العقرب الأسود

البارت لـ 19

السلام عليكم

" الــــعــــــــــــساف "

اللهم صلى على محمد وآل محمد .
""""""""""""""""""""""""""""""""""""""""
اسراء ::- اصلاً ماخليت الموضوع بالي لان اني اصلاً رافضه ماريد اتزوج گلبي يريد شيء وعقلي شيء واحسن شيء ماتعب بلتفكير ..

ورا يومين امي حاجتني كوة تمالكت اعصابي

::- يمه وروح ابوي ماريد اتزوج ماااااااارررررييييددددد واذا ماتردوني اخذ ابني واهج وعلي هاي ايناس جان كتيلهم عندي وحده مامزوجه وخلصتي اني ماريد لا هسه ولا بعدين . لزمت ايدها . يمه اذا مليتي مني وعلي اخذ واروح

نزلت دمعته حضنتني

امي ::- وجج يمه شلون ماريدج غير علمودج تزوجين وتنسين حياتج المضت، بس خلاص مادام ماتردين بكيفج بعد .

باست راسي وراحت هيه وايناس اليوم معزومات يم خالتي ام زينب بلريف يمها ويضلن كم يوم راح فهودي للمدرسه ورسول لشغل ..

تأخرت عن الحبايه ايدي ترجف حيل وآلم راسي موتني والباب اندكت ماكدر اطلع وهيج حالتي ركضت للغرفه والشريط بيدي بلعت وحده ومن غبائي خليته بيدي ماذبيته لبست الشال وفتحت الباب جان شاهين وحده واكف واني رجفت ايدي بعدها ماهدت طاح الشريط مني مانتبه هو عاد سلم وكال

شاهين ::- جيبلي ماي دام اخوج مو هنانه

جان يريد رسول وماركزت ولا ابد اريده يروح اريد انام انطيته ماي وراح وسديت الباب وكبل نمت ..

ماكعدت غير ع صوت رسول يسولف لليل كلشي ماكوو نغزني گلبي حيل صار ثاني يوم راح رسول وفهد وكالعاده ضاله بوحدي نظفت ونورهان كل ماروحلها ماتفتح الباب ابد بس تكلي زينه مابيه شيء روحي انتِ وهاي كل يوم انا اروحلها ونفس الجواب احصل ..

اندكت الباب بقوة حيل قويه استغربت هاي شكوو مادري ليش خفت ايدي ترجف كامت بلعت الحبايه حيل حيل وركضت فتحت الباب .

جان شاهين وعسَاف ومهند ماحس اله اندفعت للبيت واعاين العسَاف ينتر بيه سحبت ايدي بسرعه

::- ايدك شبيك شكوو جاي تتهجم علينه

عسَاف ::- اشش گلمه لاتناقشين بسااااععع تلبسين عباتج وتجين ويااااي  .

::- لاضل تتامر ماشتغل عندك ويله طلع من بيتي لا ا ....

سد حلكي لبسني الشال  شلون ماجان الجبه شالها بيده شالني وحطني بلسيارة ادور شدو حلكي هاي شني شكووو اريد افتهم شكوو ربي رحمتك ضليت اضرب بلباب مال السيارة بس محد اهتم هااااييي شكووو اريد بس افتهم ليش اني هنانه جااي يصير ربي رحمتك .