ضلمات الِ سواد

البارت الخامس.

أحببته في المكان المقدس

بقلمي الكاتبة لينا 📝

***************

وهنا طلعت كل الجهال من وحتى احجي وية جوان واكللها
لينا : جوان خالد يريد يحجي وياج بسرعة يريدج

جوان :ما اروح عيني كوليلة متقبل تجي

لينا :ولج عيب روحي شوفي شبي وتعالي بسرعة

جوان :اخاف امي تشوفني ولج والله تموتني

لينا : لا اني اوكف اراقبلج روحي انتي معليج

جوان : رحت واني خايفة وارجف لان وحدنا راح نكون ماكو احد يمنا دخلت الصالة وهو جان موجود ومخلي قالب كيك يمة ورد وهدية مغلفة

خالد : هلا وغلا هلا بحبيبية كلبي

جوان : هلا بيك

خالد ولج هاي شلون صايرة تخبلين تشكين شك ولج

جوان : شهل حجي ولك خجلتني شسالفة ***

جوان : تقرب مني خالد وهمس يم اذني احبج ام عطوب ولزم ايدي وباسني من راسي وكلي لا تخافين مني ما اسويلج شي ترا لا طريني نيتج خليج حبابة وساكتة كعدني يمة وفتح الهدية وجان تطلع ساعة فضة جايبلي جان احلا شعور بهذاك اليوم عشت شعور مختلف وخاصة اول مرة يصير وياي هيج

خالد : انطيني ايدج خلي اللبسج اني

جوان : خليها اني اللبسها

خالد :اني مو كتلج لا تحجي صلي حبابة ولا تكولين لا

جوان :تمام راح اسكت وبعد ما احجي ابد

خالد : يمةة فدوة لليتزعل عادي ازعلي ارضيج بطريقتي شنو رئيج هههه

جوان :لا عيني منو كلك زعلت اني اصلاً ما ازعل منك  هنا جان يكص الكيكة ويوكلني .!

.............................

جوان :لبسني الساعة وهو يباوع بعيوني ويضحك ضحكتة الخفيفة وهنا اجتني لينا وفززتني اني وخالد جنة عايشين اللحضة

لينا : جوان ولج اجتي امج تعالي يمنا ولج بسرعة سألتني عليج كلتلها بالحمامات هسه تجي تعالي يلا

لينا :اخذت جوان ورحنا رجعنا يم البنات كعدنا وجوان اخذودها حمر وتمشي وتضحك وترجف

جوان :ولج لينا ردت اموت بين ايدين خالد من الخوف ولج تقرب من يمي وكلني كيك بأيدة

لينا : هلا هلا يحليلج ولج وين تلكين مثل خالد يحبج ولج عزا بعينج شلون عليج جرئة هاي لو اني جان متت والله

- رجعت لبيتنا وريتني ما رجعت بيومها جنت اريد اروح انام و سمعت امي وابوية يحجون بالغرفة اني تكولة لا جبيرة عليها هواي ومنفصل ما انطيها
بابا : مو بكيفج اني انطيها كلتلهم اشوف البنية وارجعلك جواب سألي بنتج وبس لا ضلين تسولفين
لينا :دخلت للغرفة عليهم وكتلة ما اريد ازوج اني بعدني صغيرة وشنو تنطيني لواحد منفصل
بابا :اي  وشبي المنفصل وذا جبير احسن جبير حتى يكون واعي واني انطيتهم كلمة بعد كافي سدي الموضوع ويجوز بأجر عكبة يجون يشوفونج

لينا :اني ما اريد ازوج حرام تغصبوني على الزواج وماااا اريد هذا الولد جبير عمرة ٣٥ سنة واني صغيرة وطلعت ابچي من الغرفة ورحت لغرفتي نمت على الجرباية افكر شنو اسوي حتى ما ازوج هذا الولد لان اريد ادرس واعرف هذا الولد اذا اخذتة مراح يخليني ادرس ** لان ميحبون الدراسة ومعقدين وحالتهم متساعد كولش عرفت مراح اكدر اعيش وياهم

صار عرس اقاربنا ورحت اني وامي واختي وبابا
هناك شفتة الولد جاي هو وأمة وأبو بابا جان متفق وياهم يشوفني الولد هناك لان استحي عود مكللهم اني ما قابلة
شافني الولد وضل يباوع علية نضراتة تخوف همجي .جنة مشايفة بنية
درت وجهي عنة ومخليتة يشوفني بعد وضليت اباوع علية بنضرة استحقار وهنا شعلو اغاني ماكدر ما اركص .هههه..
وضليت اركص بالعرس وامي تخزر بية بس اني لا أبالي وصرت وكحة واصيح كدام أمة حتى تعرف اني وكحة مو فقيرة حتى يبطلون ميردوني .

ضلت تباوع علية ام الولد وتكول الامي بالشقة بنتج حلوة ومرتبة بس عدها لسان
امي :هي هيج سوالفها فطيرة متعرف سولف

لينا : جابو العشة واني اول مرة اكل يمهم والله جانو منزلين صياني تموت كل صينية تمن وفوكة شعرية وكرزات وفخذ لحم وية دجاج مشوي ومحمص وصينية ثريد يمهن ويمها بدالت لبن بس شنو جنت ميتة جوع من الركص تعبت وجعت ونزلت على الاكل بالخمسة
- ورا ما اكلت وخلصت جنت اريد أروح اغسل والمغسلة برا وجانو أهل العرس ولدهم براا والكفين طلعت من شفتهم رجعت للصالة ركض  صاحتني وحدة من النسوان الي واكفات تعالي لا تستحين مثل اخوانج هم طلعت امشي وهم دارو وجهم ما باوعو علية **

رجعت للبيت واني مكسرة وجان البيت مخلبص وما مرتب والملابس مطشرة والأحذية مشمرة ولازم هذا كلة انظفة واعزلة هسه
بديت بغرفتي نضفتها وعزلتها ورتبتها ورجعت على غرفة امي والصالة والمطبخ نضفتهم وكملت تنضيف بس اني افكر شنو اسوي حتى ما ازوج هذا الهمجي

وجان اني ونايمة بفراشي قررت انو انتحر لان تعبت من ابوية ومعاملتة الي ويريد يزوجني غصب عني   بس جنت اخاف اكتل نفسي بسكين لو اضرب روحي لو اسمر نفسي من مكان عالي قررت انو اكتل نفسي واني ما احس وجان عبالي مراح يوجعني هذا الي راح اسوي

يتبع .....

(اسئل ليش اعزك حتى اكلك ليش
وليش شما تسوي وياي اقبلك
لحضة موت عمري سنيني كلهن خوف
وبس وياك امن لمن اوصلك وانته اخر نفس وشكد عزيز تصير
وبلحضة الموت تردنه نملك
خيط اعله الجرح باللحم صرت وياي
لو كل الجروح تصير ما نملك )،***