"كنها تشد القوس بعيونها السود ولانضرتني تطلق السهم "

"٢٠"

صحت سهم ودخلت الحمام (يكرم القارئ) تتروش طلعت من الحمام
راحت تتجهز وهي كلها ضيق الي توها تستوعب الي يصير
دخلت ام سهم
ام سهم : صحيتي حبيبتي
سهم بضيق : اي
ام سهم : شفيتس
سهم : يما ما ابي سعود
ام سهم : وش الي ما تبينه هو لعب عيال
سهم وهي ماسكه دموعها : يما ما ابيه ما ارتحت
ام سهم : يا حبيبتي شوفيه إذا ما عجبس حنا ما راح نجبرك
سهم : بس يما
ام سهم الي كانت ماسكه الباب وبتطلع : اجهز بسرعه ما نبي مشاكل الله يرضا عليتس
طلعت ام سهم ما قدرت سهم تمسك دموعها وانهارت تصلت على صوفي ونوف يجون
بعد دقائق
دخلو البنات غرفت سهم
توجهت سهم لهم وهي تضم صوفي وتصيح
نوف : وش بلاتس ليه تبكين
سهم : ما ابي مسعود ما ابيه
نوف : ليه وش سالفه ومن جبرك عليه
سهم  بمشاهق : محد هو جا خطبني وافقت بس عشان اقهر قوس بس انا ما ابي مسعود ما ابيه وامي مو راضيه تقتنع
اني ما ابي ذا الواطي
نوف : واتتت وش سويتي بروحس طيب خلص هدي بنشوف حل
صوفي : ما في حل غير انك اليوم تملكين عليه لأن جدي وعمي عبدلله ما راح يرفضون مشان الناس الي جايه خلاص تعاي نتجهز
سهم : وقوس ؟؟
نوف : اسمعي كلام صوفي
سهم : بس هو راعي حريم وكزنوهات
نوف : قتيلي طيب عندي فكرا
شرحت نوف لهم عن خطتها
صوفي : اي طيب أصلن ما عدنا غيرها
سهم : وقوس
نوف : ما عليك المهم تخلصين من ذا
بعد ساعه جهزو البنات
(نبذة عن ملابس البنات)
صوفي : لبسه فستان احمر غامق ضيق من فوق وعريض من تحت وفيه فتحه من اول الفستان الي نص الفخذ حطت ميكب جريء وخلت شعرها كيرلي
نوف :فستان كرزي ضيق من عند الخصر ومنفوش من تحت لو كم واحد سوت شعرها ويفي وجدلت خصلتين من قدام
سهم :  لبسه فستان ابيض قصير وضيق اكمامه شفافه وسرحت شعرها طويل الي فوق ركبتها بشويي وحطت ميكب خفيف
عند ايفانا
الي كانت واقفه قدام المرايا تناظر فستانها السود البسيط
وهي عارف ان اليله ما راح تعدي على خير
دخلت رهام عند ايفانا وهي حزنانه على قوس
رهام : وين قوس
ايفانا : بالشغل
رهام : وش بصير
ايفانا : ما بيصير طيب
جا اتصال على رهام من زيدان وطلعت تكلمه
بعد دقائق
كانت سيارات آل سعود على اسوار بيت عبدلله
طلع الجد وعبدالله وعياله يستقبلون الضيوف
نزل الجد سعود من سيار
تكلم الجد مطلق : يالله حيهم تفضلو
الجد سعود: يحيا من قال
دخلو الرجال مجلس الرجال
والحريم دخلو داخل
طلع الجده ترحب بالضيوف
بعد دقائق نزلت سهم وجلست معهم
كان أم مسعود تناضر  سهم بعجاب وجالسه تقول بخاطرها : ذا جمال كيف وافقت على مسعود
ام مسعود: تعالي كنتنا اجلسي جنبي
بلعت سهم غصتها وراحت جلست جنبها
بيت عبدرحمان
دخل قوس بس تفاجأ بأن أهله كلهم متجهزين
قوس وهو متوجه ليفانا : وش ذا زين أجل وين رايحين
ايفانا بتربك  : عندنا ملكه
قوس : ملكت من
ايفانا وهي تناضر امها : مممم
قوس : وش الي مممم
عبدرحمان : ملكت بنت عمك
قوس : طيب مبروك من هي
ام قوس : قوس حبيبي هي كلها قسما ونصيب
قوس : سهم !!!!
ايفانا بصوت مهزوز : اي
قوس : وش الي اي سهم لي ولله ما ياخذ البنت غيري
طلع قوس متجه لسيارات
وطلع العيال وراه
ركب قوس سيارته واتجه لبيت عمه عبدلله
كانو العيال وراه بس ما قدرو يوقفونه
نزل قوس من سيارته واتجه لمجلس الرجال
دخل ودخلوا وراه العيال
قوس : البنت لي ولله ما ياخذ البنت غيررر تفهمون
وقف الجد بغضب : ولد
قوس : البنت لي ما ياخذ البنت غيررر
رفع مسعود الفنجال ورماه على قوس بس من زين حضه جت بالجدار
مسكو العيال قوس وطلعوه
حاول قوس يفك نفسه بس ما قدر لأن كان العيال أكثر منه بكثير
ركبوه السياره وهو يصارخ عليه
بيت عبدالله
عند الحريم بعد ما سمعو اصوات الصراخ طلعت سهم شباك تناضر من شباك لتقت عيونها بعين قوس الي كان يسحبونه العيال
بيت عبدرحمان
دخلو العيال قوس
قوس : وخر انت وهووووو ريان اذا راحت سهم يا ويلك وخررر
ريان : هد يا اخوي البنت ما تبيك
قوس بصوت جدا مرتفع : وش الي ما تبيني سهم لي ولله ما ياخذ البنت غيري
ناضره عبدرحمان بعيون كلها حزن : يا ابني الحياه قسما ونصيب
قوس بصوت كله صياح وكسر  : يبا تكفا قلهم يبعدون يبا سهم لي يباااا
عبدالرحمن: قوس أصحا البنت ما تبيك
قوس : يبا وش الي ما تبيني يبا الله يخليك لا تكسروني بسهم كل شي إلا سهم لا يبا تكفا قلهم لا يضروني بإغلا ما املك
ناضره عبدرحمان بعيون كلها حيرها
قوس : يبا رد شفيك يبا انت عارف اني احبها يباااا لا تكسر خاطري يبا انتو من حنا صغار سميتونا سهم وقوس وشبكتونا ببعض والحين تبون تبعدونا يبا تكفا لاا يبا حرمتني منها سنين بس عشان ما قدرت تأخذ المرأة الي تحبها على امي بعد ما رضيت اهلك وتجوزت امي يبا عشر سنوات انا بعيد عنها يبا لا تكسروني بسهم يبا تكفا
تقدمت ايفانا تضم قوس وهي تصيح : ما دريت يا عيوني ما دريت
بيت عبدلله
كانت سهم فرحانا بعد تأجيل الملكه بس ما كانت داريا بالي راح يجيها بعد كل ذا
_______________________________________
اسف مراااا على تأخير بس كان عندي ضرف إعذروني