"كنها تشد القوس بعيونها السود ولانضرتني تطلق السهم "

"١٩"

مرت الايام عادي لين صار 10/3/2024
كان الكل متجمع بيت الجد ينتظرون اعلان اول ايام رمضان
دخلت ايفانا تدور على سهم
راحت المسبح ولاقت سهم جالسه قريب من المسبح
كانت بتدفشها بس تراجعت في اخر لحضه
ايفانا : ها وش صار معاتس
سهم : بخصوص وش
ايفانا : سمعت مسعود متقدم لك
سهم : اي وافقت و15 /3 بتكون الملكه
انصدمت ايفانا  : وش وش قلتي صاحيه فيس شي سهممم
سهم : اي وش فيس
ايفانا : صاحيه انتي وقوس لو عرف وش بيصير فيس سهم لا تسوين كذا عشان عناد
سهم : وش دخل قوس وبعدين من قالك عناد
ايفانا : سهم اعرفك سهم لا تكسرين قلب قوس ولله بيصير له شي
سهم : ما ابي قوس يعرف لين الملكه
ايفانا : سهم ولله راح تندمين بس على عموم براحتك رايح للبنات ابرك
راحت ايفانا وجلست مع البنات ولحقتها سهم كان الكل متجمع للعلان عن اول ايام رمضان
تكلم شيخ وهو يقول غداً بأذن الله تعالى الواقع من ١١/٣ اول ايام رمضان
صرخو البنات بفرح وهم يباركون لبعض
عند العيال الي كانو منفسين لأن جدهم بيلعن خير خيرهم برمضان
ريان : احااا يا عيال ولله جدي ورمضان سوا ما يجوز
ضحكوا العيال
قوس : ولله عاد جدي ما يعصب غير برمضان
رائف : وش رايكم نهج برا سعوديه
كينان : خذني معك
قاطع حديثهم دخول الجد مطلق : أجل بتهجون مني صح وانا ما يجوز برمضان  ؟؟
قوس : لا حشاك يجدي
رفع الجد عصاته وهو متوجه للعيال : لا لا مو حشاي نحشت بطونكم وعناد فيك انت وياه بتقومون تغسلون الحوش واليوم بتسوون السحور
زيدان : الحمدلله ما تدخلت
الجد مطلق : انت انطم اول واحد راح يقوم
كينان : بس يا جدي
الجد مطلق بصوت عالي : قم انت وياه
طلعوا العيال يركضون
راح زيدان وجاب ألمي وأدوات تنظيف
كانت النيه أنهم ينظفون بس للاسف صارت ساحت معركه بالمويه
كينان كان جالس يرش مويه على قوس
ريان وهو ماسك الخرطوم   : يعني بتستقوا على اخوي اوريك
زيدان : انا وأخوي على ابن عمي
وبلشت معركة ألمي الي من قوي أصواتهم طلع الجد وعياله
كان الجد واقف يناظر فيهم : قنا بيعقلون ونزوجهم بس ما منها بزران انتو
انصدموا العيال أن جدهم وراهم أما ريان كان ماسك الخرطوم وجهه على جده بالغلط وطبعن تعبأ مي  مسكو العيال ضحكتهم عصب الجد مطلق مرا بس لما شاف العيال وهم ماسكين ضحكتهم ما قدر ما يضحك وتعالت اصوات ضحكاتهم
الجد مطلق وهو راجع للجديه : خمس دقائق الاقي الحوش نضيف
بلشو العيال ينظفون 
عند البنات
الي كانو متجمعين عند جده وهم يسمعون وهي تتكلم عن كيف كانت حياتهم قبل
عند ايفانا الي متضايقه مرا
طلعت برا تشم هوا وهي مو عارفه تكلم قوس ولا لاء
جلست وهي عارفه ردت فعل قوس لو عرف
كان ريان داخل من الباب الخارجي بس شاف ايفانا وراح عندها وجلس جنبها : وش فيتس ياعيون اخوتس
ايفانا : ريان بقولك شي
ريان : قولي وش بلاتس
ايفانا : سهم انخطبت وهي هسا موافقه وملكتها بعد اربع ايام وكيف نقدر نصارح قوس ولو عرف وش بيصير بمسعود وهاذا الحقير يبيها عناد بقوس وسهم تبي ترد المقلب بالمقلب
ريان : كيف يعني ولله قوس لو عرف بتقوم لقيامه وبيتذابح هو ومسعود
ايفانا : طيب وش نسوي اقول له بس اخليه يوعدني ما يسوي شي
ريان : لا طبعن انتي لا تقولين له لين تملك لأن كذا احسن
ايفانا : قوس بيزعل منا
ريان : بيتفهم موقفنا ادخل بيجون العيال
دخلت ايفانا وهي رتاحت شوي
عند البنات
دخلت ايفانا تتسمع لكلام جدتها الي يريح القلب
عند سهى وسلام
رن جوال سهى الي كان على شحن
راحت بسرعه تجيبه لأن هي عارفه إنه سلام
سهى : الووو
سلام : هلا وغلا
سهى : هلا فيك عم..ري
سلام : مستحيل انتي سهى لايكون تعبانه
سهى : ولله الحق مو عليك الحق على الي تبي تعبر عن مشاعرها يا زققق باي
سلام : تعاي تعاي امزح ولله امزح
سهى : وش تبي
سلام : لا بس العرس بعد رمضان على طول٤/٢٠/٢٠٢٤
سهى : طيب
سلام : خلاص ولله امزح نص ساعه واجي اخذك
سهى : ليه جيت رياض
سلام : اي ولله في عندي شغل وجيت وانا بعد شتقتلتس
سهى : ايوا زين بروح اجهز
راحت سهى تجهز
بعد نصف ساعه
كان سلام محاوط اسوار بيت الهاشم
اتصل على سهى تنزل
نزلت سهى الي كانت بتطلع بس تقابلت هي ومؤيد قدام الباب سلمت وطلعت كان كل ذا يصير قدام عين سلام الي شوي وتطلع ركبت سهى وسلام تحرك بسرعه وهو ما يبي يخرب اليوم
عند تيا وأيهم
كان تيا تعاني مع الحمل حتا ايهم كان يعاني معها
رن جوال ايهم
ايهم :الوو
تيا : ايهم ابي عنجاص اخضر توتي
ايهم : واتتت وش اخضر توتي
تيا : ترضا تطلع بعين البيبي
ايهم : لا عمري تطلع عيني ولا يطلع وحمه بعينه
تيا : أجل جب لي
راح ايهم وهو مو عارف وش هو عنجاص اخضر توتي
الساعه ٢
كان العيال جالسين ويدعون أن الجد مطلق ينسه موضوع السحور بس للاسف دخل الجد مطلق وخلاهم يدخلون المطبخ
قوس : بس يا جدي انا ما اعرف اطبخ
الجد مطلق : بتتعلم وبتسوون سحور مندي
فراس : واتتت بي يا جدي ما نعرف
الجد مطلق خبط عصاته بالأرض :  معاكم ساعه ونص
بالشو العيال يطبخون
أخذ كنان الدجاجه يقطعها
وقوس يطبخ الرز
وزيدان يقطع الزلطه
والعيال يساعدونهم
جهز السحور وراح الكل يتسحر
بعد سحور راحو البنات ينامون لأن عليهم دوامات
ثاني يوم أول يوم برمضان
صحت سهم وهي مو طايقه نفسها ومنفسه
سهم : دوام برمضان افففف ياربي
صوفي : اقول قومي بس
جهز البنات وراحو المدرسه
الي كانت ياقوت واقفه تنتظر سهم وهي مو مصدقه الي قالته ايفانا
اول ما نزلت سهم سحبتها ياقوت بسرعه اخذتها قريب من الحمامات
سهم : وش فيك من عند الصبح
ياقوت : صحيح الي قالته ايفانا
سهم : وش قالت بعد ذي
ياقوت : انتي وافقتي على مسعود
سهم : اي صحيح ليه عندك مانع
ياقوت وهي ترص على أسنانها : سهم انتي صاحيه وش بيصير لو عرف قوس وانتي تحبين قوس ليه تنكري وتسويين كل هل افلام قوس يحبك افهمي لا تسوينن كذا عناد
سهم الي بلشت تندم : لا لا بعدي من قال ذا عناد خلاص بروح الفصل
راحت سهم الفصل وبعدها ياقوت
مر الدوام عادي
رجعو البنات البيت ونامو لين العصر صحيو على صوت الجده الي تصحيهم على صاله راح الكل يصلي ويقرا قرآن
بعد فتره اذا المغرب واجتمع الكل على سفره وبلشت الجمعه الجميله جمعة رمضان المبارك  اكل الكل وبعد الاكل
راحو البنات يلعبون وانو الي كانت ايفانا منفسا فيها
شافتها سهم وراحت سحبتها بعيد عن البنات
سهم : ايفو وش فيك
ايفانا : بعدي عني
سهم : انا عارفا وش اسوي انا ابي اعلم اخوك درس
ايفانا : الي تسوينه جنان
سهم : لا يكثر بس ابيك تجي عندي اكي
دخلت ايفانا وهي مطنشا كلامها
بعد ساعه رجع الكل بيته ونامو نومه طويله
مرت الايام عادي لين يوم ملكت سهم ...