ပြန်လည်မွေးဖွားလာခဲ့သောဘဝသစ်တွင် သက်တန့်သည်နန်းဆက်ကိုမမေ့ခဲ့ပါ။နှလုံးသားထဲ၌ နက်ရှိုင်းစွာအမြစ်တွယ်နေခဲ့သော နန်းဆက်ထည်ဝါဆိုတဲ့အမျိုးသမီးလေးကိုဘယ်သူ့အကူအညီမှမလိုပဲ မှတ်မိနေခဲ့တယ်ဆိုရင်........အဲ့ဒါသည်သက်တန့်ရဲ့ကံကြမ္မာပဲဖြစ်လိမ့်မည်။
သက်တန့်၏နာမည်ကိုသက်တန့်မသိတတ်သေးသည့်ကလေးဘဝ၌သာ မိဘများကသူတို့စိတ်ကြိုက်နာမည်ကင်ပွန်းတပ်နိုင်ခဲ့ကြသည်။သက်တန့်စကားပြောနိုင်လာသောအရွယ်တွင် မိမိကိုယ်မိမိသက်တန့်မျှော်စင်ဟုသာခေါ်ဝေါ်သုံးနှုန်းခဲ့၏။
ဤသို့ဖြင့်........သက်တန့်အရွယ်ရောက်လာသောအခါ.........။
ကျောင်းစာကြည့်တိုက်တွင်headphoneကိုတပ်ရင်းLaptopတစ်ခုနှင့်စာအုပ်များကြားတွင်အလုပ်ရှုပ်နေသောကောင်မလေးတစ်ယောက်ရှိနေ၏။
သူမသည်သွက်လက်ထက်မြက်သောဟန်ပန်နှင့်ခပ်စူးစူးရှိနေသောမျက်ဝန်းလေးများကိုပိုင်ဆိုင်ထားသည်။နှုတ်ခမ်းနီရဲရဲလေးကိုဆိုးထား၏။
သူမလေး၏ဟန်ပန်သည်ဆယ်ကျော်သက်ကောင်မလေးတစ်ဦး၏တက်ကြွလန်းဆန်းသောဟန်ပန်အပြည့်အဝရှိနေပြီးမိမိကိုယ်မိမိယုံကြည်မှုရှိဟန်ပေါ်လွင်နေပါသည်။
"သက်တန့်......ဘာတွေအသဲအသန်ရှာဖွေနေတာလဲ"
"အိမ်မက်မြို့ဟောင်းကိုရှာနေတာ"
"အိမ်မက်မြို့ဟောင်း.......ဟုတ်လား"
သက်တန့်သည်သူငယ်ချင်းဖြစ်သူကိုခေါင်းအသာညိတ်ပြရင်း laptopကိုပိတ်၍ကျောပိုးအိတ်ကိုကောက်လွယ်ရင်း ကျောင်းစာကြည့်တိုက်ထဲမှထွက်လာခဲ့သည်။ထိုသူငယ်ချင်းနှင့်စကားဆက်ပြောချင်စိတ်မရှိသဖြင့်ထိုနေရာမှထွက်လာခဲ့ခြင်းလည်းဖြစ်သည်။
သက်တန့်သည် နန်းဆက်ထည်ဝါ၏အကြောင်းမှလွဲ၍ အခြားအရာများကိုမကြားချင်.....မစဉ်းစားချင်ပါ။သက်တန့်၏ခေါင်းထဲတွင်နန်းဆက်အကြောင်းများသာပြည့်နှက်နေခဲ့သဖြင့်အခြားအရာများကိုတွေးတောပြောဆိုလိုစိတ်မရှိခဲ့ခြင်းဖြစ်လိမ့်မည်ထင်၏။
ထို့ကြောင့်ဘယ်သူနှင့်မှသိပ်မပတ်သက်ပဲသီးသန့်နေထိုင်ခဲ့၏။သက်တန့်နှင့်ပတ်သက်သမျှလူတိုင်းက သက်တန့်ကိုအံ့အားသင့်ကြ၏။အဲ့ဒါတွေကို ဘယ်လိုမှဂရုမစိုက်နိုင်ခဲ့ပါ။
YOU ARE READING
သက်တန့်မျှော်စင်💛
Fantasiနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
