تحت سيادة القانون

اغتصاب

-رشادد منو كلك اني نايمة ويا ياسين؟ شلون هيج يطعنون بشرفي!
كلي منو هذول اروح اشكهم شك

عصبت و دموعها كامت تنزل
لزمت ايدها و مسحت دموعها وكلت

- نور اني راح احل كلشي لتخافين اني يمج.

-والله اني ما سوية شي هو الي هددني بس ما توقعت يوصل لمرحلة يطعن بشرفني!

تحجي و تشهك واني استغربت من الي سمعته

- شنوو منو هددج نور احجي.
مسحت دموعها ورفعت راسها حتى تباوع عليه و تحجيلي

- هو هو النقيب ياسين صار اكثر من سنة يركض وراية و البارحة جاني للدار ع اساس يريد شغلة مني وهددني بيك ما اعرف شلون عرف ان اني اعرفك ووو...

- هو شنوو كملي نوررر لا تخبليني!
صرخت عليها

- انسى اني ادبر نفسي.
احس ان صارت عدها لحظة ادراك متأخرة تراجعت بيها عن كلشي

- نور اقسم بالله اذا ما تحجيلي هسه اروح عليه واطمره طمررر كليلي شريد منج؟

تنهدت و كالت بحذر

- هو راد مني من يلتحق بعد يومين اجي للمكتب مالته لان كال راح اجيبلج شي واريدج انتِ تشوفي واذا صحتلج وما اجيتي اني اعرف شصرف وياج.
هيج كال واني عفته ودخلت للدار