبدل ملابسه فذهبت ورائه وقالت : ش.. شكرا

نظر لها قليلا ثم تركها ودلف للمرحاض ليغير ملابسه بعدما ذهب قالت بضيق : انسان مريض اي ده مفيش ذوق خالص

قال ريان من الداخل : لو خرجتلك هعلقك  يانسمه لمى لسانك وصوتك الي سابقينك دول

صدمت من انه سمعها فذهبت الي الفراش سريعا وغطت وجهها ومثلت النوم

بعد قليل خرج من المرحاض وجدها هكذا فأبتسم ابتسامه بسيطه واقترب ناحيتها وقال : نسمه

نسمه من تحت الغطاء :مش عايزين لبن النهارده بكره

قال ريان بحده مصطنعه :احنا هنهزر ولا اي

قامت من مكانها حينما استمعت لصوته وقالت بجديه : نعم

ريان : جهزي نفسك هنروح المزرعه بكره

نسمه :بس انا مش عايزه اروح في حته

ريان : انا مش باخد رايك انا بقولك 

نسمه بغصب  وصرت عالي : ليه يعني انا كمان ليه رأي الله

رفع ريان حاجبيه وقال : سمعيني صوتك كده

نسمه وهي تبتلع ريقها : حلو قالولي قبل كده قدمي في زا فويس عاجبك  قولتيلي بقه هنروح الساعه كام

ريان : يعجبني ثباتك علي المبدأ

نسمه: عيب عليك يااسطا انا اهم حاجه عندي مبدأي

ريان بتهكم: اسطا

نسمه: بنضحك معاك ياراجل متبقاش قفوش  ثم تراجعت في كلامها وقالت : خلاص بلاش البصه دي

ريان  بحده: انا مبهزرش اياكي تتكلمي معايا بالطريقه دي تاني

حزنت نسمه من طريقته كانت تحاول أن تفتح معه اي حديث حتى يقطع رابط الجفاء وتحاول ان تفهم لماذا يعاملها هكذا وكل نظراته لها يظهر بها غصبه وكرهه