تحت سيادة القانون

خيانة

-عود القميص مالتك اغسله وانطيكيا تمام.

باوعلي صفح وكال

-والله ابددد ابدد ترجعي مثل ما هو بدون غسل اريد ريحتج بي.

ضحكت ع ردة فعله
-خلص مثل ما هو تمام.

- اي سمعي كلام.
ابتسم وراح

دخلت للطبابة و جاني اتصال، شفت الفون و لكيته هو
-شكو خيررر توك رحت!

-لا بس تذكرت البارحة و حنيت اريد بعد.

-شو صاير ادبسزز صوجي اني قبلت.

-هههههههه من وراج صرت ادبسزز.
هو يضحك واني اكول بداخلي
فديت هالضحكة الحلوة.

-يلا باي

جتي اسراء بصفي و تبتسم مثل الخبلة
احس حبيبها الي راجع الها مو حبيبي

- تعاي اني بعدني ما حاسبتج ع الدكة الناقصة مالتج.
كرصتها و خليتها تكمز

- يلا يلا ميخالف كرصت الحبيب زبيب.
جا مرتضى يمنه وكال

-شبيهن الحلوات يضحكن!
باوعت ع اسراء و ضحكت

-قصدك هاي الطويلة حلوة؟
ضحك وكال

-اي تخبل جنها العافية.
هي خجلت واني حسيت اكو شي ديصير من وراية