اسد بعد ما رجع و في ايده الدوا: اتغدت؟؟؟؟
يسرى: مرضيتش حتى تشرب مية
اسد: هبقى اغديها انا
يسرى:هسيبك معاها و بعد شوي هرجع اطمن عليها
اسد قعد قدام فايا و بدأ يأكلها بالعافية و بعد ما خلصت اداها الدوا و خرج و سابها نايمة
اسد: اسامة تعالى انا عايزك
اسامة: فايا عاملة ايه دلوقتي
اسد: لسه زي ما هي و انا عايزك تديلها الحقنة دي
اسامة: بس بس
اسد: بس ايه
اسامة: دي ممكن تضربني
اسد: بطل هبل و اطلع قدامي
و بعد ما طلعو للاوضة اسد صحى فايا و اسامة كان بيجهز في الحقنة
اسامة: يالا يا فايا هاتي ايدك
فايا: هتعمل بايدي ايه
اسامة: هأكلها هديكي الحقنة هعمل ايه يعني
فايا: تدي ايه لمين معلش اخرج برا بدل ما اديهالك في عينك و انت حر
اسامة لاسد: اديك شايف
اسد: يالا يا فايا اديله ايدك ده دكتور شاطر و مش هتحسي بحاجة
فايا: عارف ياض لو وجعتني هعمل فيك ايه
اسامة: ايه ياض دي انا اكبر منك على فكرة
اسد: لو وجعتها هطربق البيت على دماغك
اسامة: ده انا بقيت دكتور مهزق
ادالها الحقنة بكل خفة حتى هي محستش بحاجة
فايا: ااااااه دي توجع اوي
اسد: بطلي دلع يا فايا ده ادهالك على غفلة
فايا: طب و الله وجعتني لما خرجها
اسامة: يا ستي انا ايدي تقيلة و مينفعش اكون دكتور هتعملي ايه قدرك كده
فايا: الحمد لله كده و لا اكتر
اسامة و هو خارج: سلامتك يا مرات اخويا
فايا: جاتك ضربة في مرارتك متقوليش يا مرات اخويا تاني انا ليا اسم
اسد: حتى و انتي مريضة لسانك طويل
فايا: هو لازم امرض و لساني يمرض معايا واحد بس يكفي
اسد خطها بالمخدة: ارجعي نامي
فايا: هو انا هفضل كتير محبوسة هنا انا اتخنفت بقى و عايزة اخرج و اروح للجامعة
اسد: انا قابل انك ترجعي للجامعة بس بشرط واحد
فايا: و ايه هو
اسد: بوسيني
فايا: نعم يا حليتها
اسد: هو ده الشرط عايزة ترجعي للجامعة تبقي تنفذيه
فايا: مفيش حل تاني
اسد: لأ انا هروح اغير هدومي و فكري في اللي قولتلك عليه
فايا: هعمل معاه ايه بس المنحرف ده
و بعد ما اسد نام جنب فايا سألته: اسد هو ممكن اسالك سؤال
اسد و هو مغمض عينيه: اسألي
فايا: هو ازاي اسامة دكتور
اسد باستغراب: هو ايه اللي ازاي
فايا: ازاي يعني دكتور و انت لا مؤاخدة في الكلمة تاجر سلاح و بتشتغل عند المافيا
اسد:كل واحد اختار الشغل اللي يحبه و هما اللي بيشتغلو عندي مش انا اللي بشتغل عندهم
فايا:و انت بتحب شغلك؟؟؟؟
اسد:انتي عايزة توصلي لايه
فايا:لا مفيش حاجة انا سألتك بس تصبح على خير
اسد:هتنامي دلوقتي؟؟؟؟؟
فايا:اه و ملكش دعوة بيا
اسد:يا بنت المجانين
في نص الليل كان اسد و فايا نايمين فايا مكنتش مرتاحة لانها كانت بتحس ان حاجة ماشية عليها قامت و شغلت الاباجورة اللي جمبها و اللي شافته خلاها ثابتة مكانها و بتترعش من الخوف و مرة وحدة صوتتت
اسد: في ايه حصل ايه تاني
فايا و بتترعش من الخوف: ثعبان ثعبان يا اسد
اسد بابتسامة: دي سيرا جات تشوفني
فايا: معرفة خير شيلها و النبي انا حاسة اني هعملها على نفسي من كتر الخوف شيلها الله يسترك و يعلي مراتبك و اشوفك متعلق في حبل المشنقة انت و اللي معاك
اسد: سيرا اكيد وحشتها بقالي كتير مروحتلهاش فجاتلي هي
فايا: جاتلك انت ذنبي انا ايه
اسد شال الحية اللي كان طولها اطول من فايا بذات نفسها
اسد: خلاص شلتها بطلي رغي
فايا: خرجها برا و اخرج معاها او ارميها او ولع فيها اعمل فيها اي حاجة المهم متسبهاش هنا
سيرا لفت راسها لفايا و كانها فهمت اللي قالته
اسد: شفتي اديكي زعلتيها
فايا: انا اسفة يا ست سيرا حقك عليا خرجها بقى انا هيغمى عليا من الخوف
اسد قرب من فايا اللي لزقت في الحيط و قال: مش قبل ما اصالحكم
فايا: اسد و حياة اغلى حاجة عندك و حياة الحجة سيرا بعدها عني
اسد: بس سيرا مش اغلى حاجة عندي
فايا: ايا كان مين إبعدها عني الله يسترك
اسد: احلفي بحياتك عندي و مش هتشوفيها تاني
فايا: و حياتي عندك يا اسد و غلاوتي خرجها برا
اسد شال سيرا و خرج للجنينة و نبه على الحارس انه ميسبش الباب مفتوح مرة تاني
اسد لسيرا: انتي عارفة انا بحبك قد ايه بس هنعمل ايه يالا اشوفك بكرا
طلع اسد للاوضة و قابلته فايا بوش مخطوف
اسد: خلاص خرجتها و مش هتشوفيها تاني
فايا بخوف اول مرة يشوفه اسد: و النبي يا اسد متخليها ترجع تاني
اسد مسك ايدها و حاول يهديها: اهدي اهدي كل ده عشان سيرا
فايا: هي كانت من بقية اهلك دي ثعبان ثعباااان
اسد: دي مش اي ثعبان
فايا: طلاق ثلاثة لو شفتها مرة تانية انا هقتلها
اسد: مين اللي يقتل التاني احمدي ربنا انها معملتش ليكي حاجة و انا مستغرب من ده الصراحة
فايا: ليه كنت عايزها تقتلني مش كده انا عارفة انك مش طايقني و مبتحبنيش
اسد: انا لو كنت مش بحبك و مش بطيقك ما استحملش عنادك و لسانك الطويل ده اللي عايز اقطعه
فايا: على اي حال شكرا ليك
اسد: كده شكرا حاف
فايا: ابقى حطها في رغيف يا خفيف
اسد بخبث: ارجع اجيب سيرا عشان لسه وحشاني
فايا: لالالالالا انت قولتلي احلفي بحياتك عندي و مش هتشوفيها تاني
اسد: و ده اللي منعني انك حلفتي باغلى حاجة عندي و اللي هي انتي
فايا: بجد يا اسد انا اغلى حاجة عندك
اسد: طبعا من لما جيتي شقلبتي حياتي خليتيني مش عارف اعمل اي حاجة
فايا: ليه بقى
اسد: بقيتي نقطة ضعفي يا فايا بقيت اي حركة اعملها 100 حساب عشان ميجراش ليكي حاجة
فايا: اسد انت مش كنت طالب مني حاجة
اسد: انا لأ
فايا: متاكد
اسد بمكر: ايوة انا لسه مجاليش زهايمر عشان انسى
فايا باسته من خده و قالت: المرة الجاية افتكر طلباتك تصبح على خير
اسد بهيام: و انتي من اهل الخير و نام جمبها
و في صباح يوم جديد
خرج اسد قبل ما حد يصحى و اتوجه للمكان المخازن بتوعو اللي في الجبل
انس: يعني انت تجيبني بدري و انت دلوقتي عشان تيجي
اسد: راحت عليا نومة فين الخروف
انس: جوه و مستنيك للذبح
دخلوا هما الاتنين للمخزن اللي شاهين كان مربوط فيه
شاهين: هتستفاد ايه من حبسي
اسد: نفس السؤال هسألهولك بس بطريقة تانية هستفاد ايه لو سبتك
انس: هتعمل فيه ايه
اسد: لسه مش عارف ممكن اقتله على طول ممكن اعذبه الاول لسه مقررتش
شاهين بضحك: مش هتقدر انت مش عارف ورايا مين
اسد: انا اقدر اعمل اي حاجة انا عايزها و انت اكتر واحد تعرف ده
شاهين: ابقى اشبع من المدام بتاعك عشان مش هتقعد معاك كتير يا افعى
اسد ضربه و قال: لسه متخلقش اللي يهددني او يخطف مراتي مني
انس: يالا عشان ورانا اجتماع اما نخلصه ابقى فكر هتعمل فيه ايه
و في القصر صحيت فايا و نزلت تفطر
يسرى: صباح الخير عاملة دلوقتي ايه يا حبيبتي
فايا: الحمد لله احسن من امبارح
اسامة: انتي لازم تاكلي كويس عشان مناعتك ضعيفة
فايا: اومال فين اندر تيكر
يسرى بضحكة: خرج الصبح
فايا: و راح فين
يسرى: مش عارفة هو كده دايما يخرج الصبح بدري و يرجع على الفطار اهو رجع
دخل اسد و هو بيفكر في كلام شاهين و طلع على طول من غير ما يسلم عليهم
فايا: ماله ده قالب سحنته كده ليه
اسامة: و بتسالينا احنا ليه اطلعي شوفيه
دخلت روزا عليهم و قالت: Hello
فايا: و عليكم ال Hello يا اختي انا طالعة عشان مرارتي متتفقعش
يسرى: اقعدي افطري معانا يا روزا
روزا: لا شكرا يا طنط انا عاملة Diet
VOUS LISEZ
متاهة الحب في عالم الظلال
Misterio / Suspensoفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
