ضلمات الِ سواد

البارت الثاني .

أحببته في المكان المقدس"
شلونكم اللماساتي

بقلمي الكاتبة لينا 📝

(وحق عينك وحق جفنك و رمشاك
اضل طول العمر امشي وره امشاك
عدي بالگلب منك ورم شاك
يهيد الورم لو مريت بيه.....)

_وجان بهذا الوقت يفوت عمي للبيت واني جنت مكسورة خاطر وبس ابجي تلكيت عمي . واني ابجي وابوية سولفلة رجع عمي سألني الي وهو يتقرب مني كلي شنو الي صار سولفيلي واني ابجي ومتكدر اتنفس رحت بتجاهة وحجيلة . فجأة ....
من وصل يمي ظربني على وجهي بحيث خلاني اوكع للكاع من قوة. الضربة ضليت كاعدة بالكاع وابجي وما شلت راسي بعد وكلتلهم هذا كلة صار بية لان كلتلها ماشتغل عندج .
وما انسا جملة كالها أبوية الي (بابا : عاجبني اروح اخذج اكتلج كدامها حتى ترتاح لان ضايجة واسحلج سحل بالكراج )
ضربني أبوية بأيدي وكلي هذا راح اخلي اثر الج لحد متكبرين من تشوفي تذكريني وفعلاً هذا الأثر الهسة موجود بأيدي ومانسيت الي صار وياي بهذاك اليوم ... راح اسبوع واني مطالعة من البيت واكل ما اكل وتمرضت واكو اماكن جانت بجسمي من كثر الضرب مكدر احركها ... راح شهر واني مامشوفة وجهي الأبوية . بعدين رجعت حياتي طبيعية ورا هذا الشهر بس ما اطلع من البيت ولا اشوف احد لان الكل جان من يشوفني ينضر الي بنضرة استحقار لو معرف شنو واختي هاي الي اظربت كل هذا الضرب بسببها ما شفتها ابد طول السنة لان جنت من اسمع هي بهذا المكان اني ارجع وجنت ما اريد اشوف وجها
ف قررت انو ادرس خارجي ثالث متوسط لان اني خلوني اترك المدرسة واني بأول متوسط لان هيج تكول عاداتهم انو البنية ما تدرس ولا توصل اهم شي تتعلم الطبخ وتربية الأطفال وتزوج وتأسس عائلة وبس ....!
اني : جبت كتب وبديت ادرس بالبيت ل ثالث متوسط ف من سمعو هم ضلو يحجون وية أبوية ويكلولة شلون سمحتلها اني قنعت أبوية كتلة ادرس بالبيت بس بوقت الامتحانات اروح امتحن وارجع وأخذ الشهادة ضلو يحجون ومقبلو اني ضليت ابجي واللوم بأمي كلتلها ليش تزوجتي أبوية ليش جبيتنا اصلاً لو ميتة احسن

امي جانت دائماً وياي وتساندني وماخلتني اعتاز شي جنت شنو اريد أو اطلب يصير الي وجانت تتحمل كولشي على مودنا وتحاول تبعدنا عنهم .
أمي هي اجمل شي بحياتنا بس رغم هذا جنا نخاف منها هواي يعني ماكدر اسوي شي اذا ما اكول الأمي وربتنا احسن تربية طبعاً اني جنت اصلي بس اكطع بصلاتي وجانت امي دائما تنصحني وتكولي حرام وميصير لحد ما التزمت بيها والحمد لله هسه اذا ما اصلي احس نفسي مخنوكة لو ضايجة . المهم نرجع يم دراستي ما فقدت الامل ولاكن أجلت الموضوع لان امي جانت تكولي من تتزوجين خلي زوجج هو يخليج تكملين . بس اعرفي تختارين الصح !*
راحت ايام وقررت من جديد  انو اعتمد على نفسي ف يمنا جان سوبر ماركت ف سدوها وصار المحل بعيد علينا كلت الأمي جيبيلي حلويات واني ابيع الإخواني والفلوس الي تطلع الي اني امشي نفسي بيها . راحت امي وجابتلي اخواني يحبون يشترون كل شوية يعني الربح زين . راحت ايام واني أخذ الفلوس اضمها جنت ما اصرفها لان جان كولشي متوفر عندي وما محتاجة شي وجنت اجمعهم حتى اشتري ملابس لعرس بنت خالي ( استبرق ) *
وجان يجي عرس استبرق وصيت ملابس وصلني للحنة.....وللعرس رحت من سوق اشتريت وخبصة العرس طبعاً العريس من اقاربي اني ' اخو العريس اسمه (خالد ) اجة بالخطوبة وشاف اخت استبرق والي هي ( جوان) * ونعجب بيها وسولفلي بيها بس كال حلوة يعني مكال نعجبت بيها لو خليتها بالي ، هنا صار العرس ونضرات بين خالد وجوان . وصار يوم العرس طبعاً جانت موجودة مرت خالي (غدير) وكالت ل استبرق

غدير : دوسي على رجلة ولج اول ما يدخل للغرفة
استبرق: اخاف يعرف ويرجع علية
غدير : سويها جنج ما متقصدة

استبرق : اخاف انسا ذكرني ،ذكريني لينا مو تنسين

لينا : اكيد خليها يمي اني اذكرج

وأخذنا العروس ورحنا

يتبع ......
‏

{تصويتكم للرواية فضلاً وليس أمراً}+ تعليقاتكم الحلوة تشجيع الي حتى استمر

﴿شما يحجون عن العينهم حلوه تجي ابالي وضحك من يذكرونك اكو الحلوه واكو الاحلى واكو عيونك﴾