بارت 3
ﺍﻡ ﺻﺎﺩﻕ ﺑﺼﻮﺕ ﻋﺎﻟﻲ : ﻓﻀﻴﺤﺔ ﻳﺒﻮﻭﻭﻭﻭﻭﻭ ﻣﻨﻴﻤﺔ ﺭﺟﺎﻝ ﺑﺒﻴﺘﻬﺔ ﻭﻟﻜﻢ ﻳﺎﻟﺠﻴﺮﺍﻥ ﻣﺪﺧﻠﺔ ﺭﺟﺎﻝ ﻟﻠﺒﻴﺖ
ﺍﻟﺮﺟﺎﻝ ﺿﻞ ﺻﺎﻓﻦ ﻋﻠﻴﻬﺔ ﻭﻣﺼﺪﻭﻡ ﻭﺍﻧﻲ ﺍﻟﻤﺼﺪﻭﻣﺔ ﺑﻌﺪ ﺍﻛﺜﺮ
ﻃﻠﻌﻮ ﺍﻟﺠﻴﺮﺍﻥ ﻋﻠﺔ ﺻﻮﺗﻬﺔ ﻭﻫﻲ ﺻﻮﺗﻬﺔ ﺧﺸﻦ ﻭﻋﺎﻟﻲ ﻓﻄﻠﻌﻮﺍ ﻳﺒﺎﻭﻋﻮﻥ ﻋﻠﻴﻨﻪ ﺍﻧﻲ ﺗﻔﺸﻠﺖ ﻭﺧﻔﺖ ﻋﺰﺯﺓ ﻫﺎﻱ ﺷﺒﻠﺘﻨﻲ ﻫﺴﺔ ﺷﻠﻮﻥ ﺍﻃﻠﻊ ﻧﻔﺴﻲ ﻣﻦ ﻫﺎﻟﻤﺸﻜﻠﺔ ﺍﺫﺍ ﻫﻮ ﺍﻧﻲ ﻫﻴﺞ ﻭﻣﺨﻠﺼﺎﻧﻪ ﻣﻨﻬﻢ ﻣﻮ ﺍﻧﻮﺏ ﺷﺎﻓﻮ ﺭﺟﺎﻝ ﻃﺎﻟﻊ ﻣﻦ ﺍﻟﺒﻴﺖ
ﻗﺎﺳﻢ ﺑﻌﺼﺒﻴﺔ ﻭ ﺻﻴﺎﺡ : ﺷﮕﺎﻋﺪ ﺗﺤﭽﻴﻦ ﺍﻧﺘﻲ ﻳﺎﻣﺮﺓ ﻋﻴﺐ ﻫﺎﻟﺤﭽﻲ ﺗﺘﻬﻤﻴﻦ ﺍﻟﻨﺎﺱ ﺑﺎﻋﺮﺍﺿﻬﻢ
ﺍﻡ ﺻﺎﺩﻕ ﺑﺼﻴﺎﺡ : ﺍﻱ ﺗﺪﺍﻓﻌﻠﻬﺔ ﻃﺒﻌﺎ ﺍﻟﻠﻪ ﺍﻟﻴﻌﻠﻢ ﺷﻤﻨﻄﻴﺘﻚ ﺣﺘﻪ ﻫﻴﺞ ﺗﺪﺍﻓﻌﻠﻬﺔ
ﺍﺭﻳﺪ ﺍﺣﺠﻲ ﻣﺎﮔﺪﺭ ﻻﺯﻣﺔ ﺍﻟﻀﺮﻑ ﻣﺎﻝ ﺍﻟﻔﻠﻮﺱ ﻭﺧﺎﻳﻔﺔ
ﺍﻡ ﺻﺎﺩﻕ ﻭﻫﻲ ﺗﺎﺷﺮ ﻋﻠﺔ ﺍﻟﻈﺮﻑ : ﻫﺎﺍﺍﺍﻩ ﺷﻮﻓﻮﺍ ﻣﻨﻄﻴﻬﺔ ﻓﻠﻮﺱ ﻋﻠﺔ ﺍﻟﻨﻮﻣﺔ ﺷﻔﺘﻮﻫﺔ ﺍﻟﮓ ﺓ ﺗﺎﺧﺬ ﻓﻠﻮﺱ ﻋﻠﺔ ﺍﻟﻨﻮﻣﺔ
ﻣﺮﺓ : ﻳﻤﻪ ﺳﻤﺎﻟﻠﻪ ﺍﻟﻠﻪ ﻳﺤﻔﻆ ﺑﻨﺎﺗﻨﻪ ﺷﻨﻮ ﻫﺎﻱ ﻭﻳﻦ ﻭﺻﻞ ﺟﻴﻠﻨﻪ
ﻣﺮﺓ ﺛﺎﻧﻴﺔ : ﻳﺎ ﺳﺎﺗﺮ ﺷﻨﻮ ﻫﺎﻱ ﻣﺎﺻﺪﻙ ﺑﺤﺎﺭ ﺗﻄﻠﻊ ﻫﻴﺞ ﻟﻼﺳﻒ ﻋﻠﺔ ﺍﻟﺘﺮﺑﻴﺔ ﺍﻟﺮﺑﻮﻟﻬﻴﺎ
ﺍﻡ ﺻﺎﺩﻕ : ﻫﺎﺍﺍ ﻭﻟﺞ ﻓﻮﮔﺎﻫﺔ ﺗﺮﺯﻟﻴﻨﻲ ﻻﻥ ﺍﺗﻬﻤﭻ ﺑﺸﺮﻓﺞ ﻭﺍﻧﺘﻲ ﺳﺎﻗﻄﺔ ﻣﻦ ﮔﺎﻋﭻ ﻃﺒﻌﺎ ﺍﺭﻣﻠﺔ ﻭﺻﻐﻴﺮﺓ ﻭﺣﻠﻮﺓ ﻣﺴﺘﺤﻴﻞ ﻣﺘﺴﻮﻱ ﻋﻼﻗﺎﺕ ﻭﺍﻟﻠﻪ ﺍﻟﻴﻌﻠﻢ ﻭﻳﺔ ﻛﻢ ﻭﺍﺣﺪ ﻧﺎﻳﻤﺔ ﻭﻳﺎ
ﺩﻣﻮﻋﻲ ﮔﺎﻣﻦ ﻳﻨﺰﻟﻦ ﻣﻦ ﺍﻟﺨﻮﻑ ﺑﺴﺒﺐ ﺍﻟﻤﻮﻗﻒ ﺍﻟﻨﺴﻮﺍﻥ ﻳﺘﻬﺎﻣﺴﻦ ﻭﻳﺤﭽﻦ ﻭﺍﻟﺰﻟﻢ ﺗﻔﺮ ﺑﺮﺍﺳﻬﺔ ﻭﻧﻈﺮﺍﺕ ﺍﺳﺘﺤﻘﺎﺭ ﻭﺩﻧﺎﺀﺓ ﻳﺒﺎﻭﻋﻮﻟﻲ
ﻗﺎﺳﻢ ﺑﻌﺼﺒﻴﺔ : ﺍﻧﺘﻲ ﻣﺘﺴﺘﺤﻴﻦ ﺗﺘﻬﻤﻴﻦ ﺍﻟﺒﻨﻴﺔ ﻭﻫﺬﺓ ﺍﻟﻀﺮﻑ ﻓﻠﻮﺱ ﺍﻟﺪﻳﻦ
ﺍﻡ ﺻﺎﺩﻕ ﺑﻌﺮﺍﻣﻪ : ﻋﻠﻴﻤﻦ ﺗﻀﺤﻚ ﺭﺟﺎﻝ ﺷﻜﺒﺮﻙ ﺍﺳﺘﺤﻲ ﻧﺎﻳﻢ ﻭﻳﺔ ﺑﻨﻴﺔ ﺑﮕﺪ ﺑﺰﺭﻙ
ﺍﻟﺮﺟﺎﻝ ﺻﺎﺭ ﺍﻋﺼﺎﺏ ﺍﺣﺴﺔ ﺭﺍﺡ ﻳﻨﻔﺠﺮ ﮔﺎﻡ ﻳﺼﻴﺢ ﺑﺎﻡ ﺻﺎﺩﻕ ﻭﻫﻲ ﺧﻨﺴﺖ ﺧﺎﻓﺖ ﻣﻦ ﻋﻨﺪﺓ
ﻭﺍﺣﺪ ﻣﻦ ﺍﻟﺠﻴﺮﺍﻥ : ﺷﻮﻑ ﺷﻮﻥ ﻳﺪﺍﻓﻌﻠﻬﺔ ﻣﻌﻘﻮﻟﺔ ﻟﻬﺎﻟﺪﺭﺟﺔ ﻋﺠﺒﺘﻪ ﺍﻟﻠﻲ ﻫﻴﺞ ﺩﺍﻓﻌﻠﻬﺔ
ﺍﻟﺮﺟﺎﻝ " ﻗﺎﺳﻢ " ﺍﻋﺼﺎﺏ ﺻﺎﺭ ﺣﺘﻪ ﺩﻣﺎﺭﺍﺗﻪ ﻃﻠﻌﻦ ﮔﺎﻡ ﻳﺼﻴﺢ ﻭﻳﺴﺐ ﻭﻳﻐﻠﻂ ﻋﻠﻲ ﻭﺭﺍﺡ ﻋﻠﻲ ﺩﮒ ﺑﻮﻛﺴﻴﺎﺕ ﺍﻧﻲ ﺑﺲ ﺻﺎﻓﻨﻪ ﻋﻠﻴﻬﻢ ﻭﺧﺎﻳﻔﺔ ﻭﻣﺮﻋﻮﺑﺔ ﻋﺰﺯﺯﺓ ﺑﻌﻴﻨﺞ ﺑﺤﺎﺭ ﻭﻳﻦ ﻭﮔﻌﺘﻲ ﻭﺍﻟﻠﻪ ﮔﻠﺒﻲ ﺣﺎﺳﻨﻲ ﺭﺍﺡ ﺗﺼﻴﺮ ﻣﺼﻴﺒﺔ ﺑﺲ ﻣﺎ ﺣﺴﺒﺖ ﻫﻴﺞ ﺷﻲ ﺑﺒﺎﻟﻲ ﻳﺘﻬﻤﻮﻧﻲ ﺑﺮﺟﺎﻝ ﺑﻜﺪ ﺍﺑﻮﻳﺔ
ﻫﺴﺔ ﺍﺭﻳﺪ ﺍﻃﻠﻊ ﻟﺴﺎﻧﻲ ﺍﺑﻮ ﻋﺸﺮ ﺍﻣﺘﺎﺭ ﻣﺎﮔﺪﺭ ﻋﺒﺎﻟﻚ ﻟﺴﺎﻧﻲ ﺍﻧﻌﮕﺪ ﻣﻦ ﺍﻟﺼﺪﻣﺔ ﺍﻟﻠﻲ ﺗﻌﺮﺿﺘﻠﻬﺔ
ﺍﻡ ﺍﺳﻌﺪ ﻣﺪﺕ ﺭﺍﺳﻪ ﻣﻦ ﺑﺎﺏ ﺑﻴﺘﻬﺔ ﻭﺷﺎﻓﺖ ﺍﺧﻮﻫﺔ ﺭﺍﺣﺘﻠﺔ ﺗﺮﻛﺾ : ﻳﻤﻪ ﺍﺧﻮﻭﻳﺔ ﻭﻟﻚ ﻗﺎﺳﻢ ﺷﺠﺎﻙ ﻫﺎﻱ ﺷﺒﻴﻚ ﻟﻴﺶ ﻫﻴﺞ ﺿﺎﺭﺏ ﺍﻟﻮﻟﺪ ﻫﺎﻱ ﺷﺼﺎﻳﺮ
ﻗﺎﺳﻢ ﺑﻌﺼﺒﻴﺔ : ﻭﻟﺞ ﻣﺘﻬﻤﻴﻨﻲ ﻧﺎﻳﻢ ﻭﻳﺔ ﻫﺎﻱ ﺍﻟﻤﺘﺪﺍﻳﻨﻪ ﻣﻨﻬﺔ
ﺍﻡ ﺍﺳﻌﺪ ﻟﻄﻤﺖ ﻋﻠﺔ ﺧﺪﻫﺔ : ﻋﺰﺯﺯﺓ ﺑﻌﻴﻨﻲ ﺑﺤﺎﺭ ﻟﻴﺶ ﺷﺼﺎﺭ
ﻗﺎﺳﻢ ﺑﺎﻋﺼﺎﺏ ﺍﺧﺬ ﻧﻔﺲ ﻭﺯﻓﺮﺓ : ﺟﺎﻱ ﺍﻃﻲ ﺍﻟﻔﻠﻮﺱ ﻭ ...
ﻗﺎﻃﻌﺘﻪ ﺍﻡ ﺻﺎﺩﻕ : ﻋﻴﻨﻲ ﺩﺧﻞ ﻟﻠﺒﻴﺖ ﻣﺎﻟﺘﻬﺔ ﻭﻧﺎﻡ ﻭﻳﺎﻫﺔ ﻭﻃﻠﻊ ﻣﻨﻄﻴﻬﺔ ﻓﻠﻮﺱ
ﺍﻡ ﺍﺳﻌﺪ : ﻋﺰﺯﺯﺓ ﺑﻌﻴﻨﺞ ﺗﺘﻬﻤﻴﻦ ﺍﻟﺮﺟﺎﻝ ﻋﻴﻨﻚ ﻋﻴﻨﻚ ﻭﻟﺞ ﺍﻧﺘﻲ ﻣﻨﻮ ﻭﺍﺻﻼ ﻣﻨﻴﻦ ﺟﺎﻳﺔ ﻣﺸﺎﻳﻔﺔ ﻫﻴﺞ ﻭﺣﺪﺓ ﺻﻠﻔﺔ
ﺍﻡ ﺻﺎﺩﻕ : ﻋﻴﻨﻲ ﺍﻧﻲ ﻋﻠﺔ ﺍﻻﻗﻞ ﺍﺷﺮﻑ ﻣﻨﺞ ﻭﻣﻦ ﺍﺧﻮﺝ ﻭﻣﻦ ﺣﺒﻴﺒﺘﻪ ﺍﻟﮓ ﺓ
ﺍﻧﻲ ﺑﺲ ﺻﺎﻓﻨﻪ ﻋﻠﻴﻬﻢ ﻭﺍﺳﻤﻊ ﺍﻡ ﺍﺳﻌﺪ ﺩﺍﻓﻌﻠﻲ ﻭﺗﺤﭽﻴﻠﺔ ﺍﻟﻘﺼﺔ : ﺷﺒﻴﻜﻢ ﻧﺘﻮ ﺍﻧﻲ ﻣﺘﺪﺍﻳﻨﻪ ﻣﻦ ﺍﻟﺒﻨﻴﺔ ﻻﻥ ﺍﻟﺮﺍﺗﺐ ﻣﺎﻝ ﺭﺟﻠﻲ ﺗﺎﺧﺮ ﻫﺎﻟﺸﻬﺮ ﺍﺣﺘﺎﺟﻴﻨﻪ ﻓﻠﻮﺱ ﻭﺗﺪﺍﻳﻨﺖ ﻣﻦ ﺍﻟﺒﻨﻴﺔ ﺑﺲ ﺍﺧﻮﻳﺔ ﺍﻟﻴﻮﻡ ﺍﺟﺔ ﺯﺍﺭﻧﻲ ﻭﻋﺮﻑ ﻣﻦ ﺍﺑﻨﻲ ﺍﺳﻌﺪ ﺍﻧﻮ ﻣﺘﺪﺍﻳﻨﻪ ﻭﻫﻮ ﺭﺍﻳﺢ ﻟﻠﺒﻨﻴﺔ ﻳﻨﻄﻴﻬﺔ ﺍﻟﻔﻠﻮﺱ ﺑﻌﺪ ﺷﻨﻮ ﺍﻟﺴﺎﻟﻔﺔ ﺳﻮﻳﺘﻮﻫﺔ ﻗﺼﺔ ﻋﻠﺔ ﺍﻟﺒﻨﻴﺔ ﻭﺍﺗﻬﻤﺘﻮﻫﺔ
ﺍﻡ ﺻﺎﺩﻕ : ﺍﻣﺸﻲ ﻟﺞ ﺷﻮﻥ ﺍﻟﻔﺖ ﺍﻟﻬﺔ ﻗﺼﺔ ﻭﺍﻟﻠﻪ ﺧﻮﺵ ﻛﺎﺗﺒﺔ ﺍﻧﺘﻲ ﺧﻼﻝ ﺛﻮﺍﻧﻲ ﺗﺎﻟﻔﻴﻦ ﻗﺼﺔ ﻟﺘﺼﺪﮔﻮﻫﺔ ﺍﻧﻲ ﺑﻌﻴﻨﻲ ﺷﻔﺘﻪ ﻃﻠﻊ ﻣﻦ ﺑﻴﺘﻬﺔ ﻭﻫﻲ ﺷﺎﻳﻠﺔ ﮔﻼﺹ ﻣﺎﻱ ﻗﺎﺑﻞ ﺍﭼﺬﺏ ﻋﻴﻮﻧﻲ
ﻗﺎﺳﻢ : ﻳﺎ ﻣﺮﺓ ﺍﺣﺘﺮﻣﻲ ﻧﻔﺴﺞ ﺻﺤﻴﺢ ﺍﻧﻲ ﺩﺧﻠﺖ ﺑﺲ ﻟﻠﻄﺎﺭﻣﺔ ﺍﻟﻤﺎﻃﻮﺭ ﺍﻧﻔﺠﺮ ﻣﺎﻟﺘﻬﻢ ﻭﺻﻠﺤﺘﻪ ﺍﻟﻬﻢ ﻫﻲ ﺍﻟﺒﻨﻴﺔ ﻭﺍﮔﻔﺔ ﺑﺎﻟﺒﺎﺏ ﻳﺸﻬﺪ ﻋﻠﻲ ﺭﺑﻲ ﻣﺎ ﻛﻮ ﻏﻴﺮ ﺷﻲ
ﺷﻔﺖ ﺍﺳﻮ ﻭﻣﺎﻫﺮ ﺟﺎﻳﻦ ﺑﺴﻴﺎﺭﺗﻬﻢ ﮔﻤﺖ ﺍﺑﺠﻲ ﺑﺎﻻﻛﺜﺮ ﻭﻫﻤﺔ ﻧﺰﻟﻮ ﻣﺴﺘﻐﺮﺑﻴﻦ ﺑﺎﻟﺠﺎﻱ ﻳﺼﻴﺮ
ﻣﺎﻫﺮ : ﻫﺎﻱ ﺷﺪﻳﺼﻴﺮ ﺍﻡ ﺻﺎﺩﻕ ﺷﻌﻨﺪﺝ ﺟﺎﻳﺔ
ﺍﻡ ﺻﺎﺩﻕ : ﺗﻌﺎﺍﺍﺍﻝ ﻣﺎﻫﺮ ﺷﻮﻑ ﺗﺮﺑﻴﺘﻚ ﻧﺰﻟﺖ ﺭﺍﺳﻚ ﻭﻧﺎﻳﻤﺔ ﻳﻢ ﺭﺟﺎﻝ ﺷﻔﺘﻬﻢ ﺑﻌﻴﻨﻲ ﻣﻨﻄﻴﻬﺔ ﻓﻠﻮﺱ ﻭﻃﻠﻊ ﻣﻦ ﺍﻟﺒﻴﺖ
ﻣﺎﻫﺮ ﺑﻌﺼﺒﻴﺔ : ﻭﻟﺞ ﺍﻧﺘﻲ ﺑﻌﺪﺝ ﺗﺘﻬﻤﻴﻦ ﺑﻨﺘﻲ ﺍﻧﺘﻲ ﺷﻨﻮ ﻣﻦ ﺷﻲ ﺑﺎﻟﻌﺮﺱ ﻣﺘﻬﻤﺘﻬﺔ ﺗﺘﺤﺎﺭﺵ ﺑﺎﻟﻮﻟﺪ ﻭﺭﺯﻟﺘﺞ ﻭﻣﺎ ﻓﺎﺩ ﺍﻧﻮﺏ ﺟﺎﻳﺔ ﻟﺒﻴﺘﻲ ﻭﺗﺘﻬﻤﻴﻬﺔ ﮔﺒﺎﻝ ﺍﻟﺠﻴﺮﺍﻥ
ﺍﺳﻮ : ﺳﻤﻌﻲ ﺍﻡ ﺻﺎﺩﻕ ﻗﺴﻢ ﺑﺎﻟﻠﻪ ﺍﺫﺍ ﺑﻌﺪ ﺣﺠﻴﺘﻲ ﻋﻠﺔ ﺷﺮﻑ ﺍﺧﺘﻲ ﻭﺟﺒﺘﻲ ﻃﺎﺭﻳﻬﺔ ﻋﻠﺔ ﻟﺴﺎﻧﺞ ﺍﺷﺘﻜﻲ ﻋﻠﻴﺞ ﺑﻘﻀﻴﺔ ﺷﺮﻑ ﻭﺍﺗﻬﺎﻡ ﻭﺍﺧﻠﻴﻬﻢ ﻳﺨﻴﺴﻮﺝ ﺑﺎﻟﺴﺠﻮﻥ
ﺍﻡ ﺻﺎﺩﻕ ﻭﻫﻲ ﺗﺼﻔﮓ ﺑﺎﺩﻳﻬﺔ : ﻫﻬﻬﻬﻬﺎﺍﺍﻱ ﻭﻟﻜﻢ ﺍﻧﺘﻮ ﺗﺪﺍﻓﻌﻮﻟﻬﺔ ﻭﻫﺬﻭﻟﺔ ﺍﻟﺠﻴﺮﺍﻥ ﻛﻮﻟﻬﻢ ﺷﺎﻫﺪﻳﻦ ﺑﺎﻧﻮ ﻫﻮ ﺩﺧﻞ ﻟﻠﺒﻴﺖ ﻣﺎﻟﺘﻜﻢ ﻃﺒﻌﺎ ﻣﺘﺪﺭﻭﻥ ﻻﻥ ﺣﻈﺮﺗﻜﻢ ﻋﺎﻳﻔﻴﻦ ﻭﺣﺪﺓ ﺍﺭﻣﻠﺔ ﻭﺣﺪﻫﺔ ﺑﺎﻟﺒﻴﺖ ﻛﻢ ﻣﺮﺓ ﮔﺘﻠﻚ ﻟﺘﺨﻠﻴﻬﺔ ﻭﺣﺪﻫﺔ ﻭﺍﻧﺖ ﺗﻌﺎﻧﺪ ﺗﺮﺑﻴﺘﻲ ﻭﻣﺘﻨﺰﻝ ﺭﺍﺳﻲ ﻭﻭﺍﺛﻖ ﺑﻴﻬﺔ ﻭﻫﺎ ﺍﻫﺎﺍ ﺷﻮﻑ ﻣﻨﻄﻴﻬﺔ ﻓﻠﻮﺱ ﻋﻠﺔ ﺍﻟﻨﻮﻣﺔ
" ﻗﺎﺳﻢ " ﺑﻌﺼﺒﻴﺔ : ﺍﻧﭽﺒﻲ ﺍﺩﺏ ﺳﺰﺯﺯ ﺍﻧﺘﻲ ﺷﻨﻮ ﻣﺘﺴﺘﺤﻴﻦ ﺗﺤﺠﻴﻦ ﺑﺸﺮﻑ ﺍﻟﻨﺎﺱ ﻭﺍﻟﻠﻪ ﻭﻟﻲ ﺍﺳﻤﻪ ﺍﻟﻠﻪ ﺍﻟﺔ ﺍﺳﻮﻳﻬﺔ ﮔﻌﺪﺓ ﻋﺸﺎﻳﺮ ﻭﺍﺧﻠﻴﻬﻢ ﻳﻔﺼﻠﻮﭺ ﻭﺣﺘﻪ ﺑﻴﺖ ﻣﺎﻛﻮ ﺗﻨﺎﻣﻴﻦ ﺑﻲ ﻭﺍﻟﻠﻪ ﻟﻮ ﻣﺎ ﺍﻧﺘﻲ ﻣﺮﺓ ﭼﺎﻥ ﻓﻴﻨﺖ ﺣﻈﺞ ﺑﺲ ﺍﺻﺒﺮﻳﻠﻲ ﺍﻟﺔ ﺍﺭﻭﺡ ﻟﺸﻴﺦ ﺍﻟﻌﺸﻴﺮﺓ ﻭﻫﻮ ﻳﺤﻠﻬﺔ ﺣﺴﺒﻲ ﺣﺴﺎﺑﺞ ﺑﺎﺟﺮ ﮔﻌﺪﺓ ﻋﺸﺎﻳﺮ ﺗﺼﻴﺮ ﻫﻨﺎ ﻭ ﻧﺘﻔﺎﻫﻢ
