السلام عليكم شونكم. البارت الثالث::
سنه2023
نكمل القصه.
رجعت البيت جدي صارت مشاكل بلبيت وضروفي كلش صعبه صارت قررت كلت منو يتقدملي اوافق عليه لو عمره 40 سنه.
راحت ايام اجت ايام تقدملي شخص عمره 33 محامي كلت هذا راح يعوضني عن كلشي راح يصير الي كلشي. وجبير وفاهم. ودارس. لان انه ما ادور شكل ولا ادور شي اريد بس استقر بحياتي لان كلش تعبت.
نوب اجه الولد يشوفني الشوفه الشرعيه. وافق وانه هم وافقت. وصار الي صار ونخطبت 2023/10/20 ....
ثاني يوم الخطوبه اجه يشوفني انه استحي لان تقليدي اجه كعد يمي سولف وياي نوب جاي يكلب بجهازه جان اشوف عنده صور هوا وبنات. كتله هاي شنو جان يكلي ما يخصج وذا ما عاجبج طكي راسج بلحايط
انه نصدمت شنو مالي دخل شنو طكي راسج بلحايط ليش هيج انه يصير وياي ما ادري كتله چا شنو موقعي انه هنا. انه كلت اجوز هاي الصور قديمه عادي بس هوا ما جبر بخاطري وكال امسحهم خلاني مقهوره وطلع
نوب ضليت سبوع ما احجي ويا ولا يحجي وياي اخته دخلت بيناتنه ورجعنه چان يعزمني بمطعم داون تاون بلبصرة رحت انه ويا واخته ويانه لان اول مره اطلع واستحي فا كعدنه چان يكلي ليش مدنكه راسج ليش ما تباوعيلي صراحه من شفت الصور انه چزت نفسي منه. وما حبيته لان ما چان عنده اسلوب ولا اخلاق چان كتله شباوع يكلي باوعيلي انه ما اعرف اخلي عيوني بعيون واحد حقير
چان اكو كلاص مال ماء رفعه كال باوعيلي لا افلشج كدام العالم. انه كمت أبچي. كلت الاخته خلي نطلع منا يعني فشلني كدام العالم ويمشي كدامي 10 متر وانه ورا
رجعنه للبيت بقينه 10 ايام ما احچي ويا ولا يراسلني ولا اراسله چان شفته ع السناب ناشر رايح البغداد وناشر بمزرعه كاعد ويدخن وأغاني ونوب طلع يشرب
انه شلون أفاتح اهلي وكلهم يشرب وهوا هيج وهيج سكتت لان خطوبه وكدام الناس ما يكولون الغلط من عنده كله من البنيه.الغلط فا سكتت چان عيد ميلاد خالتي الصغيره. من شفته هيج ناشر ختنكت اريد أتنفس ماكو رحت للمستشفى التعليمي
رجعت من المستشفى ساعه 2 بليل لان حالتي كلش مو تمام جانت من ورا نوب يشوف الحاله مالتي ماله دخل بيه ولا كال شبيه ولا اي شي
رجع من بغداد چان اتصل عليه كال بعد ساعتين انه اجي عليج اريد نطلع انه بنت اصول كلمن يتعامل بأصله اليوم كتله تمام
طلعنه بسياره مالته مشغل حزين وكذا انه ساكته لان تصرفاته مو مال واحد جبير مال واحد طفل چان يكلي بعد ما تلبسين هذا البس چنت الابسه خليجي انه. تلبسين. عبايه راس. ونلبسين نقاب كتله لا ما البس والمن وافقت عليه إذا انت هيج. تريد من البدايه كلت الاهلك انه هيج وهيج. ما الك حق هيج اسوي انت
هاي سوالفه يدور حجج عليه ونوب فتر ع الحمره مالتي شنو هاي انتي متبرجه وانه الحمره مالتي ترابيه أصلا المهم كتله اطبك السياره اريد اكعد ورا بعد ما اتحمل اكعد يمك لان بزعني كلش
چان يكلي تدللين
فتح باب السياره ولزمني من ركبتي وخنكني. وطكني راجدي كمت ابجي كتله عوفني ما يعوفني كلش نهاريت بيومها
كتله رجعني للبيت ومن هذا اليوم انسى انه خطيبتك بعد. ومو بنت أبوي إذا ما افصخ الخطوبه چان يكلي شاربي مو عليه إذا تفصخين الخطوبه
كتله باجر تشوف شلون ما تنفصخ حجيت ويا جدي وانه صارفه الفلوس مال مهر جدي ابو امي عوضني عن كلشي ونطاني فلوس وكلي بويه ليش ما حجيتي ليش هيج تخلينه يسوي بيج هيج مدام انه عايش محد يضلمج انه كلش احب جدي الله يطول عمره ان شاءالله
خلصني من هذا الحقير خابر الشيخهم ورجعنه الخساير كلهن
ونفصخت الخطوبه ورتاحيت. نوب بيوم الي فصخت الخطوبه فصخت خطوبتي بيت خالي رجعت البيت جدي خالي الصغير عمره 24 سنه تعارك وياي وطردني من البيت وانه طلعت ابجي من البيت. رحت البيت خالي
خالي كال هذا البيت بيتج وشتدرين انه يمج مالج دخل بيهم
التكمله بارت اربع انتظروني💔
