مـساء الخيـر ♡
.....................
ألـ غضب 🦅
.....................
البـارت الاربعين
.....................
بـقـلـمي انا كــوثــر جـاســم
.....................
لتنسـون الايـك
متـابعـه الحسـاب
التعليـق بيـن الفقـرات
.....................
مال الموت صاير ؟
يل جنت مالي
ولك وسفه وهضيمه وعيب
مثل الشمس فجاة تغيب
جرحك بالصور ميطيب
وسفه تروح وسفه
حسبت من يمي هسه تفوت
ما حاسب حسابي تموت
عمت عينك يل تابوت
وسفه تروح وسفه
قاط ابيض ردت تلبس
ما ردتك جفن تلبس
الساني بفركتك اخرس
وسفه تروح وسفه
طولك شبر أشبر بي
شما تفتت أمل بيها
هضيمه للكبر تاليك
وسفه تروح وسفه
ي ابن گلبي
شعجب شو قصرت وياي
مال الموت صاير
يل جنت مالي
ماليييي
.....................
( موت الاحلام )
عباس :( رجعت من الدوام التعب ماخذ نص حيلي ولعبانه نفسي بسبب الأوضاع بالموصل والشفته من الانذال ايدي ما اكدر احركها بسبب وجع جتفي المتصاوب وصلت الفرعنه منصوب جادر من الطول للطول صحت )
... اوكف هناااا
( نزلت من السياره امشي كوه بسبب التعب بس گلبي مو بمكانه من الخوف والقلق خاف احد من الولد صاير بي شي كمت اسمع دكاته الشكن صدري دخلت للجادر الملا يقره والولد بالنص يلطمون لطم نسوان وحالتهم حاله تقربت ادفع بيهم ارد احد يحجي ويبرد گلبي محد نطق كلمه طلعت من الجادر اتعثر احمد وفهد واكفين بالباب دفعتهم وصحت )
... منوووووو منو المااااات احجي وياكم منوووووو المات جاوبوني ولكم ياهو المات ؟؟؟؟؟
( ابتعدو من مكانهم بدون لا يجاوبوني رجف جسمي من قريت الاسماء الموجوده على القطع انتقل الى رحمه الله الدكتور صكر الاستاذ محمد ( الرتبه ) علي
ام فهد واخر قطعه الدكتور زين كعدت بالكاع مهدود كل حيلي كلها هينه بس زين البعمري ما وكفت ويا مات هاي واكفه لطمت على صدري وكوه لزموني دفعتهم ودخلت للبيت ما مصدك صغير البيت مات شلون يموت زين انا مقصر ويا هواي انا مزعله هواي شلون يموت بدون لا يحضني شلون يموت وانا ما حاضنه وشبعان منه دخلت ادور على فضل لو واحد منهم يصبرني على مصيبتي البيت فارغ صارت كبالي صورته صحت )
... هاااا زووووين شلون تعوفني ها خويه شلون وانا ما حاضنك ضلت بنفسي ونفسك ولا مره بينت حنيتي عليك عمت عيني عليك خويه
ابو عباس : يأبه عباس
عباس : مات الصغير يأبه
ابو عباس : راح اخوك
عباس : لا اعتراض على حكمه ربنا الحمدلله على كل حال امي البنات ساره وين ؟
ابو عباس : يم بيت عمك ابو فهد وساره بغرفتكم
أنت تقرأ
آلـ غضب
أدب نسائي( 1/29 ) ذكــرى لا تنسـى " انـقـلاب " ألـ غضـب .. من البصـره " الفيحـاء " جمعتهـم المحبـه والتآخـي في مكـان واحـد . علاقـه اولاد العم أكثر من الاخوه " قـلباً على قلـب " محبه _ تضحيه _ خوف _ كأنهم اخوه يمـرون بالكـثير من الاحداث الجنونيه ال...
