(بسمالله الرحمن الرحيم)
راحو عشان ينامون عشان يقومون بدري
اليوم التالي* يوم الجمعه
قامت قبل البنات وشافت ان امهاتهم قامو قبلهم
لبست الكاب عشان تغطي شعرها فيه وراحت عشان تصلي الفجر
بدت بالتكبير
عند البنات *
قامت وهي تحس ان ظهرها متكسر من النومه
فتحت عين وشافت رجل ليان داخله في بطنها ، دفت رجلها بالم
قامت وراحت تغسل وجهها وتتوضى
خلصت الوضوء وشافت لولوه تصلي
صغرت عيونها وهي للحين تناظر في لولوه : اي يالخاينه!
قربت منها وكانت تبي تعطيها كف بس وقفت يدها : ليه ما قوميتنا من النوم؟! تدرين انه صلاه الجماعه خير من صلاه الفرد بـ27درجه!؟؟
لبست جلالها واخذت عصاة جدتها وراحت لليان تقومها
دُرر وهي تضرب رجل ليان : قومي قامت عليش قيامه !! (همست) استغفر الله بس
ضربتها اقوى : قوميييي!
قامت ليان وهي فاتحه عين ومسكره عين ومسكت راسها وتمغطت (تمططت ...افهموها عاد معرف اشرح!)
ليان : اااههههخ يالله صباخ خيير!!
كتمت دُرر ضحكتها ومثلت العصبيه : قومي الصلاةُ خيرٌ من النوم!!
ليان بهمس : تحولت لـ مطوعه بريده!
دُرر ضربها على ظهرها : لو تقصرين صوتش شوي كان سترتي على نفسش !
راحو يصلون مع بعض
عند العيال*
الجد وهو معاه خشبها ويصدقها في الارض : اللي ماراح يقوم بخليه ينام عند شبك البل!
فزوا من نومهم ويفكرون عيونهم من اشعه الشمس
الجد : يلا قوموا صلوا الفجر !
كمل : جماعه!!
العيال : ابشر ، انشالله ، يصير خير
لف الجد عليهم وهو ياشر على واحد واحد
الجد : من اللي قال يصير خير؟
كلهم ناظروا في خليفه اللي بلع العافيه ( المقصد من /يصير خير/ عندهم كأنه اذااا صلينا فهمتوا؟ شرحي يبيله شرح بس تحملوني هاذي لهجتي😭!)
محمد لف راسه على خليفه واشر عليه : ذا !
ضرب الجد رجل خليفه بخفيف : قم انت اول واحد يتوضى!
قام خليفه وهو ياتافف وكان بيمشي جمب جده بس ضربه الجد على ظهره
مسك خليفه ظهره ولف على الجد : ليه!
الجد ناظره من تحت لفوق وراح
لف خليفه على العيال : وش سويت!
راحو العيال وخلوه
مشى خليفه وراهم
كل وحده قاعده تساعد امها في الغداء
تنهدت دُرر من التعب بس ما بينت لهم
مسكت لولوه جوالها وصورت لمحمد شكل دُرر اللي يبين في الصوره وهي في المطبخ
شاف محمد الرساله وكتب لها وهو يضحك
محمد : من ذي؟
لولوه : افا ما عرفتها!
محمد : من؟
لولوه بضحكه : زوجتك
كتب محمد والابتسامه شاقه وجهه : يلبى !
ضحكت لولوه بقوه ولفوا عليها كل اللي بالمطبخ ، حطت يدها على فمها : سوري!
رجعوا يكملون الشغل
بعد مرور ساعتين على الاقل خلصوا
اذن وصار وقت صلاه الظهر
الهنوف : يلا تعالو نصلي برا مع العيال
ليان : ليه معهم؟
الهنوف : لان ...
قاطعتها الجده وهي تقول : لان جدكم قال تعالو نصلي جماعه
هزت ليان راسها وراحو معها البنات عشان يلبسون اجلتّهم
راحو برا وفرشوا السجادات وصاروا البنات ورا العيال
وبداو في الصلاه
بعد ما صلوا حطوا الغداء لهم
واحد للعيال وواحد للنسوان
أنت تقرأ
(طحت بدربك وانا ما ادله)
De Todoكاتبه جديده وانشالله انال اعجابكم بالروايه💕 روايتي بلدها قطر!! حسابي تيك @rwa_111
