الفصل الاول
اصعب احساس انك تحس بالغربة وانت جوة بلدك
انك تحس باليتم رغم وجود اهلك حواليك
انك تعيش في وحده مالهاش اول من اخر رغم زحمة الناس اللي جمبك
مين انا
انا شخص فقدت القدرة علي التعرف علي نفسي اقدر اقولك اسمي وسني وعنواني وشهادتي لكن دا كلة مش معناة اني عارف انا مين
ورغم اني ديما حاسس بالتوهه الا ان بدات استعيد جزء من نفسي لما جيت اعيش هنا
بانسيون العيلة
للحظة الاسم هيعجبك لكن هتستغرب جدا لما تعرف ان كل اللي ساكن في البنسيون دا هربان من عيلتة هربان من ازاهم وقسوتهم وجبرتهم
الصدفة الغريبة او القدر او النصيب اللي جمعونا سوا هنا
او طيبة قلب عم فتحي اطيب راجل ف الدنيا صاحب البنسيون اللي اتجمعنا فيه واللي كان احن علينا من اهلنا بكتير
احنا مين احنا اربعه
انا عصام مهندس كمبيوتر
و عماد سيلز ميندجير
و ياسمين مصممة أزياء
ومنار مترجمه الماني
كل واحد فينا هربان من أهله ل سبب مختلف
كنا عايشين في البنسيون بس ملناش علاقه ببعض لحد ما جت هوجه كورنا اللي أثرت علي العالم كله واحنا الاربعه كملنا شغلنا من البنسيون ومن هنا بدأنا نعرف بعض
[[system-code:ad:autoads]]كلنا كانت علاقتنا حلوة ب عم فتحي لكن بينا وبين بعض مكنش في علاقه
لحد ما في يوم عم فتحي عدي علينا واحد واحد وقلنا أنه عازمنا علي الغدا
كل واحد كان فاكر ان هو لوحده ال معزوم علي الغدا
وفي الوقت المحدد نزلنا واتقبلنا كلنا جوة
عم فتحي رحب بينا وعرفنا علي بعض وقعدنا وقبل ما الاكل يتحط اتكلمت انا
عصام
_ بس ايه سر العزومة الجماعيه دي يا راجل يا طيب وفين باقي النزلاء
عم فتحي
_ السبب هتعرفه بعدين يا عصام أما بقا باقي النزلاء ف مش هيجيو لاني معزمتهمش انا عزمكم انتم بس
منار بفضول
_ واشمعني احنا الاربعه بس
عم فتحي ابتسم
_ فضوليه طول عمرك عموما يا ستي هجاوب علي كل اسئلتكم بس بعد الاكل ممكن انا جعان وخدت خلاص الأنسولين ف لازم اكل بعد الاكل هنقعد نشرب الشاي مع بعض ونتكلم
ياسمين
_ في نعناع ولا اطلع اجيب من عندي
عم فتحي
_ وانا اقدر مجبش نعناع ل ست البنات في طبعا وفي بن عشان الشباب وفي بيبسي للفضوليه اللي جمبي دي يلا ناكل بقا
وبدأنا فعلا ناكل في صمت كان بيقطعه عم فتحي من وقت للتاني وهو بيكلم حد فينا
[[system-code:ad:autoads]]محستش أن حد فيهم مضايق من التجمع دا ولا حتي انا كنت مضايق رغم اني مبحبش التجمعات ابدا الا اني كنت حاسس بالفه ودفا مفتقدة بقالي كتير اوي
بعد الغدا المشروبات كانت جاهزة قعدنا في التراس كان الجو هادي وجميل وبدء عم فتحي يتكلم
_ بصو بقا بدايه كدة انا عزمتكم انتو بس لان باقي النزلاء مؤقتين كل واحد فيهم بيقعد مدة ويمشي ويعالم هيرجع تاني ولا لا ولو رجع بعد مدة اكيد مش هفتكره لكن انتم الاربعه وضعكم غير انتم بقالكم هنا معايا كتير اوي كل واحد واخد اوضه كأنها شقه خاصه بيه مش اوضه مؤقته في بنسيون لو حد فيكم مشي دلوقتي انا هفتقدة وعمري ما هنساه لحد ما اقابل وجه كريم
ياسمين بتأثر
_ بعد الشړ عليك ربنا يطول ف عمرك يا راجل يا طيب
عم فتحي بحب
_ دي سنه الحياة يا بنتي نيجي بقا للسبب التاني بقالي كتير عايز اعرف انتم هنا ليه هربانين من ايه وطالما وجودكم دائم ليه متتعرفوش علي بعض وتبقو عيله واحدة وسند ل بعض
عماد اخيرا اتكلم
_ انا مش هربان من حاجة يا عم فتحي ومش عايز لا عيله ولا سند
عم فتحي
_ بس انا عايز يا عماد عايز اعيش ال فضلي من عمري وانا مطمن اني لو مت في سريري حد هيحس بيا يا بني انا محتاجلكم انتم الاربعه جمبي مينفعش تعمل كدة عشاني يا عماد
منار
_ انا موافقه يا عم فتحي بس مش لازم نكون هنا هربانين من حاجة عادي يعني الدنيا يما فيها واكل العيش بيحكم احيانا
عم فتحي بإصرار
_ وانا متاكد انكم هربانين من حاجة اقولكم تعالو نتعرف علي بعض انتم كلكم تعرفوني وعاشرتوني سنين كتير لكن محدش فيكم يعرف حكايتي هبدء
---
انا واحكيلكم وبعدها هسمعكم
محدش علق ف عم فتحي كمل
انا ورثت البنسيون عن عن ابويا وابويا ورثه عن جدة هو وأملاك تانيه مكنتش مهتم خالص بيه كان كل اهتمامي للشركة والمصنع وبس عندي ولد وبنت الولد هو اللي ماسك الشغل دلوقتي والبنت مهاجره كندا من سنين كتير اوي لما محمد ابني مسك الشغل كان رافض اي تدخل مني خالص كل ما كنت اقول راي في اي مناقصه كان يرفض يسمع ويقوم ويسبني غير معامله مراتة اللي زي الزفت ليا اصل انا كتبتلهم كل حاجة بشرع الله ع حياة عيني ونسيت خالص البنسيون دا المهم فضلت مستحمل لحد ما في يوم
فلاش باك
محمد
_ بابا الله يخليك انا عارف انا بعمل ايه كويس اوي مش كل شويه هنتكلم ف الحوار دا أنا زهقت وقرفت بجد
سهام مراته
_ اومال انا اعمل ايه بقا طول اليوم انا اقول للولاد يمين هو يقولهم شمال لما الولاد خلاص بطلو يسمعو كلامي خالص يا محمد بجد الوضع دا بقا صعب اوي
عم فتحي پصدمة
_ انا يا سهام انا بعمل كدة انا كل ال بعمله اني بغلطك لما بتبقي عايزة تمدي ايديك عليهم دا مش اسلوب تربيه
سهام پغضب
[[system-code:ad:autoads]]_ اضربهم ولا اكسر دماغهم انا حره انا امهم وادري ب مصلحتهم حضرتك بتدخل ليه بجد يا محمد انت لازم تشوف لك حل انا مش قادره استحمل كده
عم فتحي
_ وايه بقى الحل اللي المفروض ان محمد ياخده يا ست سهام ايه بعد العمر ده كله هيرميني في دار المسنين ولا ايه ده اللي انتي عايزه تقوليه
محمد بانفعال
_ لا يا بابا اكيد سهام متقصدش كده وبعدين دار مسنين ايه دي اللي انا اودي حضرتك فيها انا مش ابن جاحد يعني عشان اعمل كده بس برده حضرتك بتتدخل في كل حاجه سواء في البيت او في الشغل و احنا مش عارفين نعيش براحتنا ولا انا عارف اخد راحتي في شغلي ولا هي عارفه تاخد راحتها في بيتها
عم فتحي پغضب
_ دي شركتي وبيتي اللي انت بتتكلم عليهم دول هو ده جزاتي بعد ما اديتهم لك على حياه عيني تكلمني بالاسلوب ده دي آخرة تربيتي فيك
محمد بزهق
_ بابا الله يخليك انا مش حمل المناهده دي بص من الاخر كده عشان انت ترتاح واحنا نرتاح انا هأجر لحضرتك شقه في اي عماره في المنطقه اللي تعجبك وهجيب لك واحد كده ياخد باله منك ويشوف طلباتك وانت تعيش مرتاح واحنا هنعيش مرتاحين
[[system-code:ad:autoads]]باك
عم فتحي
ومن الصدمة متكلمتش كلمة واحدة سكت خالص وطلعت اوضتي ومخرجتش منها فضلت مستني لما يودوني الشقه اللي قالو عليها لحد ما بعد اسبوع جالي جابر بإيراد البنسيون اللي كنت ناسيه طلبت منه يستني ولمېت هدوني ومشيت معاه ومحدش منهم وقفني ولا قالي انت رايح فين خلاص مبقتش ف حساباتهم ومشيت وجيت هنا ومن يوم ما دخلت البنسيون مخرجتش منه ولا شفت محمد ولا ولادة اللي هتجنن عليهم ولا حتي سمعت صوت بنتي اللي في الغربه ولا اعرف عنها حاجة بس هي دي حكايتي
خلص كلامه مسح دمعه نزلت منه بسرعه ورسم ابتسامة علي وشه وهو ساكت
كلنا اتأثرنا بكلامة منار وياسمين دموعهم نزلت وانا وعماد كنا بنبصله بحزن علي اللي حصله
عم فتحي
_ دي حكايتي باختصار مين بقا هيكمل بعدي
بصينا ل بعض بتردد كبير حوالي خمس دقائق والصمت هو المسيطر علي المكان وقبل ما عم فتحي يتكلم تاني رفعت ياسمين ايديها
ياسمين
_ ا انا عايزة احكي
عم فتحي ببتسامة مشجعه
_ قولي يا ياسمين كلما سمعينك
ياسمين
_ انا ليا أهل ام واخوات بس ديما كنت لوحدي اخواتي بنتين تؤام وطالعين شبه ماما ولكن انا شبه بابا اكتر ودا كان ذنبي في الحياه اني شبه بابا بابا كان قاسې اوي مش حنين وكان بيخون ماما كتير و وكان بيمد ايده عليها كتير وهي كانت بتطلع ڠضبها من كل دا فيا انا هو ينزل من هنا وهي تفضل طول اليوم
فلاش باك
سعاد
ياسمين انتي يا زفته يا خلفه هباب ياسمييييييين
ياسمين
_ أيوة أيوة يا ماما انا اهو
سعاد پغضب
_ انتي طرشه يا بت مبتسمعيش
ياسمين پخوف
_ والله يا ماما اول
---
ما سمعتك جيت جري
سعاد
_ كمان بتحلفي كدب اااه وانتي هتجيبه من بره ما انتي بنت ابوكي مش في الشكل بس لا كمان هتاخدي الطبع بس علي مين والله يا ياسمين لو ما تعدلتي ل امۏتك وارتاح منك ومن ارفك
ياسمين دموعها نزلت ومردتش
سعاد
_ ده اللي انت فالحه فيه كل ما اكلمك ټعيطي غوري يلا روحي اغسلي المواعين اللي في الحوض دي وروقي الشقه وانشري الغسيل
ياسمين
_انا هعمل كل ده لوحدي طب ما نور ونورا قاعدين جوه على التابلت وما بيعملوش حاجه
سعاد
_ لا انت اللي هتعملي كل ده عاجبك بقى ولا مش عاجبك ما لكيش دعوه بيهم يلا غوري من وشي جاتك داهيه وانت شبه ابوكي
باك
ياسمين كلمت ودموعها نازله
_ فضلت على الحال ده عمري كله وبعد ما خلصت الجامعه كان نفسي انزل اشتغل لكن ماما قالت لا تقعد تساعدني في شغل البيت واخواتها يكملوا تعليم ويشتغلوا بابا ما اهتمش وقعدت فعلا ما اشتغلتش لحد اما بابا ماټ وقتها حياتي كلها اتغيرت انا كنت بقعد في البيت كتير لوحدي كنت دايما برسم كان دايما بيستهوني ان انا ارسم فساتين او هدوم تصميمات وساعات كنت بفصل لنفسي كمان وبفصل لاخواتي لما بابا ماټ ماما اصرت انها تسيب الشقه اللي هنا في القاهره وتاخدنا وترجع اسكندريه عند اهلها وتعيش بقى حياتها وتعوض اللي ضاع من عمرها اصل بابا ماټ فجاه جات له ساكته قلبيه وماټ ماما وقتها فرحت انها خلصت من الکابوس اللي كانت عايشه فيه وفكرت انها كده خلاص هتعمل كل اللي هي عايزاه اليوم ده كانت قاعده هي واخواتي بيخططوا هيعملوا ايه لما يسافروا هنعيش فين ونصرف منين وانا ولا كاني قاعده هوا ما ليش لازمه وقررت ان لاول مره اقول لها لا وقفت في وسط الاوضه وقلت لهم انا مش مسافره معاكم كلهم بصوا لي كده اللي هو انت اټجننتي بس انا صممت وواجهت امي بكل اللي جوايا
[[system-code:ad:autoads]]فلاش باك
ياسمين
_ مش هسافر معاكم ودا قراري النهائي انتم كدة كدة مش بتحبوني ف مش هفرق معاكم وجودي من عدمة ولو علي عيله حضرتك ال هناك لما يسالوكي قولي ياسمين متجوزة وقاعدة مع جوزها شوفتي سهله اهي
سعاد پغضب
_ بت انتي بطلي كلام اهبل انا لما صدقت ارتحت من قرف ابوكي هتطلعيلي انتي
ياسمين بهدوء
_ بالعكس والله انا عايزة مصحلتك يا ماما
سعاد بسخريه
_ مصلحتي انا !
ياسمين بتأكيد
_ اه والله مصلحتك بصي حضرتك هكلمك بصراحة عشان تفهميني اسرع
حضرتك مش بتحبيني بفكرك دايما ببابا دلوقتي بابا ماټ فكل ما هتبصي في وشي هتفتكريه مش هتعرفي تنسيه مش هتعرفي تعيشي حياتك بالسهوله اللي انت عايزاها طب على ايه حضرتك الموضوع سهل قوي يا ماما ولا انا هكون مبسوطه هناك معاكم ولا حضرتك هتكوني مبسوطه وانا قدامك فانتي تقولي للناس ان انا متجوزه وقاعده مع جوزي وتعيشي حياتك وتعوضي اللي فات من عمرك كله وانا هاخد نصيبي في مراث بابا وهبدا البزنس بتاعي في الازياء اللي انا نفسي اعمله نجحت بقى فشلت انا هعرف اصرف نفسي ويا دار ما دخلك شړ ولا حضرتك تبقي متضايقه ولا انا اعيش عمري كله متكدره فكري فيها يا ماما هتلاقي ان انا معايا حق وعموما انا بعرف حضرتك اني مش هسافر تحت اي ظرف تصبحوا على خير
[[system-code:ad:autoads]]باك
ياسمين ضحكت بۏجع
تخيلوا وافقت !!! اه والله بعد يومين لاقيتها بتقولي انا فكرت انا وأخواتك و وافقنا كدا احسن لينا كلنا فعلا هخلي المحامي يقدر نصيبك بكام وهدهولك بس بشرط تعرفيني مكانك فين وكل مدة تكلميني و وافقت واديني هنا اهو يا عم فتحي
الفصل الثاني والاخير
مع اخر كلمه قالتها دموعها كانت نازله كان واضح انها بتحاول تسيطر على نفسها بس ما قدرتش الحزن اللي كان جواها كان كبير قوي منار قامت من على كرسيها وقربت منها وحضنتها وفضلت تطبطب عليها احنا ما حدش مننا اتكلم بعد حوالي 10 دقائق كانت ياسمين هديت ومنار رجعت قعدت مكانها
عم فتحي
لا حول ولا قوه الا بالله انتي بين اهلك يا بنتي انتي مش لوحدك ابدا ابدا سامعه وفاهمه ولا لا
ياسمين بصوت ضعيف
فاهمه
---
