#بستان الضلمات للكاتبه زهراء
حرگ دم
و تعب
وآهات
ودموع
وسلب راحه ..
وسهر ولنوم مسلوب ..
"" "" "" "" "" "" "" "" "" "" "" "" "" "" "" "" "" ""
لاتنسون التصويت والتعليق بين الفقرات
"" "" "" "" "" "" "" "" "" "" "" "" "" "" "" "" "" ""
مروه:: بقى يون ويردد نفس العباره اكتلج مثل ما كتلته بقيت صافنه وخايفه يعني كتل منو معقوله الشيخ مجرم..
ضليت افكر بيني وبين نفسي شنو الاشي الي ضامه عليه ومايريد يسولف بي انا لازم اعرف عفته مدد بالكاع وطلعت للمخزن. قفلته عليه وانا متوتره وماعرف شنو اتصرف بـهذا الموقف المرعب. بقيت وحدي بالمخزن وماكو اي صوت.. شوي وندك الباب
شاهر:: فتحي الباب لاتخافين ما اسويلج شي.
ما افتح الباب انِت واحد مجرم بعد ما اريد اشوف وجهك ياحقير حسبي الله ونعم عليك بياذنب كتلته هاا فهمني؟
مروه كلت فتحي الباب ماتعرفين السبب بس صدكيني لو تعرفين ليش كتلته اكيد راح تكولين حيل ويا ولله لايرحمه..
حتى لو مأذيك بشي المفروض ما تكتله تعرف انِت هسه صرت مجرم وين تروح من ربك.
مروه ولله الي مثله يستاهل الموت يجي يوم واسولف الج كلشي وراح تنصدمين من كلشي.. بس هسه فتحي الباب اريدج.
كلت ما افتح الباب ماريد اشوف خلقتك لان صراحه خفت منك.
هههه على شنو تخافين ترا ما راح اكتلج وانا مو مجرم..
اي واضح مو مجرم ولك انَت كتلت بشر وتكول مو مجرم.
وحق ربج يامروه لو تعرفين السبب راح تصيرين وياي لان انا كتلته دفاع عن شخص وبعدين اسولف الج كلشي وعد مني..
تمام وعد تسولف الي كلشي وشرط ما تجذب.
اي ولله ما اجذب هسه فتحي الباب شيخ شكبرني مخليتني بالباب شبيج مروه احترمي ع الاقل..
كمت فتحت الباب اله وهو بقى صافن بعيوني..
خير شببك؟
مابيه شي بس عيونج طلعن حلوات تدرين ما منتبهه الهن.
ضحكت بستهزاء طبيعي ما تشوف لان انَت مجرم..
عصب وجرني من شعري للغرفه.. مررووه لاتخليني امد ايدي عليج ليش ما تفهمين الشخص الي كتلته يستاهل الموت افهميي يابنت الناس..
ايي بس تبقى مجرم لان كتلت روح..
مروه صبري نفذ وحق ربج اكتلج ومحد يعرف عنج فـ سكتي وبعد لاتعيدين هاي الكلمه..
سكتت لان شفته كلش عصبي واخاف صدك يكتلني.
ضحك واردف. يعني ما تسكتين اله بالتهديد؟
ايي ايي خفت منك تكتلني وانا بنيه بعدني صغيره كلشي ما شايفه بحياتي يعني حرامات اموت مقتوله على ايدك.
